Frjáls verslun - 01.11.2010, Síða 93

F R J Á L S V E R S L U N • 1 1 . T B L . 2 0 1 0 93
Kristbjörg Kjeld fékk Edduverðlaunin fyrir leik sinn sem mamma Gógó í samnefndri kvikmynd.
Kvik myndir
HEIMILDARMYNDIR
Eins og áður segir rata flestar heimildarmyndir í sjónvarpið og þeir
sem stjórna dagskrárgerð á RÚV hafa verið einstaklega duglegir á þessu
ári í sýningum á íslenskum heimildarmyndum, en þær sem voru í fullri
lengd og rötuðu fyrst á kvikmyndatjald síðari hluta árs eru:
Gnarr. Í hálft ár var Jóni Gnarr fylgt eftir af kvikmyndatökumönn­
um hvert sem hann fór og hvað sem hann gerði. Hér fá áhorfendur að
skyggn ast á bak við tjöldin og ekkert er dregið undan, allt látið flakka, og
stjórn málamenn sem og aðrir leiðindapúkar fá hér rækilega á baukinn.
Leik stjóri er Gaukur Úlfarsson.
Feathered Cocaine (Fálkasaga) fjallar um olíufursta í Persaflóa
sem eru helteknir af veiðifálkum og borga allt að einni milljón dollara
fyrir góðan fugl. Myndin skyggnist inn í lokaðan heim sem örfáir aðilar
í heiminum hafa haft aðgang að. Leik stjórar eru Þorkell Harðarson og
Örn Marinó Arnarson.
Í Með hangandi hendi er fylgst með Ragga Bjarna á tímamótum
þar sem hann er að sigla inn í 75. aldursárið, ár sem einnig markar
60 ára starfsafmæli hans. Mynd sem varpar ljósi á manninn á bak við
hinn goðsagnakennda og síunga rokkara og rifjar upp skrautlegt lífs­
hlaup hans. Leikstjóri er Árni Sveinsson.
Norð Vestur, björgunarsaga rekur atburðarás björgunar­
aðgerða á Flateyri eftir að mikið snjóflóð féll á bæinn aðfaranótt 26.
október 1995. Þessi einstæði atburður er mörgum í fersku minni, en
frá honum segja yfir 40 einstaklingar, heimafólk á Flateyri, að stand­
endur, björgunar­ og fjölmiðlafólk og fjöldi þjóðþekktra Íslendinga.
Leikstjóri er Einar Þór Gunnlaugsson.
Backyard, tónlistarmynd í leikstjórn Árna Sveinssonar, var opnunar ­
mynd Bíó Paradísar. Myndin lýsir tónleikum sem haldnir voru í miðbæ
Reykjavíkur á Menningarnótt 2009 á horni Bergþóru götu og Frakkastígs.
Fram koma margar af ferskari hljóm sveitum landsins.
Draumurinn um veginn: 1. hluti – Inngangan er fyrsta kvik­
myndin af fimm í kvikmyndabálki um pílagrímsgöngu rithöf undarins
Thors Vilhjálmssonar til heilags Jakobs á Norður­Spáni. Hann byrjar
ferð sína í St. Jean­Pied de Port, Frakklandsmegin við Pýreneafjöllin, og
kemst í lok 1. hluta til Santo Domingo de la Calzada, bæjarins sem oft er
nefndur Litla Compostela. Á mikil vægum áfangastöðum sendir hann vini
sínum, tónskáldinu Atla Heimi Sveinssyni, símskeyti sem Atli má ekki
svara nema ef vera skyldi í tónum. Leikstjóri er Erlendur Sveinsson.
Gauragangur var frumsýndur á annan dag jóla. Á myndinni eru
Gunnar B. Gunnarsson og aðalleikararnir Alexander Briem og Eygló
Hilmarsdóttir við tökur á myndinni.