Dagblaðið Vísir - DV - 17.09.2010, Blaðsíða 48

48 útlit umsjón: ingibjörg dögg kjartansdóttir ingibjorg@dv.is og Hanna óLaFsdóttir hanna@dv.is 17. september 2010 föstudagur
Inga Bachman lærði gull-
smíði í Massana listahá-
skólanum í Barcelona.
Skólinn er einn af virt-
ustu listaháskólum í Suð-
ur-Evrópu og innan gull-
smíðadeildarinnar eru
margir virtir kennarar og
skartgripahönnuðir.
Inga byrjaði á að fara í
spænsku í háskólanum í
Barcelona og fór í kvöld-
skóla með til að læra und-
irstöðuatriðin í gullsmíði.
Þar fann hún að skartgripa-
smíðin átti vel við hana og
hún ákvað að leggja hana
fyrir sig. „Mig langaði að
vinna með málm og var
lengi að hugsa um að fara
í skúlptúr en þetta er nátt-
úrulega mjög skylt, gull-
smíði og skúlptúr,“ segir
Inga. Eftir að hafa staðist
inntökupróf við Massana-
skólann tók við þriggja ára B.A.-nám
og hún segir það hafa verið mjög gott
að læra og búa í Barcelona og borgin
hafi veitt sé mikinn innblástur.
Eftir að Inga flutti heim fékk hún
vinnu hjá gullsmið en var jafnframt
að vinna að sinni eigin hönnun með-
fram vinnunni. „Síðan datt ég niður á
húsnæði og tók eiginlega mjög hvat-
vísa ákvörðun um að opna búð,“ segir
hún brosandi og bætir við: „Það hefur
gengið vonum framar og er ég að ná
til yngri markhóps en kannski þessir
hefðbundnu gullsmiðir. Þetta er meira
tískutengt hjá mér
þótt að ég sé líka
með klassíska gift-
ingahringa og svo-
leiðis“
Inga segir skart-
gripi sína vera
mjög fígúratíva og
hún segist fá inn-
blástur fyrir smíði
sína frá sínu helsta
umhverfi og skipt-
ir verkum sínum
í þrjú þemu. Það er borgarþema þar
sem má finna múrsteina, fólk, bíla og
hús, sjávarþema með þara, kuðung-
um skeljum, fiskibeinum og fiskum
og síðast en ekki síst sveitaþema með
blómum, steinum og þess háttar. Hún
vinnur mest með silfur og segir það
bjóða upp á flesta möguleika.
Hún stefnir á að setja á laggirnar
netverslun og segir: „Ég ætla að sjá
hvernig fólk tekur í það og ég væri þá
til að fara selja vörurnar mínar líka er-
lendis.“
hanna@dv.is
inga bachman gullsmíðameistari og jet korine fatahönnuður eiga fleira sameigin-
legt en mætti ætla við fyrstu sýn. Þær eru báðar ungar, skapandi og á uppleið. Og
báðar tóku þær örlagaríka ákvörðun í miðri kreppu, þegar þær ákváðu að setja á fót
eigið fyrirtæki og opna verslun. Því hafa þær ekki séð eftir enda hefur leiðin aðeins
legið upp á við og fyrirtækin eru bæði farsæl, hvort á sínu sviði.
stofnuðu verslun
í miðri kreppu
Vinsældir MAC hafa vaxið stöðugt
frá því að það var stofnað árið
1985. Það að Dita von Teese, Pa-
mela Anderson, Debbie Harry,
Alexander McQueen, Fergie og
fleiri stórstjörnur hafi hrósað
merkinu í hástert hefur einn-
ig gefið því byr undir báða
vængi. Nú eru förðunar-
bloggarar að tapa sér yfir
Viva Glam I varalitnum.
Hann er dökkrauður,
mattur og hentar ólíkum
húðtónum. Hann er
fullkominn fyrir gamla
Hollywood-lúkkið
með svörtum eyel-
iner og eins er hann
ofboðslega fallegur
fyrir hversdagslegri
förðun, þó hann dragi
auðvitað alltaf að sér
athygli. Og eins og
aðrir varalitir frá MAC
tollir hann á vörunum
tímunum saman.
Hinn fullkomni
rauði litur
Fósturlandsins fegursta freyja, Björk
Guðmundsdóttir, prýðir forsíðu
AnOther nú í haust. Björk er kannski
ekki eins áberandi í sviðsljósinu
og hún hefur verið undanfarin ár
en hún heldur alltaf í sinn einstaka
stíl og karakter. Stílisti var Camilla
Nickerson en Inez og Vindoodh
voru á bak við myndavélina og gáfu
þeir Björk þessa umsögn: „Hún er
eina manneskjan sem við þekkjum
sem er algjörlega tengd himni og
jörð.“ Í blaðinu er einnig einkavið-
tal við Helmut Lang auk þess sem
hausttískan er túlkuð af fremstu stíl-
istum og ljósmyndurum heims. Þá
er einnig sérþáttur tileinkaður skáld-
inu Jean Genet með Patti Smith,
David Bowie og fleirum.
Björk á
forsíðu
AnOther
Jeffrey Campell
í Einveru
Nú var Einvera að taka upp nýtt
skómerki, Jeffrey Campell. Merkið
er amerískt og hefur verið mjög
vinsælt vestanhafs, sérstaklega á
meðal tískudrósa og stílista. „Það
er núna að koma inn á skandin-
avískan markað í fyrsta sinn og
er tryllt! Enda hefur síminn ekki
stoppað síðan við tókum skóna
inn,“ segir Katrín Alda Rafnsdóttir,
eigandi Einveru. Merkið er tíu ára
gamalt, kemur frá L.A. og er oftast
kallað JC af aðdáendum. Gefur
Jeffrey Campell sig út fyrir að ná
vintage-fíling í bland við trendí
smáatriði. Skórnir eru street-style
en takmarkið er að gera skó að
fylgihlutum sem hægt að nota til
að skapa sér sinn eigin stíl.
Jet Korine fata-
hönnuður er með
vinnustofu og
verslun á Skóla-
vörðustíg þar sem
hún selur sína eig-
in hönnun. Jet er
fædd í litlum sveita-
bæ í Hollandi og
fór sautján ára til
Amsterdam að læra
fatahönnun í Fas-
hion and Design
Institute þar í borg.
„Mig langaði að
flytja til Amsterdam
og sótti um í þess-
um skóla af því að
margir vinir mínir
voru þar. Ég komst
inn þegar ég átti eitt
ár eftir af mennta-
skóla og var næstu
þrjú árin þar í B.A-
námi. Partur af
náminu var að fara
í verknám til ein-
hvers hönnuðar. Ég
hafði kynnst Lindu
Björgu Árnadóttur
fatahönnuði þegar
hún var að kenna við skólann og fékk
að fara til Íslands til að vinna fyrir
hana í SVO-fatalínunni sem hún var
að gera á þeim tíma. Þá kynntist ég
Íslandi og Íslendingum og fann mig
strax í senunni hérna.“
Eftir að Jet lauk námi fór hún að
vinna hjá Oilily sem er stórt hollenskt
fatamerki sem framleiðir og selur föt
um allan heim. Hún segir það hafa
verið áhugaverða reynslu að vinna
hjá svo stóru fyrirtæki en hún hafi
alltaf stefnt á að hanna sín eigin föt.
Jet flutti alfarið til Íslands eftir að hafa
flakkað á milli Íslands
og Hollands í nokkurn
tíma. „Ég fattaði síð-
an allt í einu að ég væri
flutt hingað, það gerð-
ist eignlega bara óvart.“
segir hún og hlær.
Jet opnaði litla versl-
un á Skólavörðustíg í
sumar þar sem hún er
líka með vinnustofu.
„Mér finnst mikilvægt
að geta verið alveg sjálf-
bær með hönnun mína,
ef allt hrynur til dæmis
á Indlandi þá hefur það
ekki áhrif á mitt fyrirtæki. Kreppan
hefur kennt mér að hugsa út í svona
hluti.“ Allt sem Jet hannar er get úr
lífrænum grunnefnum og hún notar
hluti sem eru til í náttúrunni til að lita
flíkurnar, til dæmis leir, blóm, og tré.
Hún notar síðan sólarljós til að lýsa
efnin og ryð til að gera prentmynstur.
Jet segist núna vera að vinna í vetr-
arlínunni sem verður byggð á inn-
blæstri frá þjóðbúningum í Evrópu
sem hún hyggst kalla Heritage og
verður spennandi að sjá.
hanna@dv.is
Inga í Hringa tók
hvatvísa ákvörðun
Jet leggur áherslu
á sjálfbærni