Frjáls verslun - 01.04.2007, Síða 57

F R J Á L S V E R S L U N • 4 . T B L . 2 0 0 7 57
get nefnt sem dæmi að konur hafa sótt í sig
veðrið og töluvert er um að heilu kvenna-
hollin séu með ákveðna daga í ánum. Áður
heyrði það til undantekninga, en þetta dæmi
sýnir hvernig markhópurinn hefur verið að
breytast.“
Stefán leynir því ekki að gengisþróunin
hafi reynst veiðileyfasölum erfið í skauti eins
og öllum öðrum í ferðaþjónustunni.
„Á hagvaxtartímanum dró úr ásókn
útlendinga í veiðileyfi á Íslandi en sú þróun
snerist að nokkru leyti við þegar gengi krón-
unnar lækkaði í fyrrahaust. Sá stöðugleiki,
sem við töldum vera kominn á, hefur þó því
miður ekki haldið og það hefur jafnframt
áhrif á afkomuna, á sölu veiðileyfa og ann-
arrar þjónustu til útlendinga,“ segir Stefán.
Hann getur þess að á hinn bóginn hafi
íslenskir veiðimenn sótt í stórauknum mæli í
stangaveiði á erlendri grundu.
L A X V E I Ð I
Laxveiði
Víðidalsá
Blanda I
Blanda II
Blanda III
Blanda IV
Eystri-Rangá
Laxá á Ásum
Miðfjarðará
Ytri-Rangá
Ytri Rangá - Gutlfoss
Ytri Rangá - Réttarnes
Ytri Rangá - Heiði
Svartá í Húnavatnssýslu
Tungufljót
Tungufljót - Lax - Miðsvæði
Hvannadalsá
Brynjudalsá
Hvítá - Ferjukotseyrar
Hallá við Skagaströnd
Langadalsá
Laugardalsá
Laxá í Aðaldal - Árbót
Reykjadalsá
Sog - Tannastaðatangi
Straumarnir
Silungsveiði
Víðidalsá
Arnarvatnsheiði
Eldvatn
Galtalækur
Grenlækur - svæði 3
Vesturbakki Hólsár (lax - silungur)
Sog - Tannastaðatangi
Tungufljót
Vatnasvæði Lýsu (lax - silungur)
Miðfjarðará
Norðurá í Skagafirði
Árbót - Laxá í Aðaldal
Steinsmýrarvötn
Veiðisvæði Lax-ár
„Sala veiðileyfa erlendis hefur aukist
mikið hjá okkur og kaupendur þeirrar þjón-
ustu eru hvort tveggja Íslendingar og útlend-
ingar. Umsvif okkar erlendis hafa vaxið mjög
á skömmum tíma. Við höfum m.a. rekið
allmargar ár í Rússlandi, Argentínu og Skot-
landi um nokkurra ára skeið. Í dag erum við
að selja um 450 manns veiðileyfi í Argentínu
og Rússlandi og af þeim hópi eru u.þ.b. 150
Íslendingar. Við höfum einnig selt Íslend-
ingum töluverðan fjölda veiðiferða til Skot-
lands en þar í landi leigjum við nú fjögur
veiðisvæði. Á meðal þeirra er besta vorveiði-
svæði Bretlandseyja,“ segir Stefán. Margir
íslenskir stangaveiðimenn hafa brugðið sér til
Bretlandseyja í veiði áður en veiðitímabilið
hefst hér heima. Laxveiðin ytra hefst í byrjun
febrúar eða rúmum fjórum mánuðum áður
en fyrstu íslensku árnar eru opnaðar.

Með mörg járn í eldinum
Stefán segir erfitt að átta sig á því hvað fram-
tíðin í stangaveiðunum ber í skauti sér, m.a.
vegna margra utanaðkomandi óvissuþátta
sem eigi það til að sveiflast mikið. Í því
sambandi megi nefna gengisþróunina, þróun
hagvaxtar innanlands og síðast en ekki síst
veiðina sjálfa.
„Það er engin leið að spá fyrir um það
hvernig veiðin á eftir að þróast, hvorki hér
heima né annars staðar. Okkar styrkur er
hins vegar sá að við erum með mörg járn í
eldinum. Heimurinn er á vissan hátt alltaf
að minnka og við lítum svo á í dag að það
sé auðveldara að ná til veiðimanna, hvar svo
sem þeir búa, og útvega þeim veiðileyfi við
hæfi,“ segir Stefán Sigurðsson.
Við höfum rekið
allmargar ár í Rússlandi,
Argentínu og Skotlandi
um nokkurra ára skeið.