Frjáls verslun - 01.04.2007, Side 40

40 F R J Á L S V E R S L U N • 4 . T B L . 2 0 0 7
Frá: Sigurði Boga Sævarssyni/sigbogi@simnet.is
Sent: Maí 2007
Til: Fólks í viðskiptalífinu
Efni: Áhugaverðar spurningar
TÖLVUPÓSTURINN ...
… TIL FROSTA ÓLAFSSONAR,
HAGFRÆÐINGS VIÐSKIPTARÁÐS
ÍSLANDS:
Ísland fellur um þrjú sæti,
úr því fjórða í sjöunda,
í samanburði IMD-
Viðskiptaháskólans í Sviss á
samkeppnishæfni þjóða. Hvað
veldur þessu?
Fórnarkostnaður hagsældar
„Að mestu má rekja þetta til ójafnvægis í hagkerfinu. Við höfum
búið við mikla þenslu í langan tíma sem hefur leitt til vaxandi
verðbólgu, hárra vaxta og viðskiptahalla. Þetta er að vissu leyti
fórnarkostnaður hagsældar undanfarinna ára en skaðar að sjálf-
sögðu samkeppnisstöðu okkar til skamms tíma. Mikill hagvöxtur,
fjárfestingar og einkaneysla ýta öll undir þessa þróun. Það sem
er afar jákvætt við niðurstöður könnunarinnar er að jákvæðir lang-
tímaþættir hafa verið að treysta sig í sessi og styrkjast. Þannig
stöndum við best allra þátttökuþjóða hvað varðar sveigjanleika og
regluverk vinnumarkaðar, frumkvöðlaanda, viðhorf til alþjóðavæð-
ingar, framlag til menntamála, sjálfbærni í orkumálum og heilsu-
samlegt umhverfi.“
… TIL ÞÓRMUNDAR BERGSSONAR,
FRAMKVÆMDASTJÓRA MEDIACOM ISLAND:
Þú hafðir nýlega milligöngu um það fyrir hönd Byrs
sparisjóðs og fjögurra þekktra bloggara að sjóðurinn
auglýsti á síðum þeirra. Er Netið að verða sterkari mið-
ill en áður var talið?
Stafrænn vöxtur
„Já, alveg klárlega. Við greinum
þennan vöxt alls staðar í heiminum
og hjá móðurfyrirtæki okkar WPP er
meðal annars búið að stofna alveg
sérstakt fyrirtæki sem eingöngu
hjálpar okkur við að nálgast og
vinna með rafrænni miðlun, það er
Digital Media. Það má segja að hinn
vestræni heimur sé orðinn mjög vel
„tengdur“ með háhraðatengingum og
netnotkun. Við hjá MediaCom Iceland höfum verið að vinna mikið
inn á vefnum og þá sérstaklega fyrir Brimborg, nýtt hann meðal
annars til að auglýsa ýmsar tegundir bíla sem ekki hefðu ratað
svo auðveldlega í prentauglýsingar. Byr og S24 eru einnig á meðal
viðskiptavina okkar sem leita mikið þangað inn. Það er auðvitað
alltaf kappsmál að leita nýrra leiða til að koma upplýsingum á
framfæri – ekki endilega bara á vefnum – heldur alls staðar.
Vandinn er oft sá að erfitt er að meta hver áhrifin eru. Reyndar
benda margar rannsóknir til þess að það sé enn betra að koma
fréttum eða slíku efni inn á Netið, frekar en auglýsingaborðum,
svo það eru líklega almannatengslafyrirtækin sem þurfa að vera á
tánum á næstunni.“