Ægir - 01.07.2002, Blaðsíða 128

Hafnarsjóður Fjarðabyggðar er í
hópi öflugustu hafnarsjóða á Ís-
landi. Hvergi á landinu kemur jafn
mikill fiskafli á land og í Fjarða-
byggð og vöruflutningar hafa auk-
ist jafnt og þétt síðustu ár. Þrjár
vel útbúnar hafnir eru á svæði
hafnarsjóðsins í þéttbýliskjörnun-
um þremur, Neskaupstað, Eskifirði
og Reyðarfirði. Greið innsigling,
mjög góð hafnaraðstaða, hentug
staðsetning og fjölbreytt þjónusta,
gerir hafnirnar í Fjarðabyggð sér-
lega eftirsóknarverðar fyrir sjófar-
endur.
Útgerð og umferð skipa á sér langa
sögu í Fjarðabyggð og þar er því fyrir
hendi mikil og góð reynsla í að þjóna
sjófarendum. Í Fjarðabyggð eru starf-
rækt mjög öflug sjávarútvegsfyrirtæki og
gerð út afkastamikil skip sem þarfnast
góðrar hafnaraðstöðu. Mikil skipaum-
ferð í gegnum árin hefur orðið til þess
að þjónustufyrirtæki í Fjarðabyggð hafa
sérhæft sig í margskonar skipaþjónustu
og eru í stakk búin að veita fyrsta flokks
þjónustu.
Hafnarsjóður Fjarðabyggðar býður
sjófarendum alla þá þjónustu sem þeir
þarfnast. Löndunaraðstaða er sérlega
góð, afkastamiklar ísverksmiðjur eru fyrir
hendi, kæli- og frystigeymslur og öll
nauðsynleg viðhalds- og veiðafæraþjón-
usta. Þar er einnig til staðar dráttar-
braut fyrir 600 þungatonn. Þess utan er
í Fjarðabyggð fáanlegur allur varningur
sem áhafnirnar þurfa á að halda, mat-
vara, fatnaður og aðrar nauðsynjavörur.
Góð læknisþjónusta er fyrir hendi,
bankaþjónusta og fjöldi afþreyingar-
möguleika.
Frá Fjarðabyggð sigla flutningaskip
beint til Evrópu og er því tilvalið að landa
þar afurðum til útflutnings, auk þess
sem siglingaleiðin til og frá Evrópu er
með því stysta sem gerist á Íslandi.
Fjarlægðin á hefðbundin loðnu-, síldar-
og kolmunnamið er óvíða minni en frá
Fjarðabyggð og afkastamiklar mjöl- og
lýsisverksmiðjur, frystihús, fiskiðjuver og
rækjuvinnsla í landi sjá til þess að löng
og erfið sigling á fjarlægar hafnir er
óþörf.
Starfsmenn hafnanna í Neskaupstað,
Eskifirði og Reyðarfirði, leggja sitt af
mörkum við að veita sjófarendum góða
þjónustu og greiða úr öllum þeim
vandamálum sem upp kunna að koma.
126
F Y R I R T Æ K J A K Y N N I N G
Hafnarsjóður
Fjarðabyggðar
Sími 470 9000
Fax 477 1771
Netfang: fjardabyggd@fjardabyggd.is
Veffang: www.fjardabyggd.is
Hafnirnar í Fjarðabyggð
- hafnarþjónusta eins og hún gerist best