Dagblaðið Vísir - DV - 17.09.2010, Blaðsíða 20

20 FRÉTTIR 17. september 2010 FÖSTUDAGUR
„Ég er ekki glæpamaður og á ekki
að vera fyrir rétti,“ segir Ragnheið-
ur Esther Briem, einn níumenning-
anna sem ákærðir hafa verið fyrir
árás gegn Alþingi. Ragnheiður, eða
Heiða eins og hún er kölluð, er ólétt
og komin 31 viku á leið. Hún er sett
18. nóvember en aðalmeðferð máls-
ins fer fram í héraðsdómi 29. nóvem-
ber og svo 1. desember. Ragnar Að-
alsteinsson, lögmaður Heiðu, hefur
farið fram á að málið verði tekið fyr-
ir fyrr eða þá að því verði seinkað
þar sem Heiða gæti mögulega verið
komin upp á fæðingardeild eða með
kornabarn á þessum tíma. Heiða
segist ekki bjartsýn á að málinu verði
frestað og finnst sem dómaranum,
Pétri Guðgeirssyni, standi á sama um
aðstæður hennar. Spurð hvort henni
finnist hún fá réttláta málsmeðferð
svarar hún: „Nei, alls ekki. Fyrir utan
að þetta mál er náttúrulega algjört
bull frá upphafi til enda er þetta mjög
ómannúðlegt allt saman. Það er ekk-
ert tillit tekið til ástands míns og aug-
ljóst að dómaranum er skítsama um
að ég sé að fara að eiga barn um svip-
að leyti. Hann virtist verða frekar
pirraður á þessari beiðni okkar um
frestun ef eitthvað er.“
Ætlaði að lesa upp yfirlýsingu
Heiða er ákærð fyrir húsbrot og árás
gegn Alþingi en hún fór inn í Alþing-
ishúsið ásamt öðrum mótmælend-
um í þeim tilgangi að lesa upp yfirlýs-
ingu um vanhæfni ríkisstjórnarinnar
og Alþingis á þingpöllunum, eins og
fordæmi eru fyrir, en Heiða segist þó
aldrei hafa komist svo langt. „Ég stóð
í stiganum ásamt vinkonu minni og
komst hvorki aftur á bak né áfram í
öllu öngþveitinu. Síðan kom lögregl-
an á svæðið og sagði öllum að fara út
og þá yrðu engir eftirmálar. „Þegar
ég var á leiðinni út var kippt í mig og
ég var sett inn í lögreglubíl þar sem
ég var beðin um nafn og kennitölu.
Síðan vissi ég ekkert þar til mér var
birt ákæra í lok 2009. Vinkona mín
sem fór með mér inn og stóð við
hliðina á mér í öllum látunum fékk
enga ákæru og lögreglan hefur ekki
haft nein afskipti af henni. Mér finnst
skrýtið hvernig þeir virðast hafa valið
fólk af handahófi til að ákæra.“
Venjuleg kona
Heiða starfar á hjúkrunarheimili og
segist vera venjuleg kona sem býr
Hlíðunum með 15 ára dóttur sinni.
Hún var fyrir þetta atvik með hreina
sakaskrá og því segist hún vonast til
að fá skilorðsbundinn fangelsisdóm
ef allt fer á versta veg. „Ég veit þó ekki
hvernig það fer. Það virðist vera mik-
ill vilji hjá hinu opinbera til að þetta
mál verði öðrum víti til varnaðar. Það
er allt gert til að við lítum út fyrir að
vera hinn mesti óþjóðalýður og bein-
línis hættulegt fólk, til dæmis með
því að láta lögreglu vera við réttar-
höldin og við innganginn.“ Hún seg-
ir það augljóst hvaða afstöðu dóm-
arinn taki í þessu máli. Og með því
að hafa lögreglu í dómshúsinu þeg-
ar þingað hefur verið hafi hann nán-
ast fyrir fram lýst sekt hinna kærðu.
Á þeim forsendum hafi Ragnar Að-
alsteinsson gert kröfu um að dóm-
arinn Pétur Guðgeirsson viki í þessu
máli. Því var neitað en það var Pétur
sjálfur sem úrskurðaði í málinu gegn
sjálfum sér og ekki í heyranda hljóði.
Þeim úrskurði var áfrýjað til Hæsta-
réttar þar sem hann var staðfestur.
Kvíðir framtíðinni
Heiða var virk í mótmælum eftir
hrunið en segist aldrei hafa tekið þátt
í neinum ofbeldis- eða skemmd-
araðgerðum. Hún var við nám í
kvikmyndagerð í New York þegar
kreppan skall á og segist hafa fylgst
agndofa með ástandinu í gegnum
fréttir. Hún gat ekki lengur fram-
fleytt sér á námslánunum úti en náði
þó að klára með hjálp frá fjölskyldu
sinni. „Auk þess þekki ég fullt af fólki
sem hefur misst vinnu og húsnæði í
kjölfar kreppunnar og það var með-
al annars ástæða þess að ég fór að
mótmæla á Austurvelli. Ofbeldi er
svo langt fá því sem ég trúi á og ekk-
ert okkar ákærðu fór inn með það í
huga,“ segir Heiða.
„Við ætluðum bara að lesa upp
þessa yfirlýsingu á þingpöllunum
eins og áður hefur verið gert og aldrei
hefur verið ákært fyrir, það var allt og
sumt.“ Heiða segir níumenningana
vera ólíkan hóp fólks úr öllum áttum,
þetta hafi á engan hátt verið tengt
skipulagðri starfsemi. Hún hafi ekki
þekkt neitt þeirra fyrir. „Við erum
ekki glæpamennirnir í þessu máli og
það erum ekki við sem eigum að vera
fyrir rétti.“
Eins og áður hefur komið fram
er Heiða ólétt að sínu öðru barni en
fyrir á hún fimmtán ára stelpu. Hún
segist kvíða mikið komandi mánuð-
um. „Ég gæti þess vegna átt barnið
bara í beinni í réttarsalnum. Þetta
er mjög stressandi og það er mik-
il streita sem fylgir þessu, sem er
bæði slæmt fyrir mig og barnið. Það
er auðvitað mjög leiðinlegt að geta
ekki notið meðgöngunnar en erfiðast
finnst mér að eiga ekki eftir að geta
notið fyrstu daganna með nýfæddu
barni mínu heldur þurfa að standa í
þessu.“ Hún segir að þetta hafi mjög
neikvæð áhrif á andlega líðan sína
en hún reyni að vera bjartsýn fyrir
sig og barnið. Ef Heiða verður dæmd
sek á hún yfir höfði sér að minnsta
kosta eins árs fangelsisvist. Hún gæti
því þurft að sitja í fangelsi með ung-
barn. „Ég bara get ekki hugsað þá
hugsun til enda og vona auðvitað að
það komi aldrei að því en maður veit
samt aldrei hvernig þetta fer.“
Ragnheiður Esther Briem bíður eftir aðalmeðferð héraðsdóms í máli sínu. Hún er einn af níumenningun-
um sem voru ákærðir fyrir árás gegn Alþingi. Á sama tíma bíður hún eftir að annað barn sitt komi í heiminn
en áætlaður fæðingardagur þess er á sama tíma og málið verður tekið fyrir. Hún segist upplifa þetta mál eins
og leikrit þar sem endirinn hafi þegar verið skrifaður. Níumenningarnir svokölluðu séu blórabögglar, valdir
af handahófi til að vera öðrum víti til varnaðar.
GÆTI ÁTT BARNIÐ
Í DÓMSSALNUM
HANNA ÓLAFSDÓTTIR
blaðamaður skrifar: hanna@dv.is
Það er ekkert tillit tekið til
ástands míns og aug-
ljóst að dómaranum er
skítsama um að ég sé
að fara að eiga barn um
svipað leyti.
Ósátt Heiðasegirmáliðvera
bull.MYND RÓBERT REYNISSON
Héraðsdómur RagnarAðalsteinsson,lögmaðurníumenninganna,ásamtSnorraPáli
Jónssyni,einumhinnaákærðu.