Tímarit Máls og menningar - 01.03.1990, Síða 26

Bókabúðin Huld in memoriam
Nýkominn í bæinn og fer hægan um göngugötuna
með hádegissólina á húfuskyggninu og fangið
fullt af hnúkaþey. Við bókabúðina gömlu á hægri
hönd stendur háfætt póstkortagrind. Snörp hviða
og hún stendur höllum fæti. Síðan komin um koll
og með vindinum berast augasteinar ferðamanna
norður götuna:
Vatnajökull
Gullfoss
Hekla
Mývatn
og margt fleira
ýmist á víð og dreif eða í einni bendu og ásamt
fjórum góðviljuðum vegfarendum hjálpa ég bók-
salanum við að safna því saman. Og landslagið
kemst til skila og á sinn stað í grindinni, en
út undan mér sé ég hvar prakkaralegur stráklingur
skýst fyrir horn með handfylli af Fjallkonunni.
Skömmu síðar sé ég hann aftur þar sem hann situr
á hækjum sér yfir dálitlu báli niðrí fjöru og
minnir þægilega á gamla daga sem dreifðu grjóti
í óslægjur og iðuðu af óknyttum.
24
TMM 1990:1