Tímarit Máls og menningar - 01.06.2000, Blaðsíða 80

JOSÉ HERNÁNDEZ
Hæfnistökum ei týnir hann
er tækifærin sér nýta kann,
gleymið ei ráðum góðum,
ef tekur ei vit að truflast mér,
að tækifærið sem járnið er,
hamra það heitt úr glóðum.
Hlutunum tapa mörgum má
maður og aftur finna þá,
Á það þó æ skal minnast
og þennan að vissu gera grun
að glatist sæmdin, víst þá mun
aldrei hún aftur finnast.
Systkini ávallt séu um flest
samrýmd, þannig er lögmál best.
Þau ávallt hvert öðru hlífa
allar stundir uns ævin dvín.
Efli þau hatur milli sín
aðrir þau í sig rífa.
Öldung í heiðri hafa á,
að hallmæla gömlum sæmd er smá.
Á ókunnra byggðu bóli
varkár jafnan að vera ber,
vanalega til jafns sá er
metinn er fylgir fóli.
Storkinum þegar förlast fer
og farin með öllu sjón hans er,
allar hans yngri dætur
í ellinni reyna að annast vel.
Ágætan lærdóm það ég tel
og mönnum boðskapur mætur.
78
www.malogmenning.is
TMM 2000:2