Frjáls verslun - 01.04.2007, Qupperneq 8

KYNNING8 F R J Á L S V E R S L U N • 4 . T B L . 2 0 0 7
Einkaleyfastofan fer með málefni er varða einkaleyfavernd, skráningu
vörumerkja og hönnunar, byggðarmerki og önnur hliðstæð réttindi
um vernd eignarréttinda á sviði iðnaðar. Ennfremur annast stofnunin
málefni er varða faggildingu. Stofnunin veitir einstaklingum, stofn-
unum og fyrirtækjum upplýsingar og ráðgjöf varðandi hugverkarétt-
indi og faggildingu. Þá er það hlutverk Einkaleyfastofunnar að stuðla
að því að ný tækni og þekking sem felst í skráðum hugverkaréttindum
verði aðgengileg almenningi. Forstjóri er Ásta Valdimarsdóttir.
„Ef ég skilgreini hlutverk stofnunarinnar þá er Einkaleyfastofan
fyrst og fremst þjónustustofnun fyrir viðskiptalíf og iðnað. Við
þjónum þeim sem vilja vernda hugverk sín og veitum upplýsingar og
fræðslu á þeim sviðum sem tilheyra stofnuninni.
Verksviðið er vítt, en við störfum þó aðallega á fjórum sviðum,
einkaleyfa, vörumerkja og hönnunar og síðan er faggilding nýtt svið
sem áður var á vegum Neytendastofu. Stærstur hluti umsókna til
okkar, allt að 90%, kemur að utan, frá erlendum aðilum sem eru að
vernda sín hugverk á Íslandi, mestmegnis í lyfjageiranum. Hins vegar
er stærstur hluti einkaleyfa frá íslenskum aðilum tengdur nýjungum
í sjávarútvegi.
Mikil aukning hefur átt sér stað á öllum sviðum starfseminnar á
síðustu árum og helst aukningin í hendur við efnahagsþróun í Evrópu
og annars staðar í heiminum og ekki síst hér á landi. Íslendingar eru
orðnir samkeppnishæfir á ýmsum sviðum og þá er meiri ástæða fyrir
erlenda aðila að vernda hugverk sín hér á landi. En aukningin hefur
einnig verið hjá íslenskum aðilum. Sérstaklega í vörumerkjum hjá
þeim sem vilja vernda þau bæði hér á landi og í útlöndum. Alþjóðlegt
skráningarkerfi vörumerkja, sem tekur til fjölda landa, er mun meira
notað en áður og við erum milliliðirnir fyrir íslenska umsækjendur í
því ferli.“
Ásta er spurð hvort Íslendingar geri sér almennt grein fyrir
hvað á gera til að vernda hugverk sín: „Þegar litið er 10 ár aftur
í tímann þá hefur orðið gífurleg breyting til batnaðar. Hins vegar
finnst mér að fólk sé aldrei nógu meðvitað um það hve miklu máli
skiptir að vera með allt á hreinu þegar kemur að verndun hugverka og
það vantar skilning á því hvernig þetta „tæki“ ef svo má segja virkar
í viðskiptum. En það er einmitt hluti af okkar starfi að auka vitund
um hugverkaréttindi, koma fræðslunni í skólanna, til fyrirtækja og til
almennings“
Mikilvægur gagnagrunnur Ásta segir mikið rætt um hér á landi að
koma upp þekkingarþjóðfélagi sem byggi á hugviti og nýsköpun,
sem sé afar gott markmið. „ Mjög mikilvægur þáttur í því eru hug-
verk, verndun og nýting þeirra, og jafnframt að nýttar séu allar þær
upplýsingar sem felast í einkaleyfum. Einkaleyfin eru byggð á upp-
finningum. Þegar sótt er um einkaleyfi á uppfinningu þá þarf hún að
vera ný á heimsmælikvarða og eftir vissan tíma, 18 mánuði, eru allar
umsóknir birtar almenningi. Kerfið grundvallast á þessu „birting-
arprincipi“ sem á að gera það að verkum að tækniþróun haldi áfram,
Þjónustustofnun fyrir
viðskiptalíf og iðnað
Einkaleyfastofan