Bókasafnið - 01.06.2014, Qupperneq 59

Bókasafnið 38. árg. 2014
59
fyrir háskólaárið 2014­2015 fjölgað enn frekar frá þvi
sem nú er.
Mynd 4 sýnir dreifingu útskrifta úr MLIS­námi eftir
árum. Fyrstu nemendurnir útskrifuðust úr náminu árið
2005 en í júní 2014 höfðu alls 69 nemendur útskrifast
með MLIS­gráðu frá Háskóla Íslands ﴾Háskóli Íslands,
2014a﴿.
Sem sjá má á mynd 4 hefur útskriftum úr MLIS­
námi farið fjölgandi á undanförnum árum. Mesti fjöldi út­
skrifta var árið 2011 þegar 13 nemendur útskrifuðust og
árið 2013 þegar 12 nemendur útskrifuðust. Þegar horft
er til fjölda útskrifta ársins 2014 ber að hafa í huga að
hér eru einungis meðtaldar útskriftir í febrúar og júní.
Konur eru í miklum meirihluta þeirra sem hafa útskrifast
úr MLIS­náminu en alls hafa 58 konur útskrifast á móti
11 körlum ﴾Háskóli Íslands, 2014a﴿.
Þegar tölur um samþykktar umsóknir í MLIS­námið
﴾sjá mynd 3﴿ eru bornar saman við tölur um útskriftir í
mynd 4 þarf að hafa í huga að það tekur framhaldsnem­
endur að jafnaði tvö til fjögur ár að ljúka námi eins og
fram kemur í sjálfsmatsskýrslu Félags­ og mannvísinda­
deildar Háskóla Íslands á gæðum náms innan deildar­
innar ﴾Háskóli Íslands, 2013a﴿. Í þessu sambandi er vert
að geta þess að samkvæmt tilmælum frá mennta­ og
menningarmálaráðuneytinu var ákveðið að fram færi
yfirgripsmikið gæðamat á háskólakennslu og háskólum
á Íslandi háskólaárin 2011­2012 til 2014­2015. Af því til­
efni var sett á fót gæðaráð háskóla sem stendur að þró­
un gæðakerfis íslenskra háskóla ﴾Quality enhancement
framework﴿. Meginmarkmið gæðakerfisins er að stuðla
að rekstri óháðra og fjölbreyttra háskólastofnana. Verk­
efnið samanstendur af sjálfsmati háskóla og háskóla­
deilda á Íslandi auk þess sem stuðst er við reynslu og
sérfræðiþekkingu evrópskra og alþjóðlegra aðila
﴾Magnús Lyngdal Magnússon, 2011﴿. Gæðamat á Fé­
lags­ og mannvísindadeild, þar á meðal námsbraut í
bókasafns­ og upplýsingafræði fór fram á vormisseri
2013 ﴾Háskóli Íslands, 2013a﴿.
Mikilvægt er fyrir litla stétt sem starfar á fjöl­
breytilegum vettvangi að hafa bakgrunn úr mismunandi
áttum. Eins og mynd 5 sýnir hafa nemendur sem útskrif­
ast úr MLIS­námi lokið grunnnámi í hinum ýmsu há­
skólagreinum.
Námsgreinarnar sem útskrifaðir MLIS­nemar höfðu
lokið í grunnnámi reyndust 19 talsins en þá eru erlend
tungumál talin saman sem ein námsgrein. Flestir þeirra
sem hafa lokið MLIS­námi, eða 18 talsins, höfðu kenn­
aramenntun að baki. Einnig er nokkuð algengt að fólk
hafi lokið grunnnámi í erlendu tungumáli eða í bók­
menntum, sjá mynd 5 ﴾Ágústa Pálsdóttir, 2009a; Háskóli
Íslands, 2003­2014﴿.
Árið 2008 var í fyrsta sinn boðið upp á diplómanám
á meistarastigi ﴾Háskóli Íslands, 2008﴿ og á árunum
2009­2014 útskrifuðust 17 nemendur með þá háskóla­
gráðu ﴾Háskóli Íslands, 2014a; Jóna Margrét Guð­
mundsdóttir vefpóstur, 27. febrúar 2013﴿. Diplómanám
er viðbótarnám í bókasafns­ og upplýsingafræði til 30
ECTS og er sérstaklega hugsað sem styttri námsleið
fyrir fólk sem hefur ef til vill ekki áhuga á að ljúka fram­
haldsgráðu en vill samt bæta við sig í námi. Nemendur
Mynd 5: Yfirlit yfir grunnnám sem útskrifaðir MLIS-nemar hafa lokið