Frjáls verslun - 01.02.2005, Blaðsíða 29

F R J Á L S V E R S L U N • 2 . T B L . 2 0 0 5 29
D A G B Ó K I N
11. mars
Dollarinn á 58 krónur
Krónan hefur sjaldan verið eins
sterk og undanfarnar vikur. Það
hefði þótt saga til næsta bæjar
þegar krónan hrundi sumarið
2001 og dollarinn fór í 110
krónur í nóvember það ár að
hann ætti eftir að vera kominn
niður í rúmar 58 krónur í mars
2005. Krónan hefur líka verið
sterk gagnvart öðrum myntum.
Evran hefur verið í kringum
80 krónur að undanförnu og
sterlingspundið um 115 krónur.
12. mars
Kaupa lyfjaverksmiðjur
í Barcelona
Það er fleiri en Actavis sem fjár-
festa í erlendum lyfjafyrirtækjum.
Sagt var frá því þennan dag
að íslenska fyrirtækið Invent
Farma, hefði keypt tvö lyfjafyrir-
tæki í Barcelona á Spáni, Inke
og Laboratorios Lesvi, en þau
sérhæfa sig í framleiðslu sam-
heitalyfja.
Þeir Íslendingar sem standa
að Invent Farma eru Friðrik
Steinn Kristjánsson, stofnandi
Omega Farma sem nú tilheyrir
Actavis, Ingi Guðjónsson, for-
stjóri Lyfju, Frosti Bergsson,
stofnandi og fyrrverandi stjórnar-
formaður Opinna kerfa, og Jón
Árni Ágústsson, fyrrverandi
stjórnarmaður Omega Farma.
Kaupverð lyfjaverksmiðjanna
tveggja er trúnaðarmál. Velta
félaganna munu vera um 4,5
milljarðar á ári og var sagt frá
því í Fréttablaðinu að gera mætti
ráð fyrir að kaupverð verksmiðj-
anna væri á áttunda milljarð
króna.
13. mars
Pálmi og Jóhannes
kaupa Sterling
Þegar sagt var frá því að þeir
Pálmi Haraldsson og Jóhannes
Kristinsson, aðaleigendur
Iceland Express, hefðu keypt
lágfargjaldaflugfélagið Sterling
fyrir tæpa 5 milljarða króna, varð
mönnum á orði að íslenska flug-
ævintýrið héldi stöðugt áfram.
Þeir Magnús Þorsteinsson,
eigandi Avion Group, og Hannes
Smárason, stjórnarformaður FL
Group, hafa verið mest áberandi
í fluginu að undanförnu. En með
kaupunum á Sterling koma þeir
Pálmi og Jóhannes „sterkir inn“.
Flestir telja líklegt að Sterling og
Iceland Express verði sameinuð,
eða a.m.k. hafi með sér nána
samvinnu í leiða- og söluneti.
Farþegafjöldi Sterling var á um
1,8 milljónir í fyrra.
14. mars
Heimilin skulda
900 milljarða
Hún vakti athygli fréttin um að
heildarskuldir heimilanna við
lána stofnanir hefðu numið 879
milljöðrum króna í lok síðasta
árs og að skuldirnar hefðu auk-
ist um 107 milljarða frá fyrra ári,
eða um tæp 14%. Skuldir heimil-
anna nema ríflega 30% af heildar-
útlánum lánakerfisins.
14. mars
Hagvöxtur 5,2%
Landsframleiðslan á síðasta
ári, 2004, var 859 milljarðar
króna, samkvæmt Hagtíðindum
Hagstofu Íslands, og óx að raun-
gildi um 5,2% frá árinu áður.
Þetta er einhver mesti hagvöxtur
í hagsögu landsins. Á árinu
2003 var hagvöxtur einnig mjög
mikill, eða um 4,2%.
16. mars
Björgólfur fékk
„símafrelsi“
Flestir fjölmiðlar settu það
þannig fram að Björgólfur Thor
hefði fengið „símafrelsi“ þegar
tilkynnt var að Landsbankinn
og Burðarás hefðu selt hluti
sína í Og Vodafone, samtals
tæplega 15% hlut. Kaupandinn
var ný stofnað félag, Runnur.
Eigendur hans eru Bygg, Mogs,
Primus, Saxhóll og Vífilfell.
Primus er félag Hannesar
Smárasonar, Bygg er fjárfest-
ingarfélag þeirra Gunnars og
Gylfa og Saxhóll er félag gömlu
Nóatúnsfjölskyldunnar. Mogs er
félag Magnúsar Ármanns sem
hann á ásamt Sigurði Bollasyni.
„Símafrelsi“ Björgólfs Thors
merkti auðvitað að hann og
félagar hans gætu núna undir-
búið tilboð í Símann þegar hann
verður boðinn út.
17. mars
Björgólfur Thor
í stjórn Carnegie
Björgólfur Thor Björgólfsson
var þennan dag kjörinn í stjórn
sænska Carnegie bankans.
Burðarás á 20% hlut í Carnegie
bankanum. Auk Björgólfs Thors
settist Niclas Gabran í stjórn
Carnegie, en Burðarás mun hafa
Dollarinn á rúmar 58 kr. Hver hefði trúað því fyrir nokkrum árum?
Frosti
Bergsson.
Ingi
Guðjónsson.
17. mars
Það borgar sig
að vinna í banka
Það var mörgum brugðið yfir
fréttinni um að meðallaun og
hlunnindi í viðskiptabönkunum
þremur hefðu verið rúmlega
620 þúsund á mánuði á síð-
asta ári. Takið eftir, þetta
eru meðallaun. Um 3.800
manns vinna hjá bönkunum,
bæði hér heima og erlendis.
Flest stöðugildin voru hjá KB
banka, eða 1.500 talsins, og
hann greiddi sömuleiðis hæstu
launin. Að jafnaði greiddi bank-
inn um 700 þúsund krónur á
hvert stöðugildi á mánuði.
Hreiðar Már Sigurðsson,
forstjóri KB banka.
Bankinn greiddi um 700
þúsund krónur í meðal-
laun á mánuði í fyrra.