Frjáls verslun - 01.11.2010, Qupperneq 72

72 F R J Á L S V E R S L U N • 1 1 . T B L . 2 0 1 0
mögulegt en gjaldeyrishöftin ýta bara
vandanum áfram. Hluti þess erlenda
fjár magns sem nú er fast hér var aldrei
hugsaður til lengri tíma fjárfestingar og
ekki óeðlilegt að hann leiti annað.
Hvað telur þú að sé algengasta
umræðuefnið á meðal stjórnenda
núna?
Að skilyrði til atvinnurekstrar og upp bygg­
ingar fari versnandi og vandséð hvernig
núverandi skatta­ og efnahagsstefna
geti orðið grundvöllur hagvaxtar og verð­
mætasköpunar í framtíðinni.
Finnst þér bankarnir hreyfa sig hraðar
við að afskrifa skuldir fyrirtækja og
endurskipuleggja fjármál þeirra?
Það er okkar tilfinning að þessi vinna þyrfti
að ganga mun hraðar og vonandi mun
nýtt samkomulag um skuldavanda lítilla og
meðal stórra fyrirtækja hjálpa þar til.
Hvað var minnisstæðast hjá sjálfum
þér á árinu?
Þegar eiginkonan upplýsti að við ættum
von á fjórða stráknum á næsta ári. Á árinu
bættist líka hundur í fjölskylduna sem hefur
átt marga minnisstæða spretti. Vinnu lega
stendur það upp úr að ég tók við starfi fag­
legs framkvæmdastjóra LEX og hef haft í
mörg ný horn að líta sem slíkur.
Heimir Örn Herbertsson
HELGA VALFELLS,
framkvæmdastjóri Nýsköpunarsjóðs atvinnulífsins:
Mikilvægt að fara
að fjár festa í framtíðinni
FORRÁÐAMENN FYRIRTÆKJA
Hvaða árangur ert þú
ánægðust með innan
þíns fyrirtækis á árinu?
Hjá Nýsköpunarsjóði at­
vinnulífsins fjárfestum við
í fjórum vaxandi ný sköp­
unarfyrirtækjum á árinu.
Jafnframt náðum við að
selja Hafmynd til erlends
fjár festis fyrir góðan hagnað
og tryggðum áfram haldandi
starfsemi Haf myndar á
Íslandi og frekari framþróun
á þeirri tækni sem Hafmynd
er byggð á.
Áttu von á því að gjald­
eyrishöftin verði afn um­
in á næsta ári?
Því miður þykir mér það
frekar ósennilegt. Vonandi
verða höftin þó milduð
í einhverjum áföngum á
árinu. Það er spurning
hvort við losnum nokkuð
við þau fyrr en við tökum
upp aðra mynt.
Óttast þú fjár magns­
flæði frá landinu með
afnámi gjaldeyrishafta?
Óþolinmóðasta fjármagn­
ið fer væntanlega um leið
og höftin verða afnumin.
En það má ekki gleyma
því að höftin hindra líka
fjármagnsflæði til lands­
ins. Til lengri tíma litið
er tímabundin veiking
krón unnar tollur sem ég
er tilbúin að greiða til að
losna við höftin.
Hvað telur þú að sé al­
g eng asta umræðu efnið
á meðal stjórn enda
núna?
Á meðal þeirra stjórnenda
sem ég vinn mest með
eru útflutningur og
samkeppnishæfni ís­
lenskra fyrirtækja mikið
rædd. En almennt tel ég
að stjórnendur séu upp­
teknir af skattamálum
og endurskipulagningu
fyrir tækja. Mér heyrist
umræða um skatta og
afskriftir mjög algeng hjá
vel reknum fyrirtækjum
sem hafa ekki fengið nein
lán afskrifuð en eru að
búa sig undir töluverðar
skatta hækkanir.
Finnst þér bankarnir
hreyfa sig hraðar við
að afskrifa skuldir fyrir ­
tækja og endur skipu ­
leggja fjármál þeirra?
Bankarnir virðast vera að
hreyfa sig hraðar varð­
andi afskriftir. Okkur
hjá Nýsköpunarsjóði
atvinnu lífsins finnst bank­
arnir ef til vill of seinir að
fara að lána og treysta
fyrirtækjum framtíðarinnar
sem þurfa ekki afskriftir
heldur lítil rekstrarlán.
Þótt það sé hugsanlega
þjóð hagslega mikilvægt
að afskrifa fortíðarvanda
er jafnvel enn mikilvægara
að fara að fjárfesta í
framtíðinni.
Hvað var minnisstæðast
hjá sjálfri þér á árinu?
Á árinu tók ég við nýju
starfi sem fram kvæmda­
stjóri Nýsköp unarsjóðs
atvinnulífsins. Ég er mjög
þakklát fyrir að hafa feng­
ið tækifæri til að vinna við
það sem ég tel vera eitt
skemmtilegasta starf á
Íslandi í dag. Persónulega
fannst mér sumarið 2010
alveg frábært. Ég á margar
minningar um góðar
stundir með fjöl skyldunni í
sól og sumaryl.
Helga Valfells
HVAÐ SEGJA ÞAU UM ÁRAMÓT?