Tímarit Máls og menningar - 01.09.1990, Side 43

Sergej Ésénín
Skriftamál dóna
Geir Kristjánsson þýddi
Ekki eru það allir sem geta sungið,
og ekki er það heldur öllum gefið
að falla einsog epli að fótum ókunnugra.
Þetta verður allsherjar lífsjátning dóna,
sú langsamlega mesta sem hann hefur gert.
Ég geng af ásettu ráði með ógreitt hár
og með höfuðið einsog olíulampa á herðunum.
Ég hef gaman af að lýsa upp í myrkrinu
blaðlaust haustið í sálum ykkar.
Ég hef gaman af því líka, þegar steinar formælinganna
dynja á mér einsog haglgusur ælandi storms, —
þá gríp ég bara fastar um höfuðið
og þrýsti flaksandi lokkunum betur niður.
Hvað mér þykir þá gott að muna
sefgróna tjöm og hásan þyt elrisins
og að einhversstaðar á ég þó föður og móður
sem að vísu fínnst ekkert til um kvæðin mín,
en elska mig samt, einsog akurinn sinn og sitt eigið hold
og einsog helliskúrina sem pælir upp garðinn þeirra á vorin.
Og þau mundu vissulega koma og stinga ykkur með heykvíslinni
fyrir hvert svívirðingarorð sem þið hafið æpt að mér.
TMM 1990:3
41