Frjáls verslun - 01.02.2005, Blaðsíða 64

64 F R J Á L S V E R S L U N • 2 . T B L . 2 0 0 5
ÍMARK AUGLÝSINGAHÁTÍÐIN
Í flokknum umhverfisgrafík fékk Síminn
lúðurinn góða, það er fyrir nýtt og breytt
útlit á verslunum fyrirtækisins jafnhliða
því þegar ný ásjóna og merki fyrirtækisins
var kynnt snemma á þessu ári. Áður hafði
farið fram víðtæk stefnumótunarvinna
innan Símans, þar sem hlutverk, gildi
og markmið voru endurmetin. „Með
breyttri ásýnd fyrirtækisins var nauðsyn-
legt að breyta umhverfi verslana einnig.
Verðlaunin eru mikil viðurkenning fyrir þær breytingar
sem gerðar voru á verslunarumhverfi Símans í kjölfar
mörkunar í byrjun árs 2004,“ segir Eva Magnúsdóttir,
forstöðumaður upplýsingasviðs Símans.
„Helstu áherslubreytingar sem urðu við endurskipu-
lagninguna varða útlit. Lögð var rík áhersla á framsetn-
ingu vara, upplýsingagjöf og aukna fræðslu til handa
viðskiptavinum Símans sem og að yfirbragð verslananna
væri nútímalegt og ferskt. Endurspeglaði þann kraft
og sveigjanleika sem býr í Símanum og þá tækni og
nýjungar sem Síminn selur og veitir þjónustu. Léttleiki
og sveigjanleiki eru lykilorð við hönnun verslananna.
Markmiðið var að breytingarnar höfðuðu til allra mark-
hópa Símans og þannig er
ætlunin að mismunandi
markhópar geti fundið þær
vörur sem þeim hentar á
einum stað í viðkomandi
verslun.“
Eva Magnúsdóttir segir
að þegar þetta breytinga-
starf hófst hafi allir aðilar verið vel upplýstir og
innstilltir á það hvernig útkoman ætti að verða.
„Helsti samstarfsaðili Símans í þessu stóra verkefni er
arkitektastofan Gláma-Kím. Samstarfið gekk afar vel og
starfsmenn stofunnar eiga stóran þátt í því hvernig til
tókst.“
Samkvæmt ítarlegri ímyndarmælingu, sem unnin
er eftir þekktri alþjóðlegri aðferðafræði, kom í ljós að
á árinu hefur ímynd Símans styrkst markvert, og fleiri
telja, að sögn Evu, Símann vera flottan, skemmtilegan
og frumlegri en í fyrra. „Leiða má líkum að því að skýr
skilaboð, eftirtektarverðar auglýsingar og sú staðreynd
að markaðsefni og áherslum er haldið á lofti í verslunum
fyrirtækisins séu þess valdandi að viðskiptavinir taka
betur eftir því sem Síminn hefur á boðstólum.“
UMHVERFISGRAFÍK
Þjóðminjasafn Íslands fékk verð-
laun Ímark fyrir veggspjald ársins
en það var kynnt á haustmánuðum
í tengslum við enduropnun safnsins
í septemberbyrjun. Fyrir um áratug
fékk safnið verðlaun íslensks mark-
aðsfólk fyrir núverandi einkennis-
merki sitt, sem er bókstafurinn Þ, sem
myndað er úr haugfé og táknar Þjóð-
minjasafnið. Veggspjaldið verðlaunaða
ber yfirskriftina Merki úr mörgum hlutum. Það er
útfærsla á merki safnsins: ýmsum munum safns-
ins er raðað saman út frá merki safnsins. Meðal
safngripa í merkinu má nefna biskupsbagal, róðuk-
rossa, Þórslíkneski, Grundarstól Þórunnar og Val-
þjófsstaðahurðina og er þá fátt eitt nefnt. „Endur-
opnun safnsins kallaði á endurskoðun á starfsemi
safnsins almennt, auk þess sem móta
þurfi alveg nýja ímynd safnsins,“ segir
Margrét Hallgrímsdóttir, sem segir
að samstarf safnsins og auglýsinga-
stofunnar Fíton hafi tekist einkar vel.
Sýn fólks á viðfangsefnið hafi verið
hin sama; að koma með nýstárlegar
auglýsingar með sterka skírskotun til
menningararfs Íslendinga og þess sem
Þjóðminjasafnið hefur ætíð staðið fyrir,
þ.e. faglegt - virðulegt- ferskt.
„Ég er sátt við árangurinn af því markaðs- og
kynningarstarfi sem við þurftum að fara út í vegna
enduropnunar safnsins. Hingað er jafn og stöðugur
straumur gesta og margir koma aftur og aftur. Ef
til vill er það besti dómurinn um hvernig til hefur
tekist,“ segir Margrét.
Síminn flottur og frumlegur
Biskupsbagall og róðukross
Starfsfólk Símans, ENNEMM og
Glámu-Kím tekur við Lúðrinum fyrir
umhverfisgrafík.
Margrét
Hallgrímsdóttir.
Eva Magnúsdóttir.
Veggspjaldið góða. Merki úr mörgum hlutum.
Útlit verslana Símans breyttist í fyrra í samræmi við nýja
ásýnd fyrirtækisins.
VEGGSPJALD ÁRSINS
SÍMINN
ENNEMM og Gláma-Kím
ÞJÓÐMINJASAFN ÍSLANDS
Fíton