Ægir - 01.07.2002, Blaðsíða 43
41
Í S L E N S K A S J Á V A R Ú T V E G S S Ý N I N G I N - A U K A B L A Ð Æ G I S
kvæmastan hátt fyrir eigendur halonkerfa
og jafnframt sjá um förgun halonsins,“
segir Sigurður og heldur áfram: „Vana-
lega er hægt að nota áfram dýrasta hluta
halonkerfanna, röralagnirnar og stjórn-
búnað. Þá er einungis skipt um hylki og
stjórnloka. Gömlu halonkerfin nota
dreifilagnir sem gerðar eru fyrir 25 bara
þrýsting en Inergenkerfi dreifa slökkvi-
miðlinum almennt við 75 bara þrýsting.
Securitas endurreiknar lagnirnar sem fyrir
eru, til að finna út hvort rörin séu nógu
víð til að ljúka slökkviaðgerðinni á minna
en 120 sekúndum eins og reglur segja til
um. Síðan eru rörin þolreynd og
þrýstiminnkari inergen kerfisins stilltur á
að halda þrýstingi innan við 25 bara
mörkin. Um 30 skip hafa nú Inergen
slökkvikerfi í vélarúmum sínum.“
GLORIA slökkvitækin vinsæl
Securitas selur brunaviðvörunarkerfi í
skip, bæði hefðbundin rásaskipt kerfi og
hliðræn kerfi með vistfangi. Vistfangskerf-
in, ID-200 frá Notifier, hafa verið sett í
mörg skip og er truflanatíðni þeirra mjög
lág. „Algengt er að gömul brunaviðvörun-
arkerfi valdi mörgum falsboðum og trufl-
unum og sjómenn hafa hreinlega gefist
upp á þeim og tekið þau úr sambandi,“
segir Sigurður. ID-200 stöðin er þannig
gerð að hver skynjari hefur sitt vistfang og
birtir á textaskjá staðsetningu viðkomandi
skynjara. Stöðin hefur hugbúnað sem
getur minnkað eða aukið næmni hvers
skynjara fyrir sig, seinkað boðum og nota
svonefnda boðstaðfestingu (alarm
verification) en slíkt getur útilokað falsboð.
Einnig tilkynnir stöðin sjálfvirkt ef skynjari
er orðinn óhreinn og þarfnast hreinsunar.
„Securitas flytur einnig inn og selur
GLORIA slökkvitæki. Þjónusta á slökkvi-
tækjum í skipum og jafnframt eftirlit á
föstum slökkvikerfum, þar á meðal kol-
sýrukerfum, er orðinn snar þáttur í þjón-
ustu okkar við skipin í landinu.“
Rússapillan frá USA
Að lokum kynnir Sigurður til sögu nýja
gerð slökkvikerfa sem hlotið hafa viður-
kenningu Siglingastofnunar til notkunar í
vélarúmum báta allt að 15 m að lengd en
þetta eru Aeorosol slökkvikerfi. „Slökkvi-
miðillinn er fast aerosolefni sem breytist í
mjög fíngert duft sem rýfur efnahvörf
brunaferlisins. Þetta efni er upphaflega
rússneskt eldflaugaeldsneyti, sem gár-
ungar hafa nefnt rússapilluna, þó efnið sé
nú framleitt í Bandaríkjunum. Íslenskt
nafn yfir þessa aðferð er ekki fyrir hendi í
dag, en sú hugmynd hefur komið upp að
nefna þetta svifagnakerfi eða agna-
slökkvikerfi á íslensku.“
Sem dæmi um slökkvimátt efnisins
má nefna að hylki með 1,1 kg af aerosoli
slekkur eld í 10 rúmmetra vélarúmi. Kerf-
in má gangsetja á þrennan hátt, með raf-
magni, bræðivari eða með togátaki.
Jón Sigurðsson með 1,1 kg. hylki af Aerosol sem dugar til að slökkva allan eld í 10 m3 vélarými.
Hentar sérlega fyrir smærri báta allt að 15 m.
Inergenkerfi hefur verið sett upp í skip í staðinn fyrir Halonkerfi.