Tímarit Máls og menningar - 01.12.1976, Síða 31

Munnhörpuleikarinn
4 Tommi fátar við ófélegt skeggið. Lítur til vinstri; lyftir sér á tá skim-
andi.
Lítur til hægri: engan kunnugan að sjá.
5 Við sælgætisbásinn em tvær hnyðrur sem ískra og pískra, iða og
hvima. Onnur reykir Richtmeister, hin góflar spýtubrjóstsykur.
I baksýn gætt opin að klósettunum.
6 Tommi lítur hnyðrur angurværum augum. Fölt bros.
7 Vindilhnyðran sendir frá sér reykjargusu, Hún hviðrar í eyra stöllu
sinnar. Stallan skríkir: spýtubrjóstsykurinn líkist strokkbullu uppí
henni.
8 Tomma vex þor. Kankvíst bros. Hann yppir brúnum.
9 Vindilhnyðran rekur tunguna út úr sér. Hún hviðrar í eyra stöllu
sinnar. Stallan skrækir: bullan gengur uppí henni. Þær reika fliss-
andi burt.
10 Brosið deyr á vörum Tomma. Hann grípur til stafsins en missir þá
hanskana. Bograr eftir þeim: húfan dettur. Hrelldur þokast hann
að borði vinstra megin dyra. Sest á stól nær þilinu.
Stafinn hengir hann á stólbak við hlið sér; læmr hanska í húfu-
kollinn og stingur undir vinstra olboga.
Hann horfir dofralegur á gólfið, spenntum greipum.
11 Hnyðrur skekja sig í klósettgættinni í takt við popplagið. Skella í
góm. Klappa lófum. Stappa fótum. Smella fingmm.
12 Tommi tekur silfrað sígarettuveski úr innra brjóstvasa jakkans. Hann
opnar veskið blínandi á stúlkurnar.
13 í klósettgættinni poppa tveir guttar við hnyðrur. Þau deila með sér
vindli og brjóstsykri. Popplagið breytist í æranda. Söngvari vælir:
„Je ... je ... je ...“ Það fjörgar pörin.
14 Fingur Tomma þreifa í sígarettuveskið: það er tómt. Hann smellir
því aftur og rekur í innra brjóstvasann.
15 Annar guttinn ber vindilhnyðru á hákúk. Popplagið og söngvælið
sker í eyru. Hnyðran tekur undir kjálkabörð guttans. Skrækir:
333