Frjáls verslun - 01.04.2007, Síða 32

32 F R J Á L S V E R S L U N • 4 . T B L . 2 0 0 7
D A G B Ó K I N
Actavis fyrirtækið frá sér og
dró sig út úr viðræðunum á
lokasprettinum þar sem verðið
þótti orðið of hátt. Það var hins
vegar bandaríska lyfjafyrirtækið
Mylan Laboratories sem hreppti
hnossið og greiddi 430 millj-
arða króna fyrir þetta eftirsótta
fyrirtæki.
16. maí
Nýherji kaupir
danskt tækni-
fyrirtæki
Tilkynnt var að Nýherji hefði
fest kaup
á danska
fyrirtækinu
Dansupport
A/S í
Óðinsvéum í
Danmörku.
Um er að
ræða þjón-
ustufyrirtæki
sem sérhæfir sig í uppsetningu
á tölvu-, samskipta- og síma-
kerfum fyrir meðalstór fyrirtæki.
Kaupverð félagsins var 190
milljónir króna. Kaupin verða
fjármögnuð að hluta með
lánsfé. Tekjur Dansupport á
liðnu ári voru um 340 millj-
ónir króna. Ekki er búist við að
kaupin hafi mikil áhrif á afkomu
Nýherja á yfirstandandi ári.
Hjá Dansupport starfa nú 30
manns og lögð er áhersla á að
auka vöxt félagsins. Það opn-
aði nýlega skrifstofu í Kolding
og hyggst sömuleiðis opna
skrifstofu í Kaupmannahöfn á
næstunni.
Starfsmenn Nýherja-
samstæðunnar eru
eftir kaupin um
420, þar af um
110 starfandi
erlendis.
16. maí
Verðbólga langt
yfir markmiðum
Verðbólgan er að hjaðna
og því kom það á óvart að
Seðlabankinn ákvað að halda
stýrivöxtum áfram óbreyttum,
eða í 14,25%. Það eru mjög
háir vextir og sumir hafa sagt
að þeir valdi í sjálfu sér kostn-
aðarverðbólgu. En á móti
má segja að þetta sé gamla
spurningin um það hvort komi
á undan, eggið eða hænan,
hvað sé orsök og hvað sé
afleiðing.
Á blaðamannafundi, sem
Seðlabankinn hélt vegna
óbreyttra stýrivaxta, sagði
Davíð Oddsson, formaður
bankastjórnar Seðlabankans,
að verðbólgan hefði hjaðnað á
árinu en hægar en gert var ráð
fyrir í spám bankans.
Hann sagði ennfremur að
undirliggjandi verðbólga væri
enn langt yfir markmiðum
bankans.
Davíð sagði m.a. á
blaðamannafundinum að
Seðlabankinn héldi sínu striki,
óháð því hvaða stjórn væri í
landinu.
Þorsteinn Már Baldvinsson,
forstjóri Samherja.
18. maí
Verður „Gamli Sjóli“
„Nýi Sammi“?
Þessi fyrirsögn var á blogg-
inu þegar sagt var frá því að
Samherji hefði keypt erlenda
útgerð Sjólaskipa. Sjólaskip og
tengd félög hafa gert út 6 verk-
smiðjuskip og tvö þjónustuskip í
lögsögu Máritaníu og Marokkó.
Sjólaskip eru með höfuðstöðvar
á Íslandi en með bækistöðvar
á Kanaríeyjum. Útgerðin er
hafnfirsk að uppruna.
Sjólaskip hafa gert út fiski-
skip við Máritaníu og Marokkó
síðastliðin 10 ár. Við reksturinn
starfa ríflega eitt þúsund starfs-
menn af ýmsum þjóðernum,
þ.á m. um 80 Íslendingar.
Fiskiskipin eru áþekk Engey
sem Samherji hf. keypti nýlega.
Skipin veiða einkum makríl,
hestamakríl og sardínellu. Aflinn
er unninn um borð en skipin eru
búin öflugum vinnslubúnaði og
fiskimjölsverksmiðjum. Á hverju
skipi eru um hundrað sjómenn.
Eftir kaupin koma um 70%
af tekjum Samherja af erlendri
starfsemi fyrirtækisins.
Sjólaskip hf. eiga núna eitt
skip, Delta, sem stundar veiðar
í landhelgi Marokkó og landar
ferskum fiski til vinnslu þar í
landi.
19. maí
Baugur kaupir
21 sjúkrahús
Baugur hefur oft komið á óvart í
fjárfestingum sínum, en sjaldan
eins og í þetta skiptið. Sagt
var frá því að hann hefði keypt
21 einkarekið sjúkrahús. Þetta
er óbein fjárfesting því að það
er breski fasteignasjóðurinn
Prestbury sem kaupir sjúkra-
húsin af fjárfestingasjóðinum
Capio AB.
Kaupverð sjúkrahúsanna
nemur 686 milljónum punda,
eða um 86 milljörðum króna. Að
Prestbury standa Baugur, West
Coast Capital, fjárfestingafélag
Tom Hunters, og Halifax Bank of
Scotland.
Að sögn Reuters verður hús-
næði sjúkrahúsanna leigt áfram
fyrir um 5 milljarða króna á ári
og nær samningurinn til 30 ára.
Samkvæmt því ættu leigutekjur
af sjúkrahúsunum að nema
um 150 milljörðum króna á
tímabilinu.
19. maí
Krónan sterk
út næsta ár
Greiningardeild Landsbankans
gaf út þennan dag að fátt gæti
komið í veg fyrir að gengisstyrk-
ing krónunnar héldi áfram og
að hún yrði sterk út allt næsta
ár, 2008, þótt búast mætti við
töluverðum sveiflum á henni.
Í fréttinni sagði að við síðustu
áramót hefði gengisvísitala krón-
unnar staðið í 127,9 stigum
en væri nú í 115 stigum. Hún
hefði því styrkst um 11% á
rúmum fjórum mánuðum. Það
væri töluvert meiri styrking en
greiningardeild Landsbankans
gerði ráð fyrir í krónuspá sinni í
upphafi árs.
Þórður Sverris-
son, forstjóri
Nýherja.
Davíð Oddsson
seðlabankastjóri.