Frjáls verslun - 01.02.2005, Blaðsíða 81

AMERÍSKIR DAGAR
F R J Á L S V E R S L U N • 2 . T B L . 2 0 0 5 81
TEXTI: BENEDIKT JÓHANNESSON
MYND: GEIR ÓLAFSSON
Ein helsta kenning Malkiels
er að menn skuli halda
sig við vísitölusjóði, þ.e.
hlutabréfasjóði sem endurspegli
hlutabréfavísistölur.
Í
sland er svo sannarlega að nálgast
það æ meira að verða nafli alheimsins.
Hing að flykkjast frægar popp stjörnur og
tenórar í heimsklassa og í byrjun mars
bættist góður gestur í hóp Íslandsvina,
Burton G. Malkiel, prófessor við Princeton
háskóla í Bandaríkjunum. Malkiel er þekkt-
astur sem höfundur bókarinnar A Random
Walk Down Wall Street, en hana hafa
áhugamenn um verðbréfakaup drukkið í
sig undanfarna áratugi. Íslandsbanki stóð
fyrir heimsókn Malkiels
hingað til lands en hann
er í stjórn Vanguard
sjóðsins sem bankinn
er í tengslum við. Í ljós
kom að Malkiel er ekki
aðeins afbragðs rithöf-
undur heldur líka fyrsta
flokks fyrirlesari. Hann
talaði á Hótel Nordica
fyrir troðfullu húsi; hátt
á sjöunda hundr að manna kom að hlýða á
gúrúinn. Það er óhætt að segja að þeir sem
komu hafi ekki orðið fyrir vonbrigðum.
Ein helsta kenning Malkiels er að menn
skuli halda sig við vísitölusjóði, þ.e. hluta-
bréfasjóði sem endurspegli hlutabréfavísi-
töluna. Hann sýnir að aftur og aftur hafa
vísitölusjóðirnir náð betri ávöxtun en tveir
þriðju hlutar sjóða sem er stýrt af virkum
sjóðstjórum. Hann hafði orð á því að ókost-
urinn við virku sjóðina væri líka sá að á
þeim væri oft mikil hreyfing og þeir þyrftu
því að greiða mikið í umsýslugjöld og drægi
þannig enn úr því sem eftir væri fyrir fjár-
festa.
Malkiel er líka talsmaður ævisafna þar
sem hann leggur til að menn hafi aldur og
æviskeið að leiðarljósi þegar þeir velja sér
fjárfestingar. Þetta kemur einmitt fram í
bókum hans eftir 1990. Hann sagðist þó
sjálfur gjarnan viðurkenna að hann ætti
eigin hlutabréfasafn sem hann veldi í sjálfur,
óháð vísitölu. „Það er svo gaman að velja
bréfin sjálfur og sjá hvernig maður stendur
sig,“ sagði hann við FV þegar við hittum
hann stuttlega eftir fyrirlestur yfir starfs-
mönnum bankans.
Malkiel sagðist búast við því að ávöxtun
á hlutabréfum, sem hefði verið 10-12% yfir
lengri tíma, færi lækkandi í framtíðinni.
Menn ættu að venja sig á það að í fram-
tíðinni væru 7-8% nær
lagi. Hann taldi að verð-
lagning á hlutabréfum
í Bandaríkjunum væri
eðlileg núna og sýndi
fram á hve sterk fylgni
væri milli þess að V/H
hlutfall (verð hlutabréfa
deilt með hagnaði) væri
hátt og vextir lágir og
öfugt. Þegar miklu
munaði væri markaðurinn yfirleitt fljótur að
leiðrétta sig.
Aðspurður sagði Malkiel að Bandaríkja-
menn sæju að sumu leyti svipaða hluti
gerast og hér á landi, að tiltölulega fáir
sjóðir ættu stóran hluta af hlutabréfunum.
Í Bandaríkjunum væru þetta þó 30 til 40
sjóðir meðan stóru spilararnir hér væru vel
innan við tíu.
Í Bandaríkjunum væri það líka ekki eins
algengt að innherjar úr sjóðunum sætu í
stjórnum hlutafélaganna. Hann sagði að það
væri enn í fullu gildi sem hann hefði skrifað
í bókinni fyrir löngu að innherjar næðu yfir-
leitt betri árangri í sínum fjárfestingum en
aðrir. „En í Bandaríkjunum er mikið unnið
gegn því að menn misnoti aðstöðu sína.
Nú eru fræg mál í gangi sem vonandi verða
mönnum víti til varnaðar.“
Aftur og aftur hafa
vísitölusjóðirnir náð betri ávöxtun
en tveir þriðju hlutar sjóða sem
er stýrt af virkum sjóðstjórum.
Malkiel segist búast við því
að ávöxtun á hlutabréfum,
sem hefði verið 10-12% yfir
lengri tíma, færi lækkandi
í framtíðinni. Menn ættu að
venja sig á það að í fram-
tíðinni væru 7-8% nær lagi.
Malkiel segir að Bandaríkjamenn
sjái að sumu leyti svipaða
hluti gerast hjá sér og orðið
hafa hér á landi, að tiltölulega
fáir sjóðir eigi stóran hluta af
hlutabréfunum.
VAPPAÐ UM WALL STREET