Tímarit Máls og menningar - 01.10.1961, Page 12

TÍMARIT MÁLS OG MENNINGAR
raun jyrst og fremst sljórnmálalegs
eðlis, þ. e. stojnun Evrópustórveldis.“
Allt skipulag bandalagsins er við
það miðað að það verði eitt samfellt
ríki. Þannig hefur þegar verið komið
á laggirnar vísi að sameiginlegu
þingi, og er gert ráð fyrir því að til
þess verði síðar kosið með beinum
kosningum í öllum aðildarríkjunum.
Miðað við þau lönd sem þegar eru í
bandalaginu er gert ráð fyrir 426 full-
trúum á þinginu. Af þeim eiga stór-
veldin Frakkland, Ítalía og Vestur-
Þýzkaland að hafa 108 fulltrúa hvert,
Belgía og Holland 42 fulltrúa hvort
landið og Lúxembúrg 18 fulltrúa.
Miðað við hliðstæð hlutföll myndu
íslandi ætlaðir 9 þingmenn í þessari
fjölmennu stofnun. En enginn skyldi
þó ætla að þetta nýja Evrópustórveldi
eigi að verða þingræðisríki. í skýrsl-
unni F/6 segir: „Hlutverk þingsins
er fyrst og fremst að hafa ejtirlit með
starfi framkvæmdastjórnarinnar.
Þinginu er hins vegar ekki ætlað lög-
gjafarvald.“
En hver er þá þessi framkvœmda-
stjórn sem fær löggjafarvaldið og
þingið á mildilegast að fá að hafa
eftirlit með? Um hana segir svo í
skýrslunni: „Framkvæmdastjórnin er
skipuð 9 meðlimum, sem valdir eru til
starfsins til fjögurra ára með tilliti til
almennrar hæfni þeirra og þess, að
þeir séu óvefengjanlega óháðir ...
Meðlimum framkvæmdastjórnarinn-
ar er skylt að rækja störf sín með til-
liti til almennra hagsmuna bandalags-
ins og að vera óháðir með öllu ríkis-
stjórnunum, sem engin jyrirmæli
mega geja þeim.“ Framkvæmdastj órn-
in er þannig ríkisstjórn bandalagsins
í heild, hún fær raunveruleg einræðis-
völd á þeim sviðum sem undir hana
heyra og meðan ríkisstj órnir ein-
stakra aðildarríkja eru enn við lýði
skulu þær hlýða en ekki mæla fyrir.
Auk framkvæmdastjórnarinnar er
enn ein stofnun sem nefnist ráðið og
er tengiliður við ríkisstjórn hvers
lands. Um það segir svo í skýrslunni
F/6: „í ráðinu situr einn meðlimur
frá hverri ríkisstjórn aðildarríkjanna.
Hlutverk ráðsins er að tryggja það,
að stefnur aðildarríkjanna á sviði
efnahagsmála í heild séu samrýmdar.
Ennfremur er ráðinu ætlað að taka
ákvarðanir í samræmi við ákvæði
samningsins. Yfirleitt eru slíkar á-
kvarðanir aðeins teknar eftir tillögum
framkvœmdastjórnarinnar. Taki ráð-
ið afstöðu til tillögu, sem fram-
kvæmdastjómin gerir, samkvæmt
samningnum, getur það ekki hreytt
henni nema með samhljóða atkvœð-
um.“ Ráðið er þannig stofnun sem
hefur fyrst og fremst það hlutverk að
knýja hvert einstakt ríki til þess að
framkvæma ákvarðanir framkvæmda-
stjómarinnar, samrýma stefnurnar
eins og það er orðað. Og til frekara
öryggis eru ákvæði um það að í ráð-
250