Frjáls verslun - 01.02.2005, Blaðsíða 30
30 F R J Á L S V E R S L U N • 2 . T B L . 2 0 0 5
D A G B Ó K I N
tilnefnt hann í stjórn. Gabran
þessi starfaði um tíma hjá
Golman Sachs og hefur mikla
reynslu af samrunum og yfir-
tökum. Hann þekkir mjög vel til
sænska markaðarins.
17. mars
Konum fjölgar
í stjórnum
Konum hefur fjölgað í stjórnum
stórra fyrirtækja að undanförnu.
Inga Jóna Þórðardóttir settist í
stjórn Flugleiða í stað Ragnhildar
Geirsdóttur. Nadina Deswasiere,
framkvæmdastjóri hjá Nestlé í
Frakklandi, er komin í stjórn SÍF.
Lilja Dóra Halldórsdóttir, aðjúnkt
við Háskólann í Reykjavík, hefur
tekið sæti í stjórn Samskipa.
Guðbjörg Matthíasdóttir, kennari
í Vestmannaeyjum, var kjörin
í aðalstjórn Landsbankans og
Helga Jónsdóttir bankafulltrúi í
varastjórn.
18. mars
KB banki verður
Kaupþing banki
Samþykkt var á aðalfundi KB
banka að breyta nafni bankans.
Nýtt nafn félagsins er Kaupþing
banki. Ýmsum þykir breytingin
skjóta skökku við þar sem KB
banka nafnið var mjög þjált og
hafði á mjög skömmum tíma
unnið sér traustan sess í hugum
fólks. Með nafnabreytingunni er
nafn Búnaðarbankans, sem hóf
starfsemi 1930, endanlega úr
sögunni. Fyrir rúmu ári var nafni
bankans breytt úr Kaupþing
Búnaðarbanki í KB banka.
Bankinn starfar erlendis undir
heitinu Kaupthing Bank.
21. mars
Actavis með tékk-
heftið í Tékklandi
Actavis keypti tékkneska lyfja-
fyrirtækið Pharma Avalanche
þennan dag. Þetta er 30 manna
fyrirtæki með höfuðstöðvar í
Prag. Pharma Avalanche var
stofnað árið 2000 og hefur
aðallega lagt áherslu á sölu
og markaðssetningu á sam-
heitalyfjum í Tékklandi og
Slóvakíu. Þar með er Actavis
komið með beinan aðgang að
bæði tékkneska og slóvakíska
markaðnum. Og vegna fyrir-
sagnarinnar: Það fer hver að
verða síðastur að leika sér með
orðið „tékkhefti“ í fréttum.
Komin er fram kynslóð sem veit
ekki hvað það þýðir og svo eru
allar greiðslur orðnar rafrænar.
21. mars
Skandia var það heillin
Menn hafa oft rætt um ríginn
sem er á milli Burðaráss og
KB banka. Þau hafa núna bæði
fjárfest í sænska tryggingafé-
laginu Skandia. Burðarás hefur
keypt um 3,4% eignarhlut í því.
En nokkrum dögum áður var til-
kynnt að dótturfélag KB banka
í Svíþjóð hefði keypt 2,5% hlut í
Skandia.
22. mars
Actavis í FTSE 100
Þennan dag var vitnað í við-
tal sænska viðskiptablaðsins
Dagens Industri við Björgólf Thor
Björgólfsson um að hann reikn-
aði með því að Actavis Group
gæti komist inn á lista þeirra
fyrirtækja sem mynda FTSE 100
hlutabréfavísitöluna í Englandi.
19. mars
Sturla mætti með
Héðinsfjarðargöngin
Það var nánast eins og poppstjarna hefði komið
og haldið tónleika í Bátahúsinu á Siglufirði, svo
dynjandi var lófatakið þegar Sturla Böðvarsson
samgönguráðherra tilkynnti á fundinum að
Héðinsfjarðargöng yrðu boðin út aftur í haust. Gert
er ráð fyrir að framkvæmdir hefjist næsta sumar
og að jarðgangagerðinni verði lokið í árslok 2009.
Áætlað er að um 350 bílar fari að jafnaði um
göngin á sólarhring. Þau eiga að liggja úr Siglufirði
yfir í Héðinsfjörð og þaðan yfir í Ólafsfjörð. Þegar
verkið var boðið út fyrir tveimur árum og Íslenskir
aðalverktakar buðu lægst var kostnaðaráætlun
Vegagerðarinnar í kringum sex milljarðar króna.
Þótt dynjandi lófatak hafi verið í Bátahúsinu
eru afar margir á móti göngunum og vilja miklu
frekar setja féð í vegaframkvæmdir á höfuðborgar-
svæðinu þar sem arðsemi þess er mest, t.d. í
Sundabraut. Þá eru háværar kröfur um að veggjald
um Hvalfjarðargöng verði lagt niður.
Um páskana var svo sagt frá því að hópur á
vegum samgönguráðuneytis hefði unnið að til-
lögum um það hvar mætti setja upp vegtolla á
höfuðborgarsvæðinu.
KB banka nafnið vann sér traustan sess á mjög skömmum tíma.
Spaugstofan gerði grín að tilurð nafnsins í upphafi.
Sturla Böðvarsson tilkynnir um Héðinsfjarðargöng
í Bátahúsinu á Siglufirði við dynjandi lófatak.