Morgunblaðið - 10.06.2015, Síða 100

100 MENNING
MORGUNBLAÐIÐ MIÐVIKUDAGUR 10. JÚNÍ 2015
Andri Steinn Hilmarsson
ash@mbl.is
Ungmenni sem hafa tekið þátt í leik-
sýningum sem börn og eru áhugasöm
um frama á sviði söng- og leiklistar
eiga í hættu á að missa áhugann upp
úr 14 til 15 ára aldri þar sem ákveðinn
verkefnaskortur
verður hjá þeim
frá unglingsaldri
þar til þau stíga á
svið að nýju sem
fullorðnir óperu-
söngvarar. Þetta
segir Jóhann
Smári Sævarsson
bassabarítón en
hann er einn fjög-
urra einstaklinga
sem standa fyrir
námskeiði Óperuakademíu unga
fólksins dagana 5. til 22. ágúst næst-
komandi. Jóhann Smári segir hug-
myndina um námskeiðið spennandi
þar sem því er ætlað að viðhalda
áhuganum hjá efnilegum söngvurum
á þessu tímabili.
Ætlað aldrinum 14 til 18 ára
Hugmyndin að námskeiðinu, sem
er ætlað söngvönum unglingum sem
kunna að lesa nótur og eru í klassísku
söngnámi eða kórstarfi á aldrinum 14
til 18 ára, varð til hjá Hörpu Jóns-
dóttur. Hún er í tengslum við Gra-
dualekór Langholtskirkju, þar sem
dóttir hennar syngur, og langaði
nokkrar stúlkur í kórnum til þess að
sækja sambærilegt námskeið til út-
landa. Kostnaðurinn við slík nám-
skeið er hins vegar óyfirstíganlegur
að hennar sögn og alls ekki á færi
venjulegs launafólks að senda börnin
sín til útlanda á námskeið.
Harpa skoðaði sambærileg nám-
skeið í Bretlandi og Bandaríkjunum
og sá að ekki væri óraunhæft að byrja
með slíkt námskeið hérlendis. Hafði
hún því næst samband við Elsu
Waage söngkonu, Antoníu Hevesi pí-
anóleikara og Jóhann Smára, en þau
þrjú sjá um kennslu á námskeiðinu
sem haldið er í samstarfi við tónlistar-
húsið Hörpu, styrktarsjóðinn Ýli sem
er tónlistarsjóður Hörpu fyrir ungt
fólk, og Reykjavíkurborg.
Kostur á að „máta drauminn“
Um 30 ungir söngvarar komast að
á námskeiðinu en þar fá þeir tækifæri
til þess að styrkja hæfileika sína sem
söngvarar og flytjendur í hópi jafn-
ingja undir handleiðslu kennara.
Kennslan fer fram í hóp- og einka-
tímum á sviði söngtækni, sviðs-
framkomu, sviðshreyfinga, texta-
framburði og túlkunar, en auk
söngkennslunnar og tengdra greina
verða jóga, slökun og sjálfsstyrking
mikilvægir þættir námskeiðsins. Jó-
hann Smári sér um leikhluta nám-
skeiðsins, Antonía um tónlistarvinnu
og Elsa um söng og raddbeitingu.
„Viðtökurnar hafa verið mjög góð-
ar og rosalega færir krakkar sem
hafa sótt um,“ segir Harpa og bætir
við að rosalega mikið sé af krökkum
sem taki sönginn mjög alvarlega og
eru í heilmikilli þjálfun þrátt fyrir að
vera ung að aldri. „Það er ekkert of-
boðslega mikið af tækifærum fyrir
þessa krakka og því er þetta hugsað
sem tækifæri fyrir þau að fá að æfa
sig og máta drauminn, að syngja í
Hörpu. Tilgangurinn með námskeið-
inu er þjálfun og gleði, og er yf-
irskriftin að þetta sé skemmtilegt,“
segir hún en námskeiðinu lýkur með
sýningu í Kaldalóni í Hörpu á Menn-
ingarnótt.
Ungir söngvarar í óp-
eruakademíu í sumar
 Óperunámskeiði ætlað að viðhalda söngáhuga 14-18 ára
Morgunblaðið/Golli
Kennir Elsa Waage kennir á námskeiðinu auk Antoníu og Jóhanns.
Morgunblaðið/Eggert
Fyrir ungmenni Antonia Hevesi og Jóhann Smári Sævarsson eru meðal
kennar á námskeiði fyrir unga söngvara á aldrinum 14 til 18 ára.
Harpa
Jónsdóttir
„Eru Bítlarnir eitthvað merkilegir
tónlistarlega? Hvernig er hægt að út-
skýra velgengni Bjarkar? Er það eitt-
hvað í vatninu hérna sem stuðlar að
framgangi íslenskrar popp- og rokk-
tónlistar á erlendri grundu?“ Þessum
spurningum og fleirum er varpað
fram í lýsingu á námskeiðinu Popp- og
rokktónlist í fræðilegu ljósi sem haldið
verður á vegum Endurmenntunar
Háskóla Íslands í haust.
Kennarar verða Arnar Eggert
Thoroddsen og Viðar Halldórsson.
Arnar stundar doktorsnám í tónlist-
arfræðum við Edinborgarháskóla, var
blaðamaður á menningardeild
Morgunblaðsins í yfir áratug og skrif-
ar enn fyrir blaðið um tónlist. Viðar er
með doktorspróf í félagsfræði og
starfar sem lektor við HÍ. Í sínum
rannsóknum leggur hann m.a. áherslu
á að skoða félagslegt umhverfi afreks-
mennsku ýmiss konar, hefur t.a.m.
rannsakað árangur í íþróttum og er að
skoða tónlist og önnur svið mannlífs-
ins í því ljósi.
Námskeiðinu er ætlað að kynna
áhugasama fyrir dægurtónlistar-
fræðum og segir Arnar að hann gruni
að marga þyrsti í að taka daglegar
pælingar sínar um popp og rokk á
næsta stig og námskeiðinu sé ætlað að
mæta þeirri þörf. „Dægurtónlistar-
fræðin eða „popular music studies“ er
þverfagleg, fræðileg nálgun á popp-
tónlist þar sem hún er skoðuð með
tækjum og tólum hugvísinda s.s. fé-
lagsfræði, fjölmiðlafræði, sagnfræði,
heimspeki o.s.frv.,“ segir Arnar.
Skoðar þá sem skara fram úr
„Á undanförnum árum hef ég verið
að skoða hvernig hið félagslega um-
hverfi og umgjörð getur verið upp-
byggileg fyrir árangur á ýmsum svið-
um. Ég hef sérstaklega beint sjónum
mínum að íþróttum þar sem ég hef
skoðað afreksíþróttamenn. Þetta má
gera á öðrum sviðum – að skoða þá
sem skara fram úr. Ef við ætlum að
skilja afburðafærni og árangur er
ekki nóg að skoða afburðaein-
staklinga heldur er mikilvægt að
staðsetja þá í tíma og rúmi. Slíkar
rannsóknir hafa almennt sýnt fram á
að hið félagslega umhverfi, sem ein-
staklingar lifa og hrærast í, mótar þá
á ýmsan hátt og getur, ef umhverfið
er hagstætt, alið af sér fjölda afburða-
einstaklinga. Þetta höfum við séð í
íþróttum og þetta má einnig greina í
íslenskri dægurtónlist,“ segir Viðar.
„Íslenska tónlistarsenan er áhuga-
verð í þessu ljósi þar sem árangur ís-
lenskra tónlistarmanna á erlendri
grund hefur vakið mikla athygli. Ár-
angurinn liggur ekki í íslenska vatn-
inu heldur vil ég meina að það sé ým-
islegt í menningunni og hefðunum –
hvernig við almennt gerum hlutina,
sem skipti miklu máli. Það er mik-
ilvægt fyrir okkur að skoða og skapa
þekkingu á þessum þáttum, á því
hvað virkar, til að glata þeim ekki úr
okkar daglegu vinnubrögðum. Þetta
eru þættir sem ég og Arnar erum til
dæmis að skoða í tónlistinni hér á
landi,“ segir Viðar. helgisnaer@mbl.is
Árangurinn ligg-
ur ekki í vatninu
 Kafað í dægurtónlistarfræði í HÍ
Morgunblaðið/Einar Falur
Velgengni Frá yfirlitssýningu um listsköpun Bjarkar í MoMA í New York.
Hvernig er hægt að útskýra velgengni Bjarkar? spyrja Arnar og Viðar.
Arnar Eggert
Thoroddsen
Viðar
Halldórsson
Misheppnaður
brandari um
Caitlyn Jenner
sem Clint
Eastwood sagði
þegar verið var
að taka upp
verðlaunaaf-
hendinguna Gu-
ys’ Choice Aw-
ard fyrir Spike
TV um liðna
helgi verður klipptur út áður en
upptakan verður sýnd í sjónvarp-
inu 18. júní. Þetta kemur fram í
yfirlýsingu frá David Schwarz, yf-
irmanni samskiptamála hjá Spike
TV, sem Variety vitnar til. East-
wood hafði það hlutverk að kynna
á sviðið Dwayne Johnson og
nefndi í því sambandi aðra íþrótta-
menn sem gert hefðu það gott sem
leikarar líkt og „Jim Brown og
einhver Caitlyn“ og átt þar við
Caitlyn Jenner sem fyrir kynleið-
réttingu hét Bruce og vann til
gullverðlauna í tugþraut á Ólymp-
íuleikum 1976.
Orð Eastwood
klippt út
Caitlyn
Jenner
Aðalskrifstofa - Borgarbraut 74 - 310 Borgarnes
Söluskrifstofa - Vesturvör 29 - 200 Kópavogur
sala@limtrevirnet.is
412 5300 | Söludeild: 412 5350
Andlit hússins
er bílskúrshurð frá Límtré Vírnet
Stuttur afgreiðslutími – uppsetningarþjónusta
Söluaðili:
Netfang -
Aðalnúmer:
limtrevirnet.is