Frjáls verslun - 01.02.2005, Blaðsíða 34

34 F R J Á L S V E R S L U N • 2 . T B L . 2 0 0 5
Festing var stofnað haustið
2003 þegar eignum Kers
var skipt upp og fasteignir
Olíufélagsins og síðar Samskipa
voru settar undir hatt Festingar.
Í stjórn Festingar settust þeir
Guðmundur Hjaltason, forstjóri
Kers, Páll Þór Magnússon, fram-
kvæmdastjóri Sunds og mágur
Jóns Kristjánssonar í Sundi, og
Jón Þór Hjaltason, aðaleigandi
Nordic Partners.
Þrátt fyrir söluna í Keri til
Grettis í óþökk Ólafs Ólafssonar
voru þeir Páll Þór og Jón Þór
engu að síður í meirihluta í
þriggja manna stjórn Festingar,
þótt þeir væru fulltrúar aðeins
20% eigenda í félaginu.
Aðalfundur Festingar verður
haldinn 13. apríl og þá verður
skipt um stjórn.
Í tilkynningu Kersmanna segir
að áður en ákvörðun hafi verið
tekin um hlutafjáraukninguna
hafi stjórn Festingar verið kynnt
yfirlýsing hluthafa, sem hafa
að baki sér meirihluta hluta-
fjár í Festingu, þar sem þess
var krafist að engar mikilvægar
ákvarðanir yrðu teknar varðandi
Festingu fyrr en á aðalfundi 13.
apríl nk. Þeirri beiðni var hafnað.
Þeir Páll Þór og Jón Þór
óskuðu hins vegar eftir stjórnar-
fundi föstudaginn 18. mars og
lögðu þeir til hlutafjáraukningu
í Festingu og að allt viðbótar-
hlutaféð yrði selt Angusi,
nýstofnuðu félagi í eigu Jóhanns
Halldórssonar, framkvæmda-
stjóra Festingar.
Með þessari hlutafjár-
aukningu næðu félög tengd
Sundi, Nordic Partners og Angusi
um 53% eignarhlut í Festingu og
þar með yfirráðum yfir félaginu.
24. mars
„Sýslumaður mun
hafna lögbannskröfu“
Það var kominn skírdagur og enn
voru átökin um Ker og Festingu
í brennidepli. Morgunblaðið birti
þennan dag viðtal við Sigurð G.
Guðjónsson, stjórnarmann í Keri
og lögmann Jóns Kristjánssonar
í Sundi. Þar taldi hann einsýnt
að sýslumaður myndi hafna
lögbannskröfu meirihlutaeigenda
Kers á hlutafjáraukningu í
Festingu. Einnig kom fram hjá
Sigurði G. að fjárfestingarfélagið
Grettir hefur boðist til þess að
kaupa allt hlutafé í Olíufélaginu
Esso, dótturfélagi Kers, á um 8,5
milljarða króna.
Sigurður sagði ennfremur í
þessu viðtali við Morgunblaðið:
„Upphaflega átti aðalfundur
Festingar að vera haldinn 14.
mars og það var ekki einu sinni
haft fyrir því að boða hann með
löglegum hætti, heldur bara
hringt og sagt að nú skyldi
haldinn aðalfundur. Þá spurðum
við á móti, hvort ársreikningur
Festingar væri tilbúinn en svörin
voru á þá lund, að það væri hann
ekki, en hann yrði það, þegar
fundurinn yrði haldinn.
Tilkynnt var, þegar boðað
var til fundarins, að kona Ólafs,
Ingibjörg Kristjánsdóttir, ætti
að taka sæti í stjórn Festingar,
í stað Jóns Þórs Hjaltasonar,
eins af aðaleigendum Nordic
Partners. Þegar þetta var, þá
voru engin viðskipti með kaup
Grettis í Keri orðin opinber.
Það er alveg kristaltært, að
áform Ólafs Ólafssonar á þessum
tíma, voru þau að ná undirtök-
unum í Festingu, með því að
henda út Jóni Þór Hjaltasyni,
setja konu sína inn og halda
Guðmundi Hjaltasyni, forstjóra
Kers áfram inni í stjórninni. Þar
með hefði Ólafur haft frítt spil
að ráðskast með allar eignir
Festingar að vild.
Eina ráðið sem skjólstæð-
ingar mínir höfðu, var að óska
eftir stjórnarfundi í Festingu.
Láta stjórnina nota þá heim-
ild sem hún hafði til þess að
auka hlutaféð, þannig að það
yrði ekki hægt að breyta valda-
strúktúrnum í félaginu, þannig að
valdastrúktúrinn í Keri breyttist
líka og því var ákveðið á þessum
stjórnarfundi að selja 100
milljónir af þessu nýja hlutafé,
af þeim 500 milljónum sem
heimilt er að selja, til Jóhanns
Halldórssonar, framkvæmda-
stjóra Festingar,“ sagði Sigurður
G. í umræddu viðtali.
24. mars
Reyndi að selja
sjálfum sér Essó
Á sama tíma og Morgunblaðið
birti viðtalið við Sigurð G.
Guðjónsson var Fréttablaðið með
viðtal við Pál Þór Magnússon,
framkvæmdastjóra Sunds, undir
mjög harðri fyrirsögn og án gæsa-
lappa: Reyndi að selja sjálfum
sér Essó. Ljóst er að skotin
gengu á víxl á milli fylkinga.
Páll Þór segir í Fréttablaðinu:
„Óheilbrigðir viðskiptahættir
Ólafs Ólafssonar, aðaleiganda
Kers, og tilraun hans til að ná
meirihluta í félaginu varð til þess
að traustið milli stærstu hluthafa
Kers brast um mitt síðasta ár.“
Páll Þór bætti því síðan við að
síðasta sumar hefði Ólafur talað
fyrir því meðal stærstu hluthafa
að selja Essó út úr Keri. Síðar
hafi komið í ljós að væntanlegur
kaupandi hafi verið félag sem
m.a. var í eigu hans sjálfs.
D A G B Ó K I N
Jón Þór
Hjaltason.
Sigurður G.
Guðjónsson.
Björgólfur
Guðmundsson.
Gunnlaugur Sævar
Gunnlaugsson.
Árni
Vilhjálmsson.
Kristján
Loftsson.