Frjáls verslun - 01.02.2005, Blaðsíða 28
28 F R J Á L S V E R S L U N • 2 . T B L . 2 0 0 5
D A G B Ó K I N
11. mars
„Óvinveitt yfirtaka“
á Morgunblaðinu?
Þær voru alveg stórskemmti-
legar fréttirnar, sem fluttar var í
flestum fréttatímum föstudaginn
11. mars, um að til stæði að
skella Símanum, Mogganum og
Skjá einum saman í eina sæng.
Undirrót þessara frétta var til-
boð sem borist hafði í 16% hlut
Haraldar Sveinssonar í Árvakri,
útgáfufélagi Morgunblaðsins.
Íslandsbanki stóð að tilboðinu
fyrir hönd „ónefnds hóps fjár-
festa“.
Það olli ringulreið að það væri
ekki uppi á borðinu hverjir væru
á bak við tilboðið. Hins vegar
var slúðrað um það. Það var svo
hálfum mánuði síðar, eða á skír-
dag, 24. mars sl, að greint var
frá því í bréfi til stjórnar Árvakurs
hverjir stæðu að tilboðinu og
að það væri gert í nafni óstofn-
aðs hlutafélags sem að standi
Benedikt og Einar Sveinssynir,
Erlendur Hjaltason og Hjalti Geir
Kristjánsson og Ágúst og Lýður
Guðmundssynir, eða félög í
þeirra eigu. Á margan hátt svo-
lítið sérstakur hópur.
Forráðamenn Morgunblaðsins
litu svo á að á meðan „ónefndi
hópurinn“ gæfi sig ekki fram
væri ekki hægt að líta öðru vísi
á en að um „óvinveitta yfirtöku“
væri að ræða. Aðrir hluthafar
í Árvakri eiga forkaupsrétt á
bréfum Haraldar og geta gengið
inn í tilboðið.
Annars byrjaði þetta allt á
því að „einhver óþekktur aðili“
bauð í 10% hlut Johnson fjöl-
skyldunnar í febrúar sl. (Hver
skyldi hann hafa verið?) Áður en
af þeirri sölu varð komst Kristinn
Björnsson, stjórnarformaður
Straums, inn í kaupin og keypti
hann einkahlutafélag í eigu eigin-
konu og barna Ólafs Ó. Johnsons
heitins, en það félag á liðlega
10% eignarhlut í Árvakri, útgáfu-
félagi Morgunblaðsins.
Ljóst er að þeir frændur og
vinir Hallgrímur Geirsson, fram-
kvæmdastjóri Árvakurs, og
Kristinn Björnsson – sem og
félög þeim tengd – verða með
um 45,2% eignarhlut í Árvakri
sameinist þeir um að ganga inn
í tilboðið og kaupa 16% hlut
Haraldar. En Leifur Sveinsson,
sem á 7,8% hlut, hefur sagt að
hans hlutur sé ekki til sölu og
hann styðji núverandi stjórn-
endur Morgunblaðsins. Þar
með liggur fyrir meirihluti upp
á 53%. Aðrir hluthafar í Árvakri
eru Valtýr hf. með 30%, Garðar
Gíslason hf. með 10% og síðan
smærri hluthafar.
11. mars
Björgólfur Thor
í 488. sæti Forbes
Björgólfur
Thor lenti í
488. sæti
lista banda-
ríska við-
skiptablaðs-
ins Forbes
yfir ríkustu
menn heims.
Tímaritið
metur eignir
hans á 1,4
milljarða dollara, eða sem svarar
til um 83 milljarða kr. Í viðtali
við Morgunblaðið skömmu áður
kom fram að eignir hans væru
metnar nokkuð yfir 100 milljarða
króna. Þar var um að ræða mark-
aðsverðmæti eignahluta hans
í hinum ýmsum félögum, en
ekki var gerð tilraun til að meta
skuldir hans á móti þessum
eignum. Ríkasti maður heims er
Bill Gates, stofnandi Microsoft.
Í viðtali við Forbes segir
Björgólfur Thor. „Virðing er mér
efst í huga. Völd og peningar eru
aðeins leiðin til virðingar.“ Blaðið
bætir síðan sjálft við: „Eins og
forfeður hans, víkingarnir, varð
Björgólfur Thor reiður, hefndi sín
og varð mjög ríkur.“
Björgólfur segir síðan við
Forbes að hann vilji ekki vera
álitinn of valdamikill á Íslandi.
„Ég hef öðlast þá virðingu sem
ég vildi. Nú get ég hafið seinni
helming lífs míns.“
17. mars
Kristín fyrst
kvenna rektor HÍ
Kristín Ingólfsdóttir, prófessor
í lyfjafræði, hafði betur gegn
Ágústi Einarssyni, prófessor við
viðskipta- og hagfræðideild, í
seinni umferð rektorskjörs við
Háskóla Íslands. Þar með braut
hún blað í 94 ára sögu skólans
því hún er fyrst kvenna til að
gegna þessu embætti. Mjótt
var á mununum í kosningunum.
Kristín hlaut 52,3% og Ágúst
46,4%. Auðir og ógildir seðlar
voru 1,3%. Kristín tekur við
embættinu af Páli Skúlasyni
hinn 1. júlí nk.
Kristín Ingólfsdóttir fagnar sigri í rektorskjörinu með fjölskyldu
sinni, eiginmanninum, Einari Sigurðssyni, framkvæmdastjóra hjá
FL Group, og dætrunum Sólveigu Ástu, 10 ára, og Hildi, 22 ára.
Björgólfur Thor í 488. sæti hjá
Forbes: „Virðing er mér efst í
huga.“
Bill Gates, stofn-
andi Microsoft, er
í 1. sæti listans.