Frjáls verslun - 01.02.2005, Blaðsíða 74

74 F R J Á L S V E R S L U N • 2 . T B L . 2 0 0 5
„Ísinn var brotinn með tveimur stórum samningum á
árinu 2000. Snemma árs 2001 gerðum við samning við fyrsta
dreifiaðilann, franska fyrirtækið Bercet. Síðan hefur fjöldi
samstarfssamninga bæst við og þetta hefur verið eins og
snjóbolti sem hleður utan á sig. Síðla árs 2001 var samið við
Fisher Price fyrir enskumælandi markað,“ segir Helgi sem er
framkvæmdastjóri fyrirtækisins.
„Fyrirtækið hefur í dag lokið og er að ljúka samningum
um dreifingu í allri Evrópu og í undirbúningi er dreifing í
Japan, Suður-Kóreu, Tævan og Kína. Gefnir hafa verið út
yfir 15 mismunandi leikir á 12 mismundandi tungumálum
bæði fyrir Evrópu og Bandaríkjamarkað og eru aðrir 10 í
undirbúningi.
Styrkur 3-PLUS er sá að vera fyrst á markaðinn og hafa
með því náð forskoti. Við vorum fyrstir í heiminum til að
koma með þroskaleiktæki á dvd-spilurum fyrir börn. Ég held
að óhætt sé að segja að leikföng okkar séu meðal þeirra full-
komnustu fyrir börn á aldrinum 3-7 ára. Dvd-kids leiktækið
er mjög einfalt í notkun, gengið er út frá því að börnin þurfi
ekki hjálp frá fullorðnum til að nota það. Inni í tækinu er
kubbur með upplýsingum um tækið.
Það eru alltaf að koma nýir dvd spilarar á markaðinn sem
er vandamál sem við vorum ákveðnir í að leysa. Við bjóðum
kaupendum að hringja og viðmælandinn í þjónustusíma 3 -
PLUS býður kaupandanum að smella símtólinu ofan á tækið
og kóði á nýju dvd tæki er sendur í gegnum hljóðmerki í
tækið. Það er enginn annar aðili í heiminum sem býður upp
á slíka þjónustu,“ segir Jóhannes.
„Þetta er því fremur kleift að við erum búnir að safna
saman í kubb rúmlega 95% af kóðum þeirra dvd-spilara sem
framleiddir eru á heimsvísu. Ekkert annað fyrirtæki er með
svo stórt hlutfall kóða, kannski í mesta lagi nokkra tugi pró-
senta,“ segir Helgi.
Engar kreddur „Ég held að Íslendingar hafi ágætis hæfileika
til að koma sér áfram á alþjóðamarkaði. Hér eru flestir vel
menntaðir og frekar opnir fyrir tækifærum. Styrkur land-
ans liggur að mörgu leyti í því að við erum ekki stórþjóð og
það ríkja engar kreddur gagnvart okkur hjá öðrum löndum.
Við eigum auðvelt með að vinna með hverjum sem er.
Íslendingar eru almennt séð frekar áræðnir og hafa þann
hæfileika að „sjá skóginn fyrir trjánum“. Engin ástæða er
fyrir Íslendinga að vera með neina minnimáttarkennd, þeir
eiga í flestum tilfellum fullt erindi inn á erlenda markaði,“
segir Helgi.
„Framtíðarsýn okkar er áframhaldandi þróun og að kom-
ast inn á nýja markaði. Frá því að fyrirtækið fór að koma
vörum á markaði, höfum við aldrei verið með minna en 100%
aukningu á milli ára og er stefnt að 200% aukningu í ár. Nú
er þriðja tekjuár 3-PLUS að byrja og sjáum fram á að okkar
stóru tekjuár verði árin 2007 og 2008. Við notum þó enn tölu-
vert fjármagn í þróun nýrra vara,“ segir Jóhannes.
Dvd-kids leiktækið er mjög einfalt í notkun. Börnin þurfa ekki hjálp frá fullorðnum til að nota það.
N Ý K Y N S L Ó Ð L E I K F A N G A
„Framtíðarsýn okkar
er áframhaldandi
þróun og að komast
inn á nýja markaði.
Frá því að fyrirtækið
fór að koma vörum
á markaði, höfum
við aldrei verið með
minna en 100%
aukningu á milli ára
og er stefnt að 200%
aukningu í ár.“