Frjáls verslun - 01.02.2005, Blaðsíða 27

F R J Á L S V E R S L U N • 2 . T B L . 2 0 0 5 27
D A G B Ó K I N
Nóatúnsfjölskyldan) og Hannes
Smárason hafa unnið mjög náið
með Jóni Ásgeiri Jóhannessyni
og Baugi að undanförnu.
Þessir fjárfestar komu inn í
Húsasmiðjuna og Og Vodafone.
Þá eru þeir allir hluthafar í
Flugleiðum.
En þeir koma víðar við
sögu. Byggingarfélag Gylfa og
Gunnars, Saxhóll og Baugur
Group hafa eignast um 34% hlut
í Fasteignafélagi Íslands sem á
verslunarmiðstöðina Smáralind
í Kópavogi. Og viti menn, þeir
keyptu af Norvik (Jóni Helga í
Byko), Vesturgarði og Sveini
Valfells og eiga eftir kaupin
98% hlutafjár í Fasteignafélagi
Íslands.
7. mars
Meðalskuldir
hjóna 11 milljónir
Meðalskuldir hjóna og sam-
býlisfólks á aldrinum 36 til 40
ára voru 11,1 milljón króna að
meðaltali á árinu 2003. Þar
af var hlutfall húsnæðisskulda
71,7%. Þetta kom m.a. fram í
svari Davíðs Oddssonar, utan-
ríkisráðherra, við fyrirspurn
Helga Hjörvar, þingmanns
Samfylkingarinnar, á Alþingi.
7. mars
„Grúppíur
á stórum fundum“
Það er búið að gera mikið grín
að því að öll fyrirtæki á Íslandi
eru að fá Group viðskeyti.
Flugleiðir urðu FL Group á aðalf-
undi félagsins. L-ið snýr raunar
öfugt í nýju merki félagsins.
Skífan tilkynnti í byrjun mars að
nafni félagsins hefði verið breytt
í Dagur Group. Fyrir eru á mark-
aðnum Baugur Group, Bakkavör
Group, Opin kerfi Group og áfram
mætti telja.
Í aðsendu bréfi til
Morgunblaðsins orti Hallgrímur
nokkur Kristinsson um þetta
Group æði og endaði vísa hans
svona:
Forstjórarnir fá sér skrúbb,
fægja ímynd löngum stundum,
nefnast síðan gjarnan Group,
en grúppíur á stórum fundum.
8. mars
Stærsta fyrirtækja-
samsteypa á Íslandi
Bakkavör varð stærsta fyrir-
tækjasamsteypa á Íslandi eftir
kaupin á breska matvælafyrir-
tækinu Geest. Starfsmenn verða
13.500 og sameiginleg velta
Bakkavarar og Geest nemur yfir
121 milljarði króna. Kaupverðið
á Geest er 57 milljarðar króna.
Við bætast svo skuldir Geest
auk kostnaðar og annarra liða.
Heildarpakki viðskiptanna er því
um 80 milljarðar króna. Það var
Barclays banki sem annaðist
fjármögnun viðskiptanna.
8. mars
Að kaupa tryggingar
í matvöruverslun
Jón Ásgeir Jóhannesson, forstjóri
Baugs Group, sagði á aðalfundi
Samtaka verslunar og þjónustu
þar sem hann fjallaði um horfur
í verslun á næstu árum, að færri
og stærri aðilar verði ráðandi í
matvöruverslun í heiminum á
næstu árum og að þeir muni
leggja aukna áherslu á verðlag.
„Fólk mun fara oftar í mat-
vöruverslanir og versla minna
í einu. Krafan um tilbúna rétti
mun aukast. Eins má reikna
með að banka- og trygginga-
starfsemi muni færast í matvöru-
verslanirnar,“ sagði Jón Ásgeir á
fundinum.
10. mars
6-1 fyrir Íslendinga
Hún var skemmtileg fréttin
sem tekin var upp úr blaðinu
Birmingham Post í Bretlandi þar
sem fjallað er um útrás íslenskra
kaupsýslumanna. Þar er sagt var
frá því að bræðurnir í Bakkavör
hafi kynnst kaupsýslumanninum
Guy Green árið 2001 þegar þeir
buðu allir í fyrirtækið Wine and
Dine. Blaðið segir að Green hafi
síðan kynnst fólki hjá Baugi og
Kaupþingi og hafi það endað
með því að hann hafi skorað á
íslensku kaupsýslumennina í
knattspyrnuleik fyrir hönd fjár-
málamanna Birmingham. Þeir
hafi flogið til Íslands og tapað
6-1 fyrir Íslendingunum og síðan
aftur 2-0 í fyrra. Ekki fylgir
sögunni hvaða íslensku kaup-
sýslumenn hafi spilað fyrir hönd
Íslands.Bræðurnir Lýður og Ágúst Guðmundssynir í Bakkavör.
9. mars
„Einelti aldarinnar?“
Sennilega hefur engin ráðning í
starf fengið eins mikla umfjöllun
undanfarin ár og skipun Auðuns
Georgs Ólafssonar í starf frétta-
stjóra Ríkisútvarpsins. Ef marka
mátti viðbrögð fréttamanna og
starfsmanna RÚV stefndi í „ein-
elti aldarinnar“ þegar Auðun
Georg mætti til leiks. Það kom
líka á daginn. Hann dugði í einn
dag – svo erfitt var þetta fyrir
hann. Markús Örn Antonsson
útvarpsstjóri skipaði Auðun
– sem hefur verið sölu- og
markaðsstjóri Marels – í kjölfar
þess að meirihluti útvarpsráðs
mælti með honum. Útvarpsstjóri
réð síðan Óðinn Jónsson sem
fréttastjóra. Hann var einn af
fimm umsækjendum sem Bogi
Ágústsson, framkvæmdastjóri
fréttasviðs RÚV, taldi hæfustu
umsækjendurna um starfið.
Markús Örn Antonsson
útvarpsstjóri.
Jón Ásgeir Jóhannesson.