Frjáls verslun - 01.02.2005, Blaðsíða 32
32 F R J Á L S V E R S L U N • 2 . T B L . 2 0 0 5
7. og 13. mars
Er verið að
hjóla í Ólaf?
Um fátt hefur verið eins
mikið rætt í viðskiptalífinu
og átökin um Ker, móður-
félag Olíufélagsins. Út á hvað
ganga þessi átök eiginlega?
Jú, þau hafa verið útskýrð
þannig í fréttum að Björgólfur
Guðmundsson, stjórnarformaður
Landsbankans, og Gunnlaugur
Sævar Gunnlaugsson, stjórnarfor-
maður TM, og félög þeim tengd,
séu að sækja að veldi Ólafs
Ólafssonar í þeim tilgangi að
yfirtaka Ker og ná Olíufélaginu.
Þeir blésu til sóknar með því að
fjárfestingarfélagið Grettir keypti
um 34% hlut í Keri af Sundi
(Jóni Kristjánssyni) og Nordic
Partners (Jóni Þór Hjaltasyni).
Ólafur og hans menn líta á þá
Jón Kristjánsson og Jón Þór
Hjaltason sem „Júdasa“,
svikarana í þessu máli. Þeir
Jónar líta hins vegar svo á að
Ólafur sjálfur sé svikari sem hafi
ætlað að selja sjálfum sér Essó.
Þetta er allt hið undarlegasta
mál. En í ítarlegri fréttaskýringu
Morgunblaðsins var sagt frá
því að Grettir hefði gert þeim
Kristjáni Loftssyni og Árna
Vilhjálmssyni tilboð í þeirra
hluti í Keri, en Vogun (Hvalur)
átti 17% og Venus 2%, á sama
gengi og fjárfestingarfélagið
Grettir keypti 34% hlutinn í Keri.
Grettir er sagður hafa greitt um
10 milljarða fyrir þennan hlut og
því hefðu þeir Kristján og Árni
fengið um 5,6 milljarða fyrir hluti
Vogunar og Venusar.
Þeir Kristján Loftsson og Árni
Vilhjálmsson sögðu hins vegar
„þvert nei“ við tilboði Grettis
og stóðu því þétt við hlið Ólafs
Ólafssonar sem átti þegar þarna
var komið sögu um 41% í Keri
í gegnum félag sitt Kjalar. En
nokkrum dögum síðar seldu þeir
Ólafi um 12% hlut Vogunar í Keri
og 2% hluta Venusar. Þar með
var Ólafur (Kjalar) kominn með
öruggan meirihluta í Keri, með
um 55% hlutafjárins.
Í fréttaskýringu Morgun-
blaðsins sagði ennfremur:
„Daginn sem gengið var frá
kaupum Grettis í Keri buðu
Björgólfur Guðmundsson
og Gunnlaugur Sævar
Gunnlaugsson, stjórnarformaður
Grettis og SH, þeim Kristjáni
Loftssyni og Árna Vilhjálmssyni
til fundar í Landsbankanum.
Var þeim tilkynnt um fyrirhuguð
viðskipti og jafnframt boðið að
kaupa þennan 34% hlut Grettis,
með þeim orðum Björgólfs og
Gunnlaugs að þeir vildu ekki
„lokast inni“ sem minnihluti í
Keri.“
Ennfremur sagði að innan
meirihluta Kers væri einnig
óánægja gagnvart eigendum
Sunds og Nordic Partners fyrir að
hafa ekki virt munnlegt samkom-
ulag um forkaupsrétt á bréfum
félaganna í Keri.
7. mars
Sameining
SH og Sjóvíkur
Samhliða kaupum Grettis á 34%
hlutnum í Keri undirrituðu stjórnir
SH og Sjóvíkur (en Sund er þar
aðaleigandi) samning um sam-
einingu félaganna undir merkjum
SH, Sölumiðstöðvar hraðfrysti-
húsanna. Með þessum samruna
eignuðust hluthafar í Sjóvík 33%
hlut í SH.
7. mars
Hver er hann
þessi Grettir?
Fjárfestingarfélagið Grettir
var fyrir kaupin í Keri í eigu
Landsbankans og TM. En
framkvæmdastjórinn Stefán I.
Bjarnason, átti þar um 0,4% hlut.
Eftir kaupin í Keri eru helstu hlut-
hafar Grettis þessir:
Sund 37,4%
TM 34,9%
Landsbankinn 17,4%
Nordica Partners 10,0%
Stefán Bjarnason 0,4%
23. mars
Nú var það
lögbann, takk
Átökin um Ker voru áfram í
deiglunni þennan dag. En nú var
komið að félaginu Festingu sem
á og rekur fasteignir Olíufélagsins
og Samskipa.
Og nú var það lögbann, takk
fyrir. Sagt var frá því að meiri-
hluti eigenda í Keri hefði lagt
fram lögbannskröfu hjá embætti
sýslumannsins í Reykjavík vegna
hlutafjáraukningar í fasteigna-
félaginu Festingu – sem keyrð
hafði verið í gegn í ósátt eigenda
um 80% hlutfjár í Festingu, þ.e.
Kers og fleiri félaga. Meðal
eigenda í Festingu eru Sund og
Nordic Partners, með tæpan
20% eignarhlut.
D A G B Ó K I N
Átökin um Ker
Ólafur Ólafsson.