Dagblaðið Vísir - DV - 17.09.2010, Blaðsíða 8

8 FRÉTTIR 17. september 2010 FÖSTUDAGUR
FU
RS
TY
NJ
AN
Söfnunarstell 13 teg. á lager - Pöntum inn í enn fleiri stell
Hnífaparatöskur
f/12m. 72 hlutir
margar
gerðir
Hitaföt - margar gerðir
Líttu á www.tk.is
ÍTALSKUR KRISTALL
K r i n g l u n n i - S í m i : 5 6 8 9 9 5 5
40
ára
Vörur á verði fyrir þig
Ótrúlegt glasaúrval á frábæru verði
Verum vinir á
- mikið úrval
RÚMFÖT
afsláttur
Fallegar
gjafir
Nýtt kynferðisbrotamál er kom-
ið upp innan þjóðkirkjunnar. Árni
Svanur Daníelsson, verkefnisstjóri á
biskupsstofu, staðfestir að fram hafi
komið ásakanir frá þremur einstakl-
ingum á hendur presti um kynferð-
islega áreitni og kynferðisbrot. Fagr-
áð um meðferð kynferðisbrota hefur
haft málið til umfjöllunar. Viðkom-
andi presti voru kynntar þær ásakan-
ir sem hann var borinn. Brotin áttu
sér stað fyrir 25 árum og eru því fyrnd
að lögum. Viðkomandi prestur hefur
ekki gegnt föstu embætti í kirkjunni
um árabil. Hann mun sökum brot-
anna ekki gegna störfum sem prest-
ur né koma fram á vegum þjóðkirkj-
unnar, safnaða hennar, stofnana eða
kristilegra félaga sem starfa innan
vébanda hennar.
Fórnarlamb prestsins hafði þetta
um málið að segja: „Ég er fyrst og
fremst ánægður með hvað kirkjan
brást hratt og vel við og leiddi mál-
ið til lykta örugglega og ákveðið.“ Svo
segir fórnarlamb prests sem var sak-
aður um að hafa misnotað þrjá ein-
staklinga.
Svör Biskupsstofu
Áður en Árni Svanur staðfesti þessar
upplýsingar hafði blaðamaður árang-
urslaust reynt að tala við fjölmiðla-
fulltrúa biskupsstofu, Steinunni Arn-
þrúði Björnsdóttur, sem neitaði að
veita nokkrar upplýsingar um málið
á þeim forsendum að starf fagráðsins
væri trúnaðarmál. Hún kannaðist ekki
við málið og sagðist ekki vilja taka þátt
í svona slúðri. Ragnhildur Benedikts-
dóttir sagði að málið hefði ekki legið á
sínu borði og hún vissi ekkert um það.
Vísaði hún á fyrrnefndan fjölmiðla-
fulltrúa. Sagði svo: „Það eru ýmis mál
sem maður tjáir sig ekki um.“
Hún staðfesti svo að enginn prest-
ur hefði misst hempuna vegna kyn-
ferðisbrota. Hún lofaði líka að ræða
þetta við biskup og sendi síðan þetta
svar: „Ég ræddi við biskup í gær og bar
honum erindi þitt. Hann kvaðst ekki
gefa kost á viðtali. Eins og þú veist eru
opinberir starfsmenn bundnir trúnaði
sem kveðið er á um t.d. í starfsmanna-
lögum en þar segir m.a.: „Hverjum
starfsmanni er skylt að gæta þag-
mælsku um atriði er hann fær vitn-
eskju um í starfi sínu og leynt skulu
fara samkvæmt lögum, fyrirmælum
yfirmanna eða eðli málsins. Þagnar-
skyldan helst þótt látið sé af starfi.“ Ef
efni máls fellur undir lög um persónu-
vernd er trúnaðarskyldan enn ríkari.
Af þessu leiðir að starfsmaður get-
ur ekki tjáð sig um málefni einstakra
manna nema viðkomandi veiti sér-
staka heimild til þess.“
Sinnti verkefnum fyrir kirkjuna
Gunnar Rúnar Matthíasson, formað-
ur fagráðs um meðferð kynferðisbrota
innan kirkjunnar, segir að brotamað-
urinn hafi ekki verið í föstu starfi inn-
an kirkjunnar í mörg ár. „Ég veit ekki
hvað það er langt síðan hann starfaði
fyrir kirkjuna en hann hefur þó tekið
að sér ýmis verkefni fyrir kirkjuna eftir
að hann lét af störfum.“
Hann getur ekki gefið upp nafn
mannsins: „Mér hefur verið sagt að
það heyri ekki undir mig að stað-
festa nafn hans. Samkvæmt persónu-
verndarlögum er mér það óheimilt
fyrst brotið er fyrnt. Sjálfur myndi ég
kjósa það frekar, því á meðan mað-
urinn er nafnlaus liggja fleiri undir
grun. Auðvitað á maður ekki í skjóli
persónuverndar eða fyrningarlaga
að geta leitað úr einu skjóli í annað.
En það er erfitt að eiga við þetta fyrst
lögin eru svona. Hann hefur lögvarð-
an rétt hvort sem mér líkar það betur
eða verr. Að sama skapi er ekki hægt
að taka þetta mál fyrir í dómskerfinu.
Vegna fyrningarlaga er ég með bundn-
ar hendur í þessu máli. Mér fellur það
ekki vel. Mér finnst vont að geta ekki
gert meira. Persónulega myndi ég vilja
sjá fyrningarlögin afnumin með öllu.“
Brotið á unglingum
Fagráðið heyrði fyrst af þessum ásök-
unum þegar prestur leitaði til þeirra í
umboði eins þolandans. Hafði hann
vitneskju um fórnarlömbin þrjú þó að
þau tengdust ekki innbyrðis. „Hvernig
hann fékk vitneskju um öll málin veit
ég ekki. Við ræddum við þolendurna
hvern í sínu lagi.“
Þeir einstaklingar sem voru beitt-
ir kynferðislegu ofbeldi voru fulltíða
þegar brotið var á þeim. Áreitnin var
aftur á móti á hendur yngri einstakl-
ingum, 15 eða 16 ára. Gunnar Rún-
ar vill ekki gefa það upp hvort brotin
voru einstök eða ítrekuð. „Brot er brot
og sársaukinn er alltaf til staðar. Þetta
var kynferðisleg áreitni og kynferðis-
brot. Það segir allt sem segja þarf.“
Hann vill ekki gefa það upp hvort
brotið var á konum eða körlum. „Ég vil
ekki gera greinarmun þar á. Það virðist
vera viðurkenndara að stúlkur verði
fyrir áreitni.“ Samkvæmt heimildum
DV var þó um pilta að ræða.
Maðurinn játaði brot sín
Eftir að málið barst fagráðinu var rætt
við alla þolendurna og í kjölfarið var
brotamanninum gerð grein fyrir þess-
um ásökunum. „Niðurstaðan varð sú
að hann mun ekki starfa framar inn-
an kirkjunnar. Þar sem málið er fyrnt
samkvæmt lögum getum við ekki beitt
okkur af fullri hörku með lögin að
vopni. Við gerðum það sem við gát-
um, töluðum við viðkomandi og þá
reyndi á trúfestu hans varðandi við-
brögðin.“ Maðurinn játaði brot sín og
lýsti því yfir að hann myndi ekki ganga
erinda kirkjunnar framar.
Gunnar Rúnar veit ekki til þess
að fórnarlömbin séu fleiri en getur
þó ekki þvertekið fyrir það. „Ég vil fá
öll mál fram og reyna að koma þeim
í farveg eins og hægt er innan þess
grimma ramma sem fyrningarlög-
in eru. Ég vil heyra frá þeim sem búa
yfir slíkri reynslu, hitta þá og komast
að því hver þeirra ósk er og reyna að
virða hana.“
Biskupsstofa staðfesti að þrír fulltíða einstaklingar hefðu sakað sama manninn um kynferðisbrot. Hann
hefur ekki verið í föstu starfi innan kirkjunnar undanfarin ár en sinnt verkefnum fyrir hana. Þar sem brotin
eru fyrnd getur formaður fagráðs ekki gefið upp nafn prestsins sem um ræðir.
INGIBJÖRG DÖGG KJARTANSDÓTTIR
blaðamaður skrifar: ingibjorg@dv.is
Ég ræddi við biskup í gær og
bar honum erindi þitt.
Hann kvaðst ekki gefa
kost á viðtali.
Hvetur fórnarlömb til að stíga fram
Gunnar Rúnar, formaður fagráðs, hvetur
fórnarlömb til að stíga fram.
ÞRÍR PILTAR
ÁSAKA PREST