Ægir - 01.07.2002, Blaðsíða 48
46
F Y R I R T Æ K J A K Y N N I N G
Landvélar hf.
Smiðjuvegi 66
200 Kópavogur
Sími: 580 5800
Fax: 580 5801
Veffang: www.landvelar.is
Landvélar ehf. í Kópavogi eru í fremstu röð á sínu sviði hvað varðar vörur og þjónustu.
Landvélar kynna nýtt umboð
fyrir lyftara- og kranavogir
Landvélar ehf. voru stofnaðar árið 1967
og höfðu þá að markmiði að þjóna
landbúnaðinum. Með árunum hefur
þetta markmið breyst, og í dag snýr
stærsti hluti þjónustunnar að sjávarút-
veginum, eða um 60% starfseminnar.
Sérsvið Landvéla er allt sem viðkemur
vökva- og loftbúnaði og eru Landvélar í
fremstu röð á sínu sviði hvað varðar vör-
ur og þjónustu.
„Á sjávarútvegssýningunni kynnum við
nýtt umboð sem við vorum að fá, en það
eru lyftara- og kranavogir frá Tamtron,“
segir Halldór Klemenzson, markaðsstjóri
fyrirtækisins. „Lyftara- og kranavogir hafa
þekkst á Íslandi en við erum fyrstir til að
kynna þær markvisst og veita alla þjón-
ustu í kringum þær.“ Önnur umboð
Landvéla eru: Bowman kælar, Bosch-
Rexroth vökva- og loftbúnaður, slöngur
og fittings frá Hiflex, fittings frá Walt-
erscheid, auk fjölda annarra vöruflokka.
„Hjá okkur starfa í dag 35 manns,“
segir Halldór. „Landvélar ehf., sem eru til
húsa að Smiðjuvegi 66 í Kópavogi, skipt-
ast í nokkrar deildir. Fyrst ber að nefna
verslunina, þar sem seldir eru íhlutir fyrir
vökva og loftkerfi af öllum stærðum og
gerðum, allt frá lagnaefni yfir í stórar dæl-
ur og mótora. Að auki erum við með
slöngur af öllum gerðum, þéttiefni og
margt fleira. Reyndir sölumenn okkar sjá
til þess að viðskiptavinurinn fái sem
besta þjónustu. Við erum með um 200
birgja erlendis sem við seljum fyrir allt
sem viðkemur vökva- og loftbúnaði fyrir
iðnað, skip, fiskvinnslu og vinnuvélar.
Vökvabúnaðurinn eru allir íhlutir í vökva-
kerfi, stórir sem smáir, svo sem lokar,
lagnir, tjakkar, dælur og mótorar. Eins
eigum við allt sem til þarf í loftkerfi, lagnir
loka og tjakka.
Á tæknideild starfa reyndir menn sem
veita tæknilegar upplýsingar og gera til-
boð í alla verkþætti, allt frá samsetningu
á dælustöðvum upp í uppsetningu á
stórum kerfum. Á verkstæðinu smíðum
við vökva- og lofttjakka af öllum stærðum
og gerðum ásamt því að settar eru sam-
an margs konar dælustöðvar auk þess
sem þar eru framleidd ryðfrí tengi og
lokar,“ segir Halldór og heldur áfram: „Á
verkstæðinu hjá okkur starfa reyndir
rennismiðir sem tekist geta á við flókn-
ustu verkefni. Það má segja sem svo að
ef ekki borgar sig að flytja hlutinn inn, þá
smíðum við hann bara sjálfir! Einnig erum
við með dæluverkstæði þar sem hægt er
að fá gert við allar tegundir af vökvabún-
aði. Það skiptir ekki máli hvort við höfum
umboð fyrir tiltekin tæki heldur reynum
við að þjónusta viðskiptavininn eftir
megni eins fljótt og auðið er. Á röraverk-
stæðinu fást svo útbúin rör af ýmsum
toga,“ segir Halldór að lokum um leið og
hann hvetur fólk til að koma og kynna
sér fyrirtækið betur á básnum þeirra á
sjávarútvegssýningunni.