Morgunblaðið - 10.06.2015, Qupperneq 4

4 FRÉTTIRInnlent
MORGUNBLAÐIÐ MIÐVIKUDAGUR 10. JÚNÍ 2015
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
Lítið hefur miðað
í viðræðum SA og
Samtaka starfs-
manna fjármála-
fyrirtækja (SSF)
fyrir hönd um
4.400 starfs-
manna, en fundað
var 5. júní. Er
ekki boðað til
næsta fundar
fyrr en í næstu
viku. SA lagði fyrir samtökin sama
tilboð og fyrir liggur í samningunum
við verslunarmenn, Flóafélögin og
SGS en SSF líst illa á útfærslu
launahækkana í þeim samningum
með launaþróunartryggingunni
(svonefndum baksýnisspegli).
„Þessi umsamdi baksýnisspegill
stendur í okkur. Við höfum byggt
okkar kerfi svolítið á launaviðtölum
en með þessum baksýnisspegli er
verið að taka slíka einstaklings-
bundna samninga úr sambandi að
mestu leyti eða að hluta,“ segir Frið-
bert Traustason, formaður SSF.
Í umfjöllun um málið á vefsíðu
samtakanna segir hann útfærslu
launahækkana í þessum samningum
sérkennilega, þar sem persónu-
bundnar hækkanir á síðasta ári og
fyrir hluta samningstímans séu í
raun teknar upp í umsamdar launa-
hækkanir á árunum 2015-2016.
„Samninganefnd SSF er ekki tilbúin
að skrifa undir kjarasamning til
þriggja ára þar sem starfsmönnum
með sambærileg laun eru tryggðar
misháar launahækkanir einungis
vegna skilgreiningar á heildar-
launum, sem hvert og eitt fyrirtæki
innan kjarasviðs SSF hefur einhliða
ákveðið útfærslu á.“
omfr@mbl.is
Líst ekki á
baksýnis-
spegilinn
 Hægt miðar í við-
ræðum SA og SSF
Friðbert
Traustason
Viðræður ríkisins við aðildarfélög
BSRB fara hægt af stað. Þrjú
stærstu félögin sem standa saman í
viðræðunum SFR, Landssamband
lögreglumanna og Sjúkraliðafélag
Íslands, vísuðu deilunni til sátta-
semjara í byrjun þessa mánaðar.
Viðsemjendur hafa fundað síðan í
mars og töldu fulltrúar samninga-
nefndar stéttarfélaganna fullreynt
að ná samningi án milligöngu rík-
issáttasemjara. Félögin hafa verið
boðuð til fyrsta sáttafundarins næst-
komandi föstudag, samkvæmt upp-
lýsingum Árna Stefáns Jónssonar,
formanns SFR.
Sáttatilraunir
halda áfram
Agnes Bragadóttir
agnes@mbl.is
Semji BHM og Félag íslenskra
hjúkrunarfræðinga ekki við ríkið í
dag má búast við því að ríkisstjórnin
boði lagasetningu í þá veru að verk-
föllum verði frestað, samningsaðil-
um veittur ákveðinn frestur til að ná
niðurstöðu og náist hún ekki verði
kjaradeilum þeirra vísað í gerðar-
dóm.
Samkvæmt upplýsingum Morg-
unblaðsins er samninganefndum
BHM og hjúkrunarfræðinga orðið
það ljóst að ríkið mun ekki semja um
hækkanir launataxta umfram það
sem taxtar hækkuðu í samningum á
almenna vinnumarkaðinum. Sömu-
leiðis munu samninganefndirnar
gera sér grein fyrir því að lagasetn-
ing vofir yfir þeirra umbjóðendum.
Af þessum sökum munu hafa orðið
allnokkrar áherslubreytingar í við-
ræðum á milli deilenda.
Þannig munu samninganefndirn-
ar nú leggja áherslu á sérkröfur sín-
ar. BHM krefur ríkið um aukin fjár-
framlög til ákveðinna opinberra
stofnana sem hafi búið við talsverð-
an samdrátt á undanförnum árum.
Þannig telji samninganefndin að við-
komandi stofnanir hafi aukið svig-
rúm til þess að auka á ný yfirvinnu,
vaktaálag, næturvinnu o.s.frv.
Aukin fjárframlög til ákveðinna
stofnana gætu, samkvæmt upplýs-
ingum Morgunblaðsins, farið saman
við áform ríkisstjórnarinnar í þá
veru. Ekki er gert ráð fyrir því að
svona atriði rati inn í kjarasamning
BHM, heldur frekar gert ráð fyrir
að ef fallist verður á auknar fjárveit-
ingar, að það komi fram í sérstakri
yfirlýsingu ríkisstjórnarinnar og
komi svo til framkvæmda við gerð
fjárlagafrumvarps fyrir 2016.
Vilja þétta launatöflur
Hvað varðar áherslubreytingar
hjá hjúkrunarfræðingum felast þær
einkum í því, samkvæmt upplýsing-
um Morgunblaðsins, að nú leggja
þeir áherslu á ýta undir hækkun
grunnlauna og þétta launatöflur sín-
ar þannig að laun þeirra sem eru
með stystan starfsaldur hækki
meira en þeirra sem eru í hæstu
launatöxtum og með lengstan starfs-
aldur.
Ríkisstjórnin mun vera samstiga í
þeirri afstöðu að verkföllunum verði
að ljúka þótt lagasetning um frestun
sé vissulega ekki talin góður kostur.
Lagasetning vofir yfir
 Nýjar áherslur hjá BHM og hjúkrunarfræðingum  Munu ekki fá hækkun
umfram almenna markaðinnn Sagðir hafa daginn í dag til að klára samninga
Morgunblaðið/Golli
Að störfum Samninganefndum BHM og hjúkrunarfræðinga er orðið ljóst
að ríkið mun ekki semja um hækkanir umfram það almenna markaðinn.
Ómar Friðriksson
omfr@mbl.is
Atkvæðagreiðsla um nýjan kjara-
samning meðal verslunarmanna
hefst í dag og hefst kosning um
samningana í félögum Starfs-
greinasambandsins á föstudaginn.
Á henni að vera lokið í öllum fé-
lögunum sem hafa undirritað nýju
kjarasamningana 22. júní, en þeir
ná til um 70 þúsund manns á al-
mennum vinnumarkaði.
Iðnaðarmenn fresta aðgerðum
og einbeita sér að sérmálum
Iðnaðarmannafélögin frestuðu
verkfallsaðgerðum til 22. júní og
settu sér það markmið að reyna að
ljúka samningum í þessari eða
næstu viku. Gangi það eftir, og
verði samningarnir sem undirrit-
aðir hafa verið samþykktir í
verkalýðsfélögunum, verður lang-
stærsti hluti almenna vinnu-
markaðarins kominn með nýja
kjarasamninga innan tíðar, sem
gilda út árið 2018.
Að sögn Þorstein Víglundssonar,
framkvæmdastjóra Samtaka at-
vinnulífsins, eru kjaraviðræður
komnar í mjög jákvæðan farveg.
Grunnur að samkomulagi er til
staðar í viðræðunum við iðnaðar-
mannafélögin og unnið að sér-
málum í þessari viku en töluverð
vinna þó enn eftir. Auk viðræðna
við iðnaðarmannafélögin eiga Sam-
tök atvinnulífsins þó enn ólokið
mörgum samningum, þar á meðal
er ósamið við Samtök starfsmanna
fjármálafyrirtækja og Félag leið-
sögumanna auk þess sem ná þarf
samningum við einstök fyrirtæki í
orkugeiranum.
Vel útfærð áætlun
Spurður um áhrif áætlunar
stjórnvalda um losun gjaldeyris-
hafta á endurnýjun kjarasamninga
segist Þorsteinn telja að hún hljóti
að hafa jákvæð áhrif inn í allt
þetta ferli. „Mér sýnist þetta vera
mjög vel útfærð áætlun sem ætti
að lágmarka möguleg skaðleg
áhrif af losun haftanna á efnahags-
lífið. Mér sýnist þetta vera mjög
skynsamleg og góð niðurstaða.“
Töluverð vinna er enn eftir
 Kjaraviðræður í jákvæðum farvegi  Kosningar hefjast í félögum verslunar-
manna, Flóans og SGS  Áætlun um losun hafta hefur jákvæð áhrif að mati SA
Morgunblaðið/Árni Sæberg
Sáttafundur Forysta Rafiðnaðarsambandsins, VM og Matvís ákváðu í fyrrakvöld að fresta verkfalli til 22. júní.
Þann dag eiga úrslit atkvæðagreiðslu verslunarmanna, Flóafélaganna og SGS um kjarasamningana að liggja fyrir.
Við landamæraeftirlit í Miðjarðar-
hafinu hefur flugvél Landhelgis-
gæslunnar, TF-SIF, fundið fjölda
skipa og báta sem stunda smygl á
fíkniefnum og öðrum ólöglegum
varningi til Evrópu. Allt að 1,3 tonn
af fíkniefnum hafa fundist í einu.
Landamæraeftirlit Landhelgisgæsl-
unnar er á vegum Frontex, landa-
mærastofnunar Evrópusambands-
ins.
Um er að ræða á annan tug mála
að sögn Auðuns Kristinssonar, verk-
efnastjóra aðgerðasviðs hjá Land-
helgisgæslunni. Hann segir algeng-
ast að hassi sé smyglað. „TF-SIF
hefur verið þarna niður frá í 4-6
mánuði frá árinu 2010. Við höfum
verið mikið að vinna í Grikklandi,
Ítalíu og Spáni. Hvað varðar fíkni-
efni hefur það aðallega verið á Spáni
þar sem við höfum verið að finna
þessa fíkniefnabáta og á milli Alban-
íu og Ítalíu,“ segir Auðunn.
Hegðun báta eða siglingalag
þeirra gefur vísbendingar um hvað
þeir séu að gera. Auðunn segir
reynsluna kenna áhöfninni á TF-
SIFhvernig eigi að þekkja þessa
báta. „Á Spáni eru þetta yfirleitt
hraðbátar, tíu metra langir með 4-6
utanborðsvélar, og þeir skjótast frá
Marokkó eða Alsír til Spánar. Í
Grikklandi eru notaðar seglskútur
og hraðbátar.“ Ásamt fíkniefnum er
líka áfengi og tóbaki smyglað. „Þetta
eru lítil flutningaskip og þau eru
stundum full af tóbaki. Þetta er
ótrúlegur „bisness“. isb@mbl.is
Læra að koma auga á fíkni-
efnasmyglarana af reynslu
 Gæslan hefur fundið fjölda smyglara í Miðjarðarhafinu
Morgunblaðið/Árni Sæberg
Áhætta Flugvél Gæslunnar hefur
reynst smyglurum erfið.