Frjáls verslun - 01.02.2005, Blaðsíða 52

52 F R J Á L S V E R S L U N • 2 . T B L . 2 0 0 5
víðar, Blómaval verður mun sýnilegra, verður hluti
af Húsasmiðjuupplifuninni.
Það verður opnuð ný verslun í Grafarholti í
maímánuði, og þar verður einnig Blómaval. Þessi
verslun verður hrein viðbót við okkar starfsemi, það
verður engri verslun lokað á sama tíma.“
Steinn Logi hefur lengst af starfsævinnar verið í
þjónustustarfi og segir að enn taki við þjónustustarf,
þó með öðrum hætti sé. Hann segist treysta sínum undirmönnum
fullkomlega, hann sé ekki að líta yfir öxlina á þeim til að fylgjast
með, hann líti fremur á sig sem eins konar leiðtoga fremur en for-
stjóra. Það sé mun farsælla til lengdar, bæði fyrir forstjórann og aðra
starfsmenn fyrirtækisins. „Í þjónustufyrirtæki getur forstjórinn ekki
stýrt samskiptum starfsmanns við viðskiptavin með því að vera á
staðnum. Enda væri það ekki nokkur leið í fyrirtæki með um 700
starfsmenn. Nærveran gæti jafnvel verið óheppileg og óþægileg.
Andinn meðal starfsfólks er góður, fólk er stolt af því að starfa hjá
Húsasmiðjunni, enda starfsmannavelta ekki mikil.“
Mjög vinnusamur -Þú ert sagður mjög vinnusamur og í vinahópi
þínum er stundum kvartað yfir því hversu erfitt er að fá þig til
að taka þátt í félagslífi eða einhverjum gleðskap með litlum fyrir-
vara. Ertu „giftur“ starfinu?
„Já, og geri mér fulla grein fyrir því að kannski hefði ég átt að
eiga meiri tíma með fjölskyldu og vinum. Eins og margir karlmenn
sé ég þegar börnin vaxa úr grasi að þar fer tækifæri til að taka meiri
þátt í uppeldinu burtu. En ég held að allir feður
hugsi þannig á ýmsum tímapunktum. En þrátt fyrir
það að vera svona vinnusamur hef ég getað notið
lífsins, og því ekki mjög sanngjarnt að segja að ég
hafi sinnt illa fjölskyldu og vinum.
Á síðustu fjórum árum hef ég verið í hesta-
mennsku og það tekur nokkurn tíma eigi að sinna
því af kostgæfni þó ég sé ekki með margra hesta
og eigi hesthús með öðrum í Hafnarfirði. Það er óvenju hresst og
skemmtilegt fólk sem stundar hestamennsku, enda er það svo
afskaplega gaman. Þetta er skemmtilegur lífsstíll, mikil lífsgleði.
Ég er ennfremur í hádegisverðarklúbbi með nokkrum skóla-
félögum mínum úr Verslunarskólanum og stelpurnar eru í sauma-
klúbbi. Svo hittist allur hópurinn þess á milli, fer á hestbak eða
ferðast saman með öðrum hætti. Ég tók þar þátt í félagslífinu af lífi
og sál, var bæði forseti nemendafélagsins og ritstjóri Viljans, og svo
kynntist ég konunni minni á þessum árum, gaf mér tíma til þess!
Minn vinahópur er nánast allur frá þessum tíma.
Ég var í unglingalandsliðinu í körfubolta og spilaði með ÍR og
tók þátt í fleiri íþróttum. Núna les ég aldrei íþróttasíður blaðanna og
horfi aldrei á fótboltaleiki, en minnist með gleði þeirra tíma þegar
íþróttirnar tóku mikinn tíma af mínum frítíma. Tímanum sem varið
var til íþróttaiðkana í mínu lífi er einfaldlega lokið. Ég hef hins vegar
gaman af að elda og nýt góðs matar og góðra vína með góðum
vinum. En það verður seint sagt um mig að ég sé einhver meistara-
kokkur,“ segir Steinn Logi Björnsson.
Nýlega varð Jói Fel fyrir því óláni að brotist var inn til hans og tölvu
hans stolið og tapaði hann við það nokkru af gögnum sínum. Í kjölfar
þess fól hann ANZA vistun tölvugagna sinna. Örugg gagnavistun ANZA
dregur verulega úr hættu á að gögn tapist í tilvikum sem þessum.
Rekstur ANZA er í samræmi við vottað öryggiskerfi sem byggist
á staðlinum ISO 17799 um stjórnun upplýsingaöryggis.
–

0
4
-0
5
8
3
Ármúla 31 • 108 Reykjavík Sími 522-5000 • www.anza.is
„Nú bakar mér enginn vandræði“
„Fjölmargir fela mér að sjá um bakstur og matargerð við hin ýmsu tækifæri enda
er það mín sérgrein. Á sama hátt finnst mér best að láta sérfræðinga sjá um tölvu-
mál mín meðan ég einbeiti mér að því sem ég geri best. Ég treysti fólkinu hjá ANZA
fyrir tölvugögnum mínum því að sérgrein þess er örugg vistun gagna, hýsing og
rekstur tölvukerfa - líka fyrir fyrirtæki eins og mitt.“
Öruggur rekstur tölvukerfa
„Þegar það lá fyrir að
mér byðist ekki starf
forstjóra Flugleiða þá
var það mjög nærtækt
fyrir mig að líta í
kringum mig.“
S T J Ó R N U N