Tímarit Máls og menningar - 01.10.1942, Qupperneq 17

TÍMARIT MÁLS OG MENNINGAR
119
uppi væri haldið siðferðisþreki Frakka í Frakklandi, sem
beygðir voru undir harðstjórnarok óvinarins og samherja
lians. Þetta var, eins og skiljanlegt er, einkar kærkomið
verkefni stríðandi Frakka. Aðalstarfstækið í þessu skyni
liefur verið útvarpið. Auk reglubundins fréttaflutnings á
franskri tungu, hefur brezka útvarpið alllaf ætlað mikið
rúm fyrir útsendingar Frjálsra Frakka. Oft á dag bafa
liinir undirokuðu Frakkar þannig tækifæri til að lauga sál
sina og teyga röksemdir vonarinnar með því að hlusta á
rödd bræðra sinna, er áttu því láni að fagna að þekkja ekki
hið skelfilega stjórnarfar kúgarans.
Viðleitni þessi bar mjög brátt árangur. Fjöldi vitna, sem
komið hefur frá Frakklandi, ber það daglega, að hlustað
er dyggilega á franskar raddir frá Lundúnum, og eru það
einu ljósgeislarnir, sem berast inn í niðamyrkur ánauðar-
innar, sem Frökkum er haldið í. Þá er öllum kunn hin
grimmilega mótstaða franskrar alþýðu. Vitað er og, að
þegar undan eru skildir fáeinir afglapar eða svikarar,
þá hefur gjörvöll þjóðin varðveitt óspillta trú sína á lilut-
verk sitt, þrátt fyrir fagurgala og hverskonar blekkingar,
þrátt fyrir hungur, handtökur, múgmorð, líkamlegar og
siðferðislegar misþyrmingar og fangavist hálfrar annarrar
milljónar sona hennar í Þýzkalandi. Þrátt fyrir allar þess-
ar ógnir bítur franska þjóðin á jaxlinn og bíður með ó-
þreyju þeirrar stundar, er hún fær tækifæri til að grípa
aftur til vopna og tryggja þannig við hlið bandamanna
sinna sigur frelsisins. Enginn vafi er á þvi, að barátta
Frjálsra Frakka liefur átt mikinn þátt í þessum glæsilega
árangri.
De Gaulle hershöfðingi og félagar hans, sem vissu, að
þeir voru í samræmi við vilja frönsku þjóðarinnar, hlutu
enn að takast nýtt hlutverk á hendur. Þar sem samherjar
óvinanna afneituðu í utanríkisþjónustu sinni erfðavenjum
Frakklands, þá virti de Gaulle og lians menn í hvívelna
hina sögulegu fortíð þjóðarinnar og venjur hennar og
voru þannig hvarvetna í frjálsum löndum fulltrúar hins