Morgunblaðið - 10.06.2015, Page 34

34 FRÉTTIRInnlent
MORGUNBLAÐIÐ MIÐVIKUDAGUR 10. JÚNÍ 2015
BAKSVIÐ
Benedikt Bóas
benedikt@mbl.is
„Ég kynni mig alltaf sem skólastýr-
una í sveitaskólanum í Reykjavíkur-
hreppi. Við höfum orðið þeirrar gæfu
aðnjótandi að hverfið er afmarkað og
innrammaða af náttúruperlum og við
höfum mikla
möguleika á að
vera sveitaþorpið
í borginni. Það
höfum við lagt
áherslu á undan-
farin 10 ár,“ segir
Sif Vígþórsdóttir,
skólastýra í
Norðlingaskóla,
en skólinn hélt
upp á 10 ára af-
mælið sitt fyrir skömmu.
Skólinn er margverðlaunaður fyrir
sín störf en Sif og samstarfsmenn
hennar hafa ekki alltaf synt með
straumnum. „Það er tekið eftir því
sem við erum að gera en það eru ekki
allir ánægðir með okkur, sumum
finnst við vera alveg galin en flestum
finnst vera eitthvert vit í því sem við
erum að gera. Okkur finnst sem sagt
að það sé alveg kominn tími á að gera
hlutina með öðrum hætti en viðtekið
hefur verið. Og okkur hefur gengið
ágætlega.
Við erum alltaf að leita að lausnum
handa börnunum okkar. Að skólinn
okkar eigi að uppfylla þeirra þarfir
en ekki að þau eigi að uppfylla þarfir
skólakerfisins eins og var í gamla
daga.“
Sveitaskólinn stækkar
Haustið 2005 hófu 14 börn nám við
Norðlingaskóla. Þeim fjölgaði upp í
44 fyrsta veturinn. Á síðasta skóla-
ári, sem lauk í gær, voru nemendur
520 en verða 570 í skólanum í haust.
„Við stefnum hraðbyri upp í 700
manna skóla sem verður þá einn af
fjölmennustu skólum landsins –
þessi litli sveitaskóli,“ segir Sif.
Eftir að hún var ráðin við skólann
kom hún fyrsta starfsdaginn sinn í
höfuðstöðvar menntamála í Reykja-
vík sem var þá við Fríkirkjuveg. Hún
hafði gert sig fína að eigin sögn, á
pinnahælum og í pilsi. „Þar vildi ég
fá að vita hvar skólinn minn ætti að
vera sem ég var nýbúin að ráða mig
til. Þá upphófst fum og fát og enginn
vissi neitt. Síðan komu stæðilegir
menn á enn stæðilegri fjallabíl og
fóru með mig af stað upp í sveit –
vopnaðir landakorti.
Ég mætti auðvitað fín þennan
fyrsta dag þannig fyrsta áskorunin
var að fara upp í bílinn,“ segir hún og
hlær.
„Eftir smástund komum við á
staðinn, skoðuðum landakortið og
reyndum að átta okkur á hvar skól-
inn ætti mögulega að vera því þarna
var ekki mikið sem minnti á íbúða-
byggð.“
Skólinn hóf starf sitt í skúrum sem
Sif kallaði skála. „Það skiptir máli
hvernig maður orðar hlutina. Við er-
um á reykvíska hálendinu og þegar
maður er á hálendinu er maður í
skálum.“
Fyrsta árið var annasamt, skólinn
var ekki með kennitölu og ekki í net-
sambandi. Lítið netsamband var í
hverfinu fyrsta árið en með lagni
mátti ná sambandi í gegnum Morg-
unblaðshúsið.
Skólagangan hefst í eldhúsinu
Sif segir að mikil áhersla sé lögð á
að viðhalda þeim anda sem hefur ríkt
í skólanum þessi fyrstu tíu ár. Mögu-
leikar skólans séu fyrst og fremst
þar. „Við höfum mikla möguleika á
að vera sveitaþorpið í borginni. Við
leggjum áherslu á öðruvísi skóla-
starf, krakkarnir hafa meira um
námið sitt að segja og við erum í nán-
um tengslum við foreldra. Fyrsti
skóladagurinn hjá nýnemum fer til
dæmis fram við eldhúsborðið heima
hjá nemendum. Svo erum við með
útinám og smiðjur.
Við erum alltaf að brjóta upp
starfið og viljum að krakkarnir vinni
mikið saman í skapandi starfi og er-
um heppin með foreldrahóp sem er
alltaf til í að bakka okkur upp í hvaða
vitleysu sem okkur dettur í hug. For-
eldrar eru sérfræðingar í börnunum
sínum og við í námi og kennslu. Sam-
an getum við gert eitthvað sem
gagnast börnunum okkar.“
Allir saman sem ein heild
Sif segir að fyrstu tíu árin hafi liðið
hratt en hún sjái næstu tíu árin fyrir
sér á svipuðum slóðum.
„Ég sé þau þannig að við verðum
með 700 nemendur og ég vona að við
höldum áfram að þróa skólann og
taka mið af þeirri nýbreytni sem er í
gangi með menntamál í heiminum.
Við höldum áfram að leita lausna fyr-
ir þau börn sem eru í skólanum. Ég
vona að við verðum á sömu leiðinni,
börnin ánægð og foreldrarnir virkir.
Við höfum verið í jákvæðu umhverfi
og það skiptir máli. Við erum saman í
þessu, nemendur, foreldrar og
starfsfólk.“
Fjölmennur sveitaskóli í borg
 Norðlingaskóli varð 10 ára í ár  14 börn voru á fyrsta starfsdeginum, en verða 570 næsta haust
 Stefna skólans að uppfylla þarfir barnanna en ekki að börnin eigi að uppfylla þarfir skólakerfisins
Morgunblaðið/Ómar
Úti Sif við skólasetninguna í fyrra í Björnslundi sem er mikið nýttur til kennslu. Áhersla er meðal annars á útinám og smiðjur.
Sif Vígþórsdóttir
Afmæliskaka Boðið var upp á súkkulaðiköku í tilefni dagsins enda tíu ár
síðan skólinn tók til starfa. Síðan hefur mikið vatn runnið til sjávar.
Norðlingaskóli hefur fengið
margvísleg verðlaun á þeim
stutta tíma sem skólinn hefur
verið starfræktur, nú síðast fékk
skólinn viðurkenningu fyrir að
vera fyrirmyndastofnun í vali
Starfsmannafélags Reykjavík-
urborgar. Þá hefur skólinn m.a.
fengið viðurkenningu frá Sjálfs-
björg fyrir nám án aðgreiningar.
Árið 2008 fékk skólinn tvær
viðurkenningar frá menntaráði
Reykjavíkur og árið 2009 fékk
Norðlingaskóli bæði Íslensku
menntaverðlaunin sem forseti Ís-
lands veitir og Fjöregg Samfoks.
Þá hefur forystuhlutverk Sifjar
verið greint og metið m.a. af fjór-
um meistaranemum í opinberri
stjórnsýslu (MPA) við Háskóla Ís-
lands. Þar kom fram að Sif væri
að brydda upp á nýjungum í
rekstri grunnskóla, hefði tekist
að hækka laun starfsmanna
verulega, gæti valið úr starfsfólki
og stýrði skóla þar sem bæði for-
eldrar og kennarar lýstu ánægju
sinni með skólastarfið.
Rétt kona á réttum stað
SIF VÍGÞÓRSDÓTTIR
Stuð Skólahljómsveit í góðu glensi.
KLASSÍSK ÍSLENSK ÚR
FYRIR HANN OG HANA