Frjáls verslun - 01.02.2005, Blaðsíða 69
F R J Á L S V E R S L U N • 2 . T B L . 2 0 0 5 69
ástæðum. Öðru fremur var það flugið sem rauf
einangrun afskekktra byggða á Íslandi
– og með millilandafluginu komst fólk
á hinni einangruðu eyju norður í höfum
loks í reglulegt samband við umheim-
inn. Bæði þeir Örn og Alfreð voru mennt-
aðir flugmenn og störfuðu sem slíkir framan
af, en tóku seinna við stjórn flugfélaga sinna og
gerðu að stórveldum.
Bakgrunnur þremenninganna, sem í dag eru í forystu-
sveit flugsins á Íslandi, er allur annar og enginn þeirra er alinn
upp í fluginu eins og frumherjarnir.
Nýir vendir sópa best Hannes Smárason er 38 ára, viðskipta-
fræðingur og MBA, menntaður í Bandaríkjunum. Eftir að námi
lauk starfaði hann um nokkurra ára skeið hjá Íslenskri erfða-
greiningu, síðast sem aðstoðarforstjóri. Frá því í byrjun síðasta
árs hefur hann verið starfandi stjórnarformaður FL-Group og
hefur þar heldur betur tekið til hendi. Síðasta haust var gengið
frá kaupum á tæplega 10% hlut í lággjaldafélaginu EasyJet í
Bretlandi.
Í janúar sl. voru undirritaðir samningar um kaup á tíu flug-
félögum af gerðinni Boeing 737-800 sem verða leigðar til Kína.
Fraktflugfélagið Bláfugl, sem rekur fimm Boeing 737 vélar, var
keypt í febrúar og síðustu daga þess mánaðar var samið við
um kaup á tveimur Boeing 787 breiðþotum fyrir Icelandair.
Samningum þeim fylgir kaupréttur á fimm
flugvélum til viðbótar. Vélarnar sem koma til
afhendingar 2010. Hannes Smárason hefur
því ekki setið auðum höndum – og einhvers
staðar segir að nýir vendir sópi best.
Einkaflugmaður frá Akureyri Magnús Þor-
steinsson er Samvinnuskólagenginn – og
starfaði lengi við bjórframleiðslu. Fyrst á
Akureyri og síðar í St. Pétursborg í Rúss-
landi í samvinnu við Björgólfsfeðga.
Þannig græddist Magnúsi fé sem fór
til kaupanna á Landsbankanum og síðar
Atlanta, en úr flugfélaginu spann Magnús
áfram svo að til varð Avion Group. Magnús
er einkaflugmaður, á flugvél og hefur flogið
mikið. Hann er búsettur í Bretlandi og sinnir
þaðan ýmsum fjárfestingarverkefnum, bæði
hér heima, í Bretlandi og í Rússlandi.
Úr grænmetinu í flugið Þriðji flugkapp-
inn, Pálmi Haraldsson, er hagfræðingur að
mennt og var að hefja doktorsnám í Svíþjóð
þegar hann sneri dæminu við. Fortíð hans er í grænmetinu.
Árið 1991 varð hann framkvæmdastjóri Sölufélags garðyrkj-
umanna, sem á þeim tíma stóð mjög tæpt. Pálma tókst að rétta
rekstur þess við – en kunnugir telja þó að hjólin hafi fyrst farið
að snúast Pálma í hag þegar hann náði undirtökunum í Feng,
eignarhaldsfélagi Sölufélagsins.
Síðustu ár hefur hann verið umsvifamikill í viðskipta-
lífinu og komið að mörgum fjárfestingarverkefnum heima
og heiman, meðal annars í samvinnu við Baug og Jón Ásgeir
Jóhannesson. Helsti viðskiptafélagi Pálma er þó Jóhannes
Kristinsson og saman eiga þeir meðal annars Skeljung og flug-
félögin tvö, Iceland Express og Sterling.
Víkingar nútímans Á hverjum tíma er meiri áhugi fyrir fjár-
festingum í tilteknum atvinnugreinum en öðrum. Fyrir ríflega
áratug var hér á landi hvað mestur áhugi á
sjávarútvegi og síðar fjármálafyrirtækjunum,
það er þegar ríkið fór í smáskömmtum
að losa um eignarhluti sína í bönkunum. Í
kringum aldamótin beindust sjónir manna
helst að líftækni og netfyrirtækjunum, en
fjárfestingar á því sviði reyndust í fæstum
tilvikum ferðir til fjár. Nú eru það flugfélögin
sem eru að ná góðum árangri og gildir þá
nánast einu hvaða viðmið er lagt til grund-
vallar. Helmingshækkun bréfa í FL-Group,
eina skráða flugfélaginu á Íslandi, skýrir
málið ágætlega og þar með þann áhuga sem
fjárfestar og fjölmiðlar sýna.
Nýtt ævintýri í flugsögu Íslendinga er
hafið og heimurinn er undir. Saga Íslendinga
í flugsamgöngum heimsins síðustu hálfa öld-
ina er merk og við opnun höfuðstöðva Excel
Airways í Lundúnum á dögunum nefndi
Ólafur Ragnar Grímsson, forseti Íslands, að
þar byggju að baki þeir sömu eiginleikar
og knúðu víkinga fornaldar til að sigla yfir
ókunn höf og nema land á nýjum slóðum.
F L U G G A R P A R Í S L A N D S
UMSVIF
FLUGGARPANNA
AVION GROUP
Flugfloti: 67 þotur
Velta: 75 milljarðar kr.
Starfsmenn: 3.200
FL GROUP
Flugfloti: 20 þotur.
Í pöntun: 12 þotur.
Velta: 43 milljarðar kr.
Starfsmenn: 2.500
ICELAND EXPRESS
og STERLING
Flugfloti: 12 þotur.
Velta: 22 milljarðar
Starfsmenn: 700