Bókasafnið - 01.06.2014, Síða 58

Bókasafnið 38. árg. 2014
58
Bragadóttir, 1998﴿. Þess ber að geta að þeir sem útskrif­
uðust úr starfsréttindanámi eru taldir með í mynd 1 hér
að ofan.
Þó svo að starfsréttindanámið hafi vissulega verið
góð viðbót við námsleiðir í bókasafns­ og upplýsinga­
fræði á sínum tíma þurftu þeir nemendur sem það tóku
að bæta við sig tveggja ára námi sem var eingöngu á
BA­stigi. Námsgreinin hafði hug á að bæta stöðu þess­
ara nemenda svo að námið yrði þeim verðmætara. Þess
vegna var ákveðið að bjóða upp á MLIS­nám ﴾Master of
Library and Information Science﴿ í bókasafns­ og upp­
lýsingafræði og hófst kennslan háskólaárið 2004­2005
﴾Háskóli Íslands, 2004a﴿. Það nám leysti af hólmi starfs­
réttindanámið sem áður hafði verið kennt á BA­stigi.
Þeim sem áður höfðu lokið starfsréttindanámi var jafn­
framt boðið að uppfæra það nám á framhaldsstig ﴾Ág­
ústa Pálssdóttir, 2009﴿.
MIS­námið er til 120 ECTS­eininga. Lokahnykkurinn
í náminu er meistaraprófsritgerð til 30 ECTS. Námið er
ætlað þeim sem þegar hafa lokapróf í annarri háskóla­
grein en bókasafns­ og upplýsingafræði, eins og fyrr
segir, það er nemendum sem lokið hafa BA­gráðu í
hinum ýmsu greinum hug­ og félagsvísinda, BEd­gráðu í
kennaranámi og BS­gráðu í raungreinum svo að dæmi
séu tekin. Námið gefur hinu fyrra háskólaprófi því aukið
gildi svo að um munar ﴾Ný og spennandi námsleið,
2004﴿.
MLIS­námið við Háskóla Íslands var þróað með
hliðsjón af alþjóðlegum samtökum á sviði bókasafns­ og
upplýsingafræði og stuðst var við Standards for Library
Schools Update: Report 1999 frá Alþjóðasambandi
bókasafns­ og bókavarðafélaga ﴾IFLA﴿, Standards for
Accreditation of Masters Programs in Library and In­
formation Studies 1992 frá Sambandi bandarískra
bókasafna ﴾ALA﴿ og Competencies for Special
Librarians of the 21st Century frá Sambandi bókavarða í
sérfræði­ og rannsóknarbókasöfnum ﴾SLA﴿. Það tók
enn fremur mið af öðru framhaldsnámi innan Háskóla
Íslands svo sem MPA­námi ﴾Master of Public Admin­
istration﴿ og MSW­námi ﴾Master of Social Work﴿ í fé­
lagsráðgjöf ﴾Clyde, 2004﴿.
Á mynd 3 má sjá dreifingu samþykktra umsókna í
MLIS­námið eftir árum.
Alls hafa umsóknir frá 173 nemendum verið sam­
þykktar í MLIS­námið frá upphafi.1 Sem sjá má á mynd
3 hefur verið töluverð uppsöfnuð eftirspurn eftir náminu
þegar það hófst en 35 umsóknir voru samþykktar
háskólaárið 2004­2005. Í kjölfarið dró nokkuð úr fjölda
umsókna en á síðari árum hefur aðsóknin farið vaxandi
og voru 23 umsóknir samþykktar fyrir háskólaárið 2013­
2014 ﴾Háskóli Íslands, 2003­2014﴿. Alls hafa 29
umsóknir verið samþykktar fyrir haustmisseri 2014 en
hafa ber í huga að inntökum fyrir vormisseri 2015 er
ólokið. Því getur samþykktum umsóknum í MIS­nám
Mynd 2: Fjöldi nemenda sem luku starfsréttindanámi, 1990 til 2006
*Inntökum fyrir vormisseri 2015 er ólokið.
Mynd 3: Dreifing samþykktra MLIS-umsókna eftir árum,
2004-2005 til 2014-2015
*Útskriftum á haustmisseri 2014 er ólokið.
Mynd 4: Dreifing útskrifta úrMLIS-námi eftir árum
2005 til 2014
1 Þess má geta að í sumum tilvikum sækja sömu nemendurnir um, og eru samþykktir inn í námið, oftar en einu sinni. Farið var yfir nafnalista
umsækjenda og þeir aðeins taldir með í síðasta skipti sem þeir sóttu um.