Frjáls verslun - 01.11.2010, Síða 97

F R J Á L S V E R S L U N • 1 1 . T B L . 2 0 1 0 97
Fólk
MARKÚS EINARSSON,
framkvæmdastjóri Farfugla
Markús Einarsson: „Við
erum nýbyrjuð í félagsskap
sem heitir Fjallafólk, hópur
sem kemur saman einu
sinni í viku og er með
þrek æfingar hér í bænum.
Síðan er gengið á að
minnsta kosti eitt fjall í
mánuði, árið um kring.“
ið erum með 36 far­
fugla heimili um allt
land, samtökin eiga
þrjú þeirra en síðan erum við
með samstarfssamning við
rekst r ar aðila hinna heimilanna.
Við sjáum m.a. um sam eig inlegt
mark aðs­ og kynningarstarf,
bókunar þjónustu og gæðaeftirlit
þar sem við leggjum mikla
áherslu á umhverfismálin.
Tvö heim ilanna hafa hlotið
vott un nor ræna umhverfis­
merkisins Svansins og nýlega
hlutu Far fugla heimilin í
Reykjavík umhverfisverðlaun
Ferða málastofu þetta árið. Við
rekum einnig ferðaskrifstofu
og tjaldsvæðið í Laugardal, sem
við leigj um af borg inni. Sem
dæmi um hversu umfangsmikill
rekstur okkar er þá eru um 190
þús und gisti nætur á ári á okkar
vegum.
Mest eru það erlendir ferða­
menn sem nýta sér þjónustu
okkar og ég segi stundum að
það séu tvær ástæður fyrir því að
Íslendingar nýti sér ekki meira
farfuglaheimilin en raun ber
vitni. Í fyrsta lagi er „konseptið“
ekki eins þekkt hér á landi og
erlendis og svo er það nú þann­
ig að Íslendingurinn er oft seinn
að bóka gistingu. Það er mjög
algengt að Íslendingar ætli að
panta gistingu með stuttum
fyrirvara og þá er oftar en ekki
búið að vera fullbókað í marga
mánuði.“
Markús er menntaður íþrótta ­
kennari, vann fyrst við grunn­
skóla kennslu og þjálfaði samhliða
því fatlaða íþrótta menn og fór
síðan að vinna við sérkennslu.
Hann náði sér í meiri menntun
á því sviði í Noregi og var
um tíma framkvæmdastjóri
Íþrótta sambands fatl aðra sam­
hliða kennslunni. „Ég flutti
síðan aftur til Noregs og fór í
markaðs­ og viðskiptanám og
var þar í fjögur ár. Þegar heim
kom tók ég við skólastjórastarfi
í Björgunarskóla Landsbjargar
og Slysa varna félagsins. Þar var
ég í þrjú ár eða þar til ég réð
mig til Farfugla þar sem ég hef
nú verið í tæp fjórtán ár.“
Markús er í sambúð með
Hólmfríði Pálsdóttur tölvunar­
fræðingi. Hann á eina dóttur,
Helgu Jónínu, sem er í sjúkra­
þjálfaranámi í Kaup mannahöfn.
„Helsta áhugamál okkar er alls
kyns útivera. Við göngum á
fjöll, förum á skíði og reynum
að komast í veiði nokkrum
sinn um á hverju sumri. Við
erum nýbyrjuð í félagsskap
sem heitir Fjallafólk, hópur
sem kemur saman einu sinni
í viku og er með þrekæfingar
hér í bænum. Síðan er gengið
á að minnsta kosti eitt fjall
í mánuði, árið um kring.
Nýjasta útivistaráhugamálið er
hjólreiðar og fórum við m.a. í
frábæra hjólaferð á Vestfjörðum
nú í sumar. Annað áhugamál
mitt er knattspyrnuliðið Liver­
pool. Ég sat í stjórn Liver­
pool­klúbbs ins í átta ár en
hætti sl. vor. Þetta er frábær
félagsskapur og ég fer reglu ­
lega á leiki á Anfield – Mekka
knattspyrnunnar. Ég hef
kring um þetta áhugamál mitt
upplifað margar góðar stundir
og eitt magnaðasta augna­
blik lífs míns var í Istan búl
þegar Liverpool varð Evrópu­
meistari 2005. Þá var liðið
3­0 undir í hálfleik en sneri
blað inu eftirminnilega við
í síðari hálfleik. Þetta var
aldeil is ótrúlegt og gleymist
aldrei. Næst á dagskrá hjá
okkur er skíðaferð til Ítalíu og
væntanlega verður farið norður
á Akureyri á skíði í kring­
um páskana. Næsta sumar
er stefnt að gönguferðum í
Svar faðardalnum með „göml­
um“ félögum úr Íþrótta­
kennaraskólanum og með öðr­
um kunningjahópi ætlum við
að hjóla á Austfjörðum. Þannig
að það er margt spenn andi
fram undan.“
V
Nafn: Markús Einarsson
Fæðingarstaður: Reykjavík, 31. ágúst 1955
Foreldrar: Einar Markússon og
Guðný Kristín Árnadóttir (látin)
Sambýliskona: Hólmfríður Pálsdóttir
Börn: Helga Jónína, 23 ára
Menntun: Íþróttakennari frá
Íþróttakennaraskóla Íslands, markaðs- og
viðskiptanám frá Norges Markedshögskole