Frjáls verslun - 01.02.2005, Page 68

68 F R J Á L S V E R S L U N • 2 . T B L . 2 0 0 5
áður Flugleiðum. Nýja nafnið var kynnt á aðalfundi félagsins
á dögunum og er táknrænt fyrir þær miklu breytingar sem
gerðar hafa verið á rekstri félagsins síðustu ár. Undanfarið
hefur nýtt fólk verið komið til sögunnar í yfirstjórn félagsins.
Ragnhildur Geirsdóttir var nýlega ráðin forstjóri FL-Group og
Jón Karl Ólafsson stýrir Icelandair. Félagið er með 20 þotur í
útgerð og 2.200 starfsmenn og hafa umsvifin aldrei verið meiri
né afkoman betri.
Hagnaður af rekstrinum í fyrra var 3,4 mill-
jarðar kr. Ein birtingarmynd þessa er gengi
hlutabréfa sem þann 15. mars sl. stóð í 14,4
– en var 7,35 fyrir réttu ári. Heildarvelta FL-
Group í ár er áætluð 43 milljarðar.
Stærsta leigufélag heims Magnús Þor-
steinsson er aðaleigandi Avion Group, sem
er stærsta félag heimsins á sviði leiguflugs.
Félagið varð formlega til nú um áramót, en
það er eins konar móðurskip sem nær utan
um rekstur sex fyrirtækja. Stærst þeirra eru Atlanta Air, Air
Atlanta Europe og Excel Airways, en hið síðastnefnda starfar í
Bretlandi og einbeitir sér að lággjaldamarkaðinum.
Hjá dótturfélögum Avion Group, sem eru með alls 67 þotur
í rekstri, vinna í dag tæplega 3.200 manns hjá starfsstöðvum
um allan heim. Velta félagsins í ár er áætluð um 75 milljarðar
íslenskra króna. Af því koma um það bil 2/3 frá Excel Airways
sem flýgur frá Bretlandi til 47 ákvörðunarstaða; einkum við
Miðjarðarhafið, Karíbahafið og í norðanverði Afríku. Farþegar
félagsins í fyrra voru alls um 4,4 milljónir en allt útlit er fyrir að
þeir verði umtalsvert fleiri í ár. Áformað er að Avion Group fari
á hlutabréfamarkað seinna á þessu ári.
Grænmeti og flug Pálmi Haraldsson er þriðji íslenski kaupsýslu-
maðurinn sem rennir sér fótskriðu í fluginu. Nokkur ár eru
liðin síðan hann blandaði sér fyrst í leikinn, fyrst sem hluthafi
í Flugleiðum en á síðasta ári kom hann í félagi við Jóhannes
Kristinsson, flugstjóra í Luxemborg, að rekstri Iceland Express
sem stór hluthafi. Nú hafa þeir félagar fært út kvíarnar á þessu
sviði.
Um miðjan mars var tilkynnt um kaup þeirra á Sterling,
danska lággjaldaflugfélaginu. Hafa þeir lýst
því yfir að þeir sjái möguleika meðal ann-
ars felast í samnýtingu á kröfum Iceland
Express og Sterling, en ljóst megi vera að
ferðaþjónusta á norðlægum slóðum sé í örum
vexti. Samanlagt verða þessi félög með tólf
þotur í rekstri, 700 starfsmenn og veltan
verður samanlagt 22 milljarðar.
Hvert á sinni syllu Flugrekstur er í eðli sínu
landamæralaus og verkefni, sem íslensku
flugfélögin sinna, eru yfirleitt mjög ólík. Enda kannski óþarfi
að menn séu að slást hver við annan þegar heimurinn allur er
undir í atvinnugrein sem er í ævintýralegum vexti. Það einasta
er að Icelandair og Iceland Express keppa um farþega sín á
milli á tveimur og bráðum þremur flugleiðum - og Loftleiðir,
dótturfélag FL-Group, og Avion-Group eru bæði í leiguflugi.
Svo virðist sem hvert félag hafi fundið sína syllu – og sé að
gera ágæta hluti.
Ævintýraljómi En aftur til árdaga flugsins á Íslandi. Ævi og
störf manna eins og Arnar Ó. Johnson og Alfreðs Elíassonar
hafa í frásögnum fengið á sig ljóma og kannski af skiljanlegum
F L U G G A R P A R Í S L A N D S
Þeir eru ekki í brúnum
leðurjökkum og með
leðurhúfur eins og
frumherjarnir í fluginu.
Þeir eru í dökkum
jakkafötum, að hætti
kaupsýslumanna.
Söguleg stund. Forráðamenn Flugleiða skrifa undir samning um kaup á tíu nýjum Boeing þotum fyrir 40 milljarða.