Frjáls verslun - 01.02.2005, Qupperneq 42
KYNNING42 F R J Á L S V E R S L U N • 2 . T B L . 2 0 0 5
Hjá VISA Íslandi hafa Júlíus Óskarsson, sviðsstjóri tæknisviðs, og
Þórður Jónsson, sviðsstjóri korthafasviðs, haft umsjón með gerð
og útgáfu kortanna, en Leifur Steinn Elísson, aðstoðarframkvæmda-
stjóri og sviðsstjóri markaðs- og rekstrarsviðs, gerir hér grein fyrir
þróun mála. Hann segir að notkun örgjörva í greiðslukort sé ekki
ný uppfinning: „Frakkar voru fyrstir til að taka í notkun greiðslukort
með örgjörva, en það var fyrir rúmum áratug. Á þeim tíma voru kort-
asvik að sliga frönsku bankana en með tilkomu þessarar nýju tækni
snarminnkuðu svikin og urðu með þeim minnstu sem þá þekktust í
stærri löndum Evrópu. Örgjörvi Frakkanna var gerður samkvæmt
þeirra eigin stöðlum, svo að ekki var hægt að nota hann í öðrum
löndum. Tæknin hefur síðan þróast og örgjörvarnir í dag eru gerðir
samkvæmt alþjóðlegum stöðlum (EMV), þannig að örgjörvakort
geta nú gengið án vandkvæða alls staðar í heiminum, þ.e.a.s. ef
móttökubúnaður (posar) er fyrir hendi. Þess má geta að Frakkar
eru nú að breyta sínum kortum og setja í þau örgjörva samkvæmt
alþjóðastöðlunum.“
Mun meira öryggi Meginorsök þess að Visa International ákvað að
ráðast í það mikla og kostnaðarsama verkefni að settur yrði örgjörvi
í öll greiðslukort og skipt um allan móttökubúnað í heiminum, var sú
staðreynd að kortasvik voru að aukast, svo mikið að kortafyrirtækin
sáu fram á að með óbreyttu fyrirkomulagi yrðu kortin ónothæf sem
greiðslumiðill innan fárra ára. Þess má geta að kortasvik náðu nýju
hámarki í Bretlandi á síðasta ári og urðu um 500 milljón GBP eða um
60 milljarðar króna.
Kortasvikin í dag byggjast aðallega á tvennu: að gefin eru upp
röng kortnúmer á Netinu og í símsölu og að tekið er afrit af segul-
röndinni. Tiltölulega auðvelt er að taka afrit af segulrönd greiðslu-
korts, jafnvel án þess að korthafi verði var við. Segulröndin er síðan
sett á annað kort, þar sem allt aðrar upplýsingar eru skráðar á kortið
sjálft. Svo er verslað fyrir háar fjárhæðir áður en hægt er að stöðva
viðskiptin.
„Þessi glæpastarfsemi hefur undið upp á sig eftir því sem greiðslu-
kortin hafa orðið útbreiddari og notkunin aukist á hvern korthafa.
Nú er svo komið að skipulögð glæpasamtök eru komin í þetta í
mörgum löndum. Ef kortið er eingöngu búið örgjörva er þetta ekki
VISA gefur út fyrstu
örgjörvakortin hér á landi
Fyrstu íslensku VISA örgjörvakortin, sem
nefnd hafa verið Snjallkort, eru komin í
notkun. Snjallkortin eru með örgjörva sem
svipar til símkorts í farsíma. Örgjörvinn er í
raun lítil tölva sem getur keyrt forrit og geymt
upplýsingar. Örgjörvinn verður til að byrja
með aðeins í VISA kreditkortum, en VISA
Electron debetkortin munu síðan fylgja í kjöl-
farið. Segulröndin verður þó áfram á greiðslu-
kortunum þar sem snjallkorta-lesarar eru
ennþá ekki alls staðar fyrir hendi í heiminum.
TEXTI: HILMAR KARLSSON