Frjáls verslun - 01.02.2005, Blaðsíða 89

AMERÍSKIR DAGAR
F R J Á L S V E R S L U N • 2 . T B L . 2 0 0 5 89
Bílabúð Benna fékk á haustmánuðum umboð fyrir þá Chevrolet bíla sem General Motors er með á Evrópumarkaði. Þetta eru fólksbílarnir Kalos, Lacetti og Evanda en Evrópufrumsýning
var einmitt hér á landi í nóvember sl. „Viðtökurnar voru góðar enda
eru þetta frábærir bílar. Sakir þess hve gengi krónunnar er hátt um
þessar mundir hefur líklega sjaldan verið jafn hagstætt
að kaupa bifreiðar. Greiningardeildir bankanna spá að
þetta ástand vari alveg fram á haust sem fólk ætti að
nýta sér hafi það innkaup á prjónunum,“ segir Benedikt
Eyjólfsson, framkvæmdastjóri Bílabúðar Bennar.
Lækkað um 7% Bendikt segir að þegar Chevrolet bíl-
arnir komu á markaðinn hér á landi sl. haust hafi verð
á þeim verið hagstætt vegna stöðu krónunnar. Gengi
hennar hafi síðan haldið áfram að styrkjast og á þeim
fimm mánuðum sem liðnir eru síðan hafi verðið lækkað
um allt að 7%. Þannig kostar Kalos SE í dag 1.199 þús.
kr. og hefur lækkað um 90 þús. kr. Lacetti Sport kostar
1.499 þús. kr. – og verðlækkunin frá haustmánuðum eru sléttar 100
þús. kr. Mest er lækkunin á Evanda Excutive, bílar þeirrar gerðar
kosta nú um 2,390 þús. kr. og hafa lækkað um 200 þús. kr.
„Við seljum mikið af þessum bílum þessa dagana og það er gaman
þegar við fáum svona frábærar undirtektir viðskiptavina. Auðvitað
hefur verð og gengisþróun hér mikil áhrif, en mestu skiptir þó hvað
þetta eru frábærir bílar. Þægilegir í akstri og vel búnir að öllu leyti,“
segir Benedikt.
Á síðustu árum hefur Bílabúð Benna selt á annað þúsund Musso-
jeppa og varð þessi tegund á skömmum tíma stór hluti af jeppaflota
landsmanna. Vinsældir bílanna eru síst á undanhaldi og í dag seljast
pallbílarnir vel. Nýjasta afkvæmið eru jeppar af gerðinni Rexton með
Benz-vélbúnaði. Þeir eru hannaðir á Ítalíu, með 5 cyl. díselvélum, sem
eru 165 hestöfl og verð á vel búnum Rexton er aðeins 3.690.000 kr.
Porsche Cayenne lækkar um 11% Undanfarin misseri hefur verið
góð sala í Porsche-jeppum. Í dag er Cayenne V6 vinsælasta gerðin
og kostar eftir 11% lækkun 5.990 þús. kr. Þetta eru bílar sem eru
með 250 hestafla vél, stöðugleikakerfi og sjálfvirkri spólvörn. Bíllinn
er búinn háu og lágu drifi og læstum millikassa. Sérstök þægindi í
bílnum eru leðurklædd sæti, rafstillir framsólar, tólf
hátalarar og hanskahólf með kælingu og er þá fátt eitt
nefnt af staðalbúnaði. “ Einfaldlega besti bíll sem ég
hef ekið um ævina” segir Benedikt.
Sérpantanir í sókn Í tímans rás hafa Íslendingar valið
sér bíla af mörgum gerðum og ekki síst er úrval bíla
frá Ameríku fjölbreytt. „Sannleikurinn er samt að
þegar þessir bílar koma á göturnar hér eru þeir svo-
lítið munaðarlausir, enda liggja varahlutirnir ekki í
verslunum. Í flestum tilvikum er mjög lítið til á lager,
nema hvað varahlutaverslunin hér í Bílabúð Benna er
með helstu slithluti eins og stýrisenda, kúplingsdiska
og fleira. Að öðru leyti verður fólk að stóla á sérpantanir varðandi
alla sértækari hluti,“ segir Bendikt, sem leggur áherslu á þennan þátt
starfseminnar.
„Í sérpöntunum felast möguleikar viðskiptavina til að geta verið á
sérstökum bílum og geta fengið varahluti með skömmum fyrirvara.
Við erum í beinu sambandi við birgja í Ameríku og fáum sendingar
að utan tvisvar í viku. Eftirspurn eftir sérpöntun varahluta á eftir
að aukast mikið í framtíðinni og varahlutaverslanir munu að minni
hyggju ekki sjá ástæðu til að liggja með stóran lager,“ segir Benedikt
Eyjólfsson, sem bætir við að ætlunin sé að efla verkstæðisþjónustu
Bílabúðar Benna fyrir bíla framleidda í Bandaríkjunum – sem var
raunar snar þáttur í starfseminni þegar fyrirtækið var sett á laggirnar
fyrir réttum þrjátíu árum.
Chevrolet selst vel
í Bílabúð Benna.
Kalos, Lacetti og
Evanda. Hagstætt
verð á bílum.
Sérpantanir vara-
hluta í sókn.
Chevrolet og sérpantanir
„Viðtökurnar voru góðar
enda eru þetta frábærir bílar,“
segir Benedikt Eyjólfsson,
framkvæmdastjóri
Bílabúðar Benna.
BÍLABÚÐ BENNA