Bókasafnið - 01.06.2014, Blaðsíða 36

Bókasafnið 38. árg. 2014
36
aldrei lánaða bók á síðasta skólaári.
Á mynd 3 má sjá að grunnnemar fá töluvert
meira lánað en framhaldsnemar, en um 57%
framhaldsnema höfðu ekkert fengið að láni á ár­
inu á móti tæplega 40% grunnnema.
Í upprunalegu Huddersfield rannsókninni voru
útlán grunnnema í viðskiptafræði ﴾samtals 4.416﴿
sérstaklega birt og er fróðlegt að bera saman töl­
fræði þeirra við útlán grunnema Menntavísinda­
sviðs ﴾samtals 1.220﴿. Rétt er að taka allan
samanburð með fyrirvara þar sem rannsóknirnar
eru ólíkar. Samkvæmt töflu 1 er fjöldi útlána mjög
svipaður. Munurinn er þó mestur í fyrstu tveimur
flokkunum þar sem 39% nema á Menntavísinda­
sviði höfðu ekkert fengið að láni á árinu á móti
47% nema í Huddersfield, og 24% nema á
Menntavísindasviði voru með eitt til fimm útlán á
árinu á móti 14% nema í Huddersfield. Hudders­
field rannsóknin útilokaði nema í hlutanámi, fjar­
námi, í styttri námskeiðum og fámennum
námskeiðum ﴾Goodall og Pattern, 2011, bls. 164﴿.
En eru tengsl milli fjölda útlána og einkunna á
Menntavísindasviði og er sá munur marktækur
eins og í The Library Impact Data Project? ﴾Stone
og Ramsden, 2013, bls. 546; 554﴿. Til að kanna
hvort svo sé var miðað við útlán útskriftarnema
sem brautskráðust í júní 2013. Á Kennarabraut
eru margir í diplómanámi ﴾bæði á grunnstigi og í
framhaldsnámi﴿. Þessir einstaklingar fá yfirleitt
minna lánað en aðrir nemar og þau skila ekki
lokaverkefni. Af þeim sökum voru nemar í
diplómanámi ﴾samtals 38﴿ fjarlægðir úr úrtakinu til
að fá marktækari niðurstöður og raunhæfari sam­
anburð milli deilda. Töluverður munur reyndist
vera á útlánum útskriftarnema eftir námsstigi.
Grunnnemar fengu að meðaltali meira að láni en
meistaranemar og 40% meistaranema voru ekki
með nein útlán á árinu á móti 20% grunnnema.
Því var ákveðið að þrengja úrtakið enn frekar og
skoða eingöngu útskriftarnema í grunnnámi,
samtals 224 ﴾sjá mynd 4﴿. Þá er einnig raunhæf­
ara að bera saman niðurstöðurnar við The Library
Impact Data Poject sem tekur einungis til út­
skriftarnema í grunnnámi. Eins og áður er miðað
við útlán skólaárið 2012–2013.
Ljóst er að útlán útskriftarnema í grunnnámi eru tölu­
vert hærri en útlán grunnnemanna allra ef við berum
saman mynd 3 og 4. Enda er það ekki ósennilegt að
vinna við lokaverkefni auki útlán, en langflestir nemar
ljúka verkefni sínu á lokaárinu. Að meðaltali fengu út­
skriftarnemar 13 bækur að láni yfir árið en sá nemandi
sem var með flest útlán fékk 97 bækur að láni. Helming­
ur nemanna fékk fleiri en sjö bækur að láni yfir árið.
Ef skoðuð er fyrst meðaleinkunn við útskrift í hverju
útlánaþrepi í töflu 2 er ljóst að meðaleinkunn við útskrift
hækkar eftir því sem útlánum fjölgar. Þó er hækkunin
mjög lítil og meðaleinkunn í öllum flokkunum er 1. stigs
einkunn ﴾7,25– 8,99﴿.
Mynd 1 – Útlán grunnnema eftir deild
Mynd 2 – Útlán framhaldsnema eftir deild
Mynd 3 – Útlán eftir námsstigi