Tímarit Máls og menningar - 01.12.1946, Síða 21

ÞJÓÐARATKVÆÐAGREIÐSLAN í FÆREYJUM
259
inguna, og það var samþykkt með atkvæðum þeirra (12) gegn at-
kvæðum Fólkaflokksins (11).
Of langt yrði að rekja gang þessa máls á þinginu. Þess skal aðeins
getið, til marks um ágreining þingmanna, að fram komu ekki færri
en 18 aðal- og breytingartillögur í sambandi við sjálft stjórnskip-
unarmálið og þjóðaratkvæðagreiðsluna. Eftir að þjóðaratkvæða-
greiðslan var samþykkt 10. maí, voru lögin um hana staðfest af
dönsku stjórninni og birt af danska amtmanninum. Spurningarnar
á atkvæðaseðlinum voru: 1) Viljið þér að danska stjórnskipunar-
frumvarpið öðlist gildi? 2) Viljið þér skilnað Færeyja og Dan-
merkur ?
i Þjóðaratkvæðagreiðslan fór fram 14. sept., og fvrri spurningunni
játuðu 5.499 kjósendur, hinni síðari 5.660. Skilnaðarmenn unnu
með 161 atkvæði.
Urslitin
Því verður ekki neitað, að meirihluti sjálfstæðismanna var lítill —
aðeins 161 atkvæði. Hvernig ber nú að skilja þessar tölur? Er frels-
isvilji færeysku þjóðarinnar ekki meiri en þessar tölur sýna? Eru
Færeyingar ánægðir með þá stjórnmálastöðu sem þeir búa við undir
yfirráðum Dana?
Til þess að geta dæmt um þetta verður að skýra lítið eitt frá
stjórnmálaástandi landsins eins og nú er. Ennþá er töluvert mikill
hluti þjóðarinnar svo íhaldssamur að han’n vill engar umbætur á
stjórnarfari. Þetta eru þeir menn sem hafa fylgt Sambandsflokkn-
um. Þessi flokkur hefur þó verið í mikilli hnignun. Á fyrstu árum
sínum, næstu árunum eftir 1906, fylgdu honum ekki færri en 94
kjósenda, nú aðeins ^4. Sambandsmenn eru gamla fólkið, og flokk-
urinn minnkar eftir því sem gamla kynslóðin deyr út. Viðbót úr
nýjum aldursflokkum kjósenda mun Sambandsflokkurinn varla hafa
fengið síðustu 10—20 árin. Allir Sambandsmenn greiddu danska
frumvarpinu atkvæði.
Allir aðrir hyggja á frelsi. En skoðanir manna á sjálfstæðismálinu
eru geysiólíkar — eins og á íslandi fram að 1918 — og óteljandi
tilraunir til þess að sameina allt þetta sjálfstæðisfólk í eina heild