Dagblaðið Vísir - DV - 17.09.2010, Blaðsíða 36

36 viðtal 17. september 2010 föstudagur
Þórhallur Gunnarsson fjölmiðlamaður var farinn að einangrast frá umheim-inum í starfi sínu sem dagskrárstjóri og ritstjóri Kastljóss. Hann var í vinn-
unni alla daga og jafnvel þegar hann var með
fjölskyldunni var hann fjarlægur. Lengsta fríið
sem Þórhallur tók sér á nokkurra ára tímabili
var átta dagar.
Þórhallur segir það ekki rétt að hann hafi
stokkið frá sökkvandi skipi þegar hann ákvað
að segja upp starfi sínu sem dagskrárstjóri
í kjölfar uppsagna og niðurskurðar. Hann
hafði skilað af sér áætlunum um niðurskurð
og rekstraráætlun fyrir komandi vetur áður
en hann hætti og höfðu þær verið samþykkt-
ar af yfirstjórn RÚV. Síðasta verk Þórhalls var
að segja upp þeim starfsmönnum sem heyrðu
undir hann og höfðu verið samstarfsfólk hans
til margra ára.
Þórhallur barðist fyrir því að Spaugstof-
an yrði ekki tekin af dagskrá í febrúar síðast-
liðnum heldur fengi að starfa áfram til vors.
Hann segist hins vegar bera alla ábyrgð á því að
Spaugstofan sé ekki lengur á RÚV.
Þórhallur hefur aldrei verið hræddur við
að taka erfiðar ákvarðanir og er að mörgu leyti
sáttur við það starf sem hann skilaði sem dag-
skrárstjóri og ritstjóri Kastljóss.
Þórhallur verður afi í nóvember en Gunnur
dóttir hans á von á lítilli afastelpu. Úti í London
býr svo afastrákurinn Oliver sem er fimm ára.
Þórhallur vill verja meiri tíma með fjölskyld-
unni og hefur fengið tækifæri til þess í sumar
auk þess að laga sumarbústaðinn og vinna að-
eins í golfsveiflunni.
Brostnar forsendur
„Það er nokkuð margþætt. Bæði persónulegt
og faglegt,“ segir Þórhallur um ástæður þess
að hann ákvað öllum að óvörum að segja upp
starfi sínu sem dagskrárstjóri innlendrar dag-
skrár hjá RÚV og ritstjóri Kastljóss fyrr á þessu
ári. „Ég setti mér ákveðin markmið þegar ég
tók við starfi dagskrárstjóra í apríl 2007 en í
þeim fólst að auka innlenda dagskrárgerð og
framleiðslu á leiknu efni. Við settum nýja þætti
af stað eins og Útsvar, Kiljuna, skemmtiþátt á
laugardagskvöldum, Sunnudagskvöld með Evu
Maríu, menningarþáttinn 07/08 með Þorsteini
J., Alla leið með Páli Óskari og fleira. Ný fram-
haldsþáttaröð, Mannaveiðar, fór í tökur strax
um haustið og í framhaldinu glæpaþáttaröðin
Svartir englar og síðan Hamarinn. Tími norn-
arinnar verður svo sýndur síðar í vetur. Alls
fóru fjórar stórar og dýrar þáttaraðir í fram-
leiðslu og sú fimmta fer í tökur á næstu dög-
um. Ég setti mér þessi markmið til þriggja ára
og vildi einnig kaupa inn meira af heimildar-
myndum, fjölga innlendum þáttum og styrkja
þá sem fyrir voru.
En þegar þú setur þér ákveðin markmið eins
og þessi og sérð síðan fram á að ákveðnar for-
sendur eru að bresta breytist margt. Einhverjir
gætu kallað þetta uppgjöf en ég hafði alltaf séð
fyrir mér að gegna þessu starfi í þrjú ár og hætta
síðasta vor. Ég ákvað að flýta þessari ákvörðun
minni og taldi rétt að ný manneskja tæki við
með nýja sýn.“
engin skyndiákvörðun
Þann 18. janúar fór Þórhallur á fund Páls
Magnússonar útvarpsstjóra og tilkynnti hon-
um um ákvörðun sína. „Hann brást nú þannig
við að hann hélt að þetta væri eitthvert skyndi-
upphlaup hjá mér og bað mig um að hugsa
þetta í sólarhring. Ég ræddi líka við tvo góða
vini mína innan Kastljóss, Egil Eðvarðsson og
Sigmar Guðmundsson, sem sögðu mér að gera
þetta alls ekki.
Ég hafði hins vegar í nokkrar vikur þar á
undan rætt þetta við Brynju, konuna mína,
sem studdi mig í þessari ákvörðun. Það spil-
aði margt fleira inn í þessa ákvörðun, kannski
óhóflegur metnaður en ekki síst þreyta og
leiði,“ segir Þórhallur sem var yfirleitt farinn
út snemma á morgnana og kominn heim milli
níu og tíu á kvöldin. „Þá var ég annaðhvort í
tölvunni eða símanum og ekkert sérstaklega
skemmtilegur sambýlismaður.“
Þórhallur segir það ekki hafa verið auðvelt
að vinna með fólki sem hann vissi að væri að
missa vinnuna. „Ég neita því ekki að það var
ekki góð líðan að vinna náið með fólki sem
ég var búinn að ákveða að þyrfti að segja upp.
Þessir félagar þínir og vinir eru orðnir að tölum
í Excel-skjali og þá grunaði ekki hvað stæði fyr-
ir dyrum.
Það er ekki síður erfitt þegar þarf að velja á
milli hæfileikafólks, hverjir halda vinnunni og
hverjir ekki. Þegar ég sagði þeim upp hjálp-
aði það eflaust mér og þeim að ég hafði sjálf-
ur áveðið að hætta. Ég átti það þó sameiginlegt
með þeim að ég var að yfirgefa vinnustaðinn á
sama tíma og þau.“
Ósanngjörn gagnrýni
Daginn eftir fór Þórhallur aftur á fund Páls og
tilkynnti honum að ákvörðun sín stæði. „Páli
fannst það ansi bratt að ég vildi hætta með svo
litlum fyrirvara en á þeim tíma fannst mér ég
ekki vera að stökkva frá borði. Þrátt fyrir niður-
skurðinn var Kastljós áfram vel mannað með
Sigmar sem öflugan ritstjóra og allir aðrir þætt-
ir héldu sjó. Það var mjög tvísýnt hvort við gæt-
um haldið Spaugstofunni áfram á dagskrá en
það tókst.“
Þórhallur hætti skömmu áður en tilkynnt
var opinberlega um niðurskurðinn og segir
hann Pál Magnússon hafa hlotið mikla gagn-
rýni fyrir breytingar sem voru í raun á ábyrgð
Þórhalls. „Páll fékk mjög ósanngjarna gagn-
rýni og kvikmyndgerðarmenn gengu sérstak-
lega hart að honum. Hins vegar voru þessar
breytingar á mína ábyrgð því ég lagði til nið-
urskurð á leiknu efni eins og öðru innlendu
dagskrárefni og auk þess uppsagnir ákveðinna
starfsmanna.
Kvikmyndagerðarmenn gagnrýndu RÚV
harkalega en voru að mínu mati ekki eins
gagnrýnir þegar stjórnvöld drógu gríðarlega
úr framlögum sínum til Kvikmyndamiðstöðv-
ar Íslands. Þeir gleymdu því einnig að á þess-
um tíma var RÚV ekki síst að verja störf félaga
þeirra en margir kvikmyndagerðarmenn eru
starfandi hjá fyrirtækinu.“
Þórhallur segir kvikmyndagerðarmenn
heldur ekki hafa virt það að á tveimur og hálfu
ári hafði RÚV lagt meiri pening í framleiðslu
á leiknu íslensku sjónvarpsefni en í langan
tíma áður. „Þó að ég hafi ákveðna samúð með
þeim sem eru að berjast fyrir lífi sínu í þessum
bransa fannst mér gagnrýnin á Pál og RÚV oft
ómakleg.
Þetta er hins vegar tímabundið ástand og
ég er sannfærður um að innan skamms aukist
framleiðsla á leiknu efni. Nú eru að hefjast tök-
ur á sjónvarpsþáttaröðinni Tími nornarinnar í
leikstjórn Friðriks Þórs og mér skilst að ekki
verði dregið úr kaupum á íslenskum heimild-
armyndum í vetur. Sigrún Stefánsdóttir, nú-
verandi dagskrárstjóri, er bæði vinnusöm og
metnaðargjörn og á eftir að standa sig vel í
þessu starfi.“
Þá telur Þórhallur að starfsemi RÚV gæti
batnað mikið ef fyrirtækið flyttist í annað hús-
næði. „Það myndi leysa RÚV úr ákveðnum
álögum ef fyrirtækið gæti flutt alla starfsemi
sína úr Efstaleiti í einfaldara húsnæði, helst
á einni hæð. Þessi glæsihöll er barn síns tíma
og tekur til sín gríðarmikla peninga sem gætu
annars farið í dagskrá sjónvarps og útvarps.“
Ber áByrgð á Brotthvarfi
spaugstofunnar
Þórhallur segist einnig bera ábyrgð á öðru at-
viki sem mikið hefur verið rætt um í sumar.
Löngu eftir að hann lét af störfum. „Ef það er
hægt að vísa á einhvern einn varðandi það af
hverju Spaugstofan sem slík er ekki lengur á
RÚV, þá er það ég. Í niðurskurðaráætlunum
fyrir veturinn í vetur lagði ég til að Spaugstof-
an, eða strákarnir fjórir, myndu hætta. Hins
vegar yrðu ráðnir sömu aðilar sem stóðu að
síðasta Áramótaskaupi til þess að gera þátt.
Ég bað þá aðila svo um að skila inn tillögu
að þætti sem síðan var unnið með eftir að ég
hætti.“
Þórhallur vildi hins vegar að öll umgjörð
Spaugstofunnar héldi sér. „Ég held að fólk
átti sig oft ekki á því að Spaugstofan er miklu
meira en bara þessir fjórir leikarar. Þetta er
auðvitað alveg gríðarlega öflugur her af fólki.
Björn Emilsson, sem hefur stýrt þessu, Ragna
Fossberg sminka, sem er alveg mögnuð og á
öll þessi gervi í gegnum Áramótaskaup og
annað, búninga- og smíðadeild og fleira. Þetta
eru gríðarleg verðmæti sem hafa orðið til inn-
anhúss og ég vildi halda. En ég vildi líka gefa
nýju fólki tækifæri til þess að koma þarna inn
með ferskar hugmyndir.“
Þær hugmyndir sem aðstandendur
Skaupsins skiluðu svo eftir að Þórhallur lét
af störfum urðu ekki að veruleika, líklega
vegna þess að leikstjórinn var búinn að ráða
sig í önnur verkefni. Þess í stað mun Guðjón
Davíð Karlsson stýra skemmti- og spjallþætti
á laugardögum en þar mun Ari Eldjárn, einn
af höfundum Áramótaskaupsins, koma mikið
við sögu. Í millitíðinni samdi Spaugstofan við
Stöð 2 um að halda áfram þar.
Þórhallur segir það einfaldlega matsatriði
hvort þessi tillaga hans hafi verið réttmæt.
„Einhvern tímann þarf að taka svona ákvörð-
un og ég sé ekkert eftir því að leggja þetta til.
Mér finnst þetta rétt alveg eins og mér fannst
rétt að láta Randver fara á sínum tíma. Það
þurfti að minnka hópinn og hleypa fleirum
inn. Gefa fleirum kost á að læra þessi vinnu-
brögð Spaugstofunnar.
Ég hef hins vegar mikla trú á hinum nýja
skemmtiþætti og þeim sem að honum standa.“
aldrei sumarfrí
Þórhallur telur sig hafa gert nokkur mistök
tengd vinnunni sem gerðu það að verkum að
álagið varð meira en það hefði þurft að vera.
„Ég er náttúrulega svolítið manískur í vinnu
og ég gerði nokkur mistök. Stóru mistökin mín
voru þau að ég tók mér nánast aldrei samfellt
sumarfrí. Lengsta frí sem ég tók mér var átta
dagar. Þetta var nú ekki beint til þess að gleðja
mína nánustu.“
Þótt Þórhallur væri ekki staddur í Sjón-
varpshúsinu var hann alltaf í vinnunni. „Ég
var alltaf í símanum eða í tölvunni. Minn
stærsti lærdómur í þessu öllu er kannski sá að
ég skildi aldrei við vinnuna og tók hana óþarf-
lega mikið inn á mig. Ég var heldur ekki nægi-
lega duglegur að deila ábyrgðinni með öðrum
sem er mikill galli enda var ég með gríðarlega
mikið af hæfileikafólki í kringum mig.“
Þórhallur var líka farinn að finna fyrir því
að vinnan bitnaði á samskiptum hans við fjöl-
skylduna. Hann áttaði sig á því þegar dótt-
ir hans bar það upp við hann. „Þegar ég hitti
þig ertu bara svo utan við þig að það er ekki
hægt að ná sambandi. Þú ert bara í tölvunni,“
sagði hún við mig. Ég var orðinn snillingur í
því að svara þegar ég var í tölvunni án þess í
rauninni að hlusta. „Já. Já, er það?“ sagði ég og
þóttist vera áhugasamur en var að hugsa um
eitthvað allt annað. Hún sá nú alltaf í gegnum
þetta og sagði hvað eftir annað: „Pabbi, þú ert
ekki einu sinni að hlusta á mig.“
Foreldrar mínir og vinir gagnrýndu mig
líka fyrir það að ég hafði lítið samband að fyrra
bragði. Ég einangraði mig þegar ég var ekki í
vinnunni og var mikið heima. Meira að segja
sofnaði ég þegar ég var að horfa á leiki með
Liverpool og þá er nú mikið sagt,“ segir hann
léttur.
afþakkaði starf á stöð 2
Eftir að Þórhallur hætti á RÚV í janúar tók
hann sér langþráð frí. Ekki leið þó á löngu
þar til samkeppnisaðili RÚV, 365 miðlar, báru
í hann víurnar. „Ég átti í viðræðum við Ara
Edwald um að taka að mér stöðu fréttastjóra
Stöðvar 2 í vor,“ en það var skömmu eftir að
Óskar Hrafn Þorvaldsson sagði starfi sínu sem
fréttastjóri lausu. „Það var allt spennandi við
það starf. Mannskapurinn og umbúnaður á
Stöð 2 er frábær en þetta strandaði á einu litlu
smáatriði,“ segir Þórhallur sem vill ekki gefa
upp hvaða smáatriði það var. Það hefur flog-
ið fyrir að ástæðan fyrir því að Þórhallur vildi
ekki taka að sér starfið hafi verið eignarhaldið
á 365 miðlum. „Ég ætla ekki að tjá mig neitt
frekar um það.“
Þetta var ekki í fyrsta skipti sem Þórhalli var
boðin staðan eftir að hann yfirgaf Stöð 2 árið
2005 til þess að taka við sem ritstjóri Kastljóss.
DV greindi frá því fyrr á árinu að Þórhallur
hefði átti fund með Jóni Ásgeiri Jóhannessyni,
fyrrverandi forstjóra Baugs og einum aðaleig-
anda 365, árið 2008. Fundurinn fór fram á 101
hóteli sem eru í eigu Ingibjargar Pálmadóttur,
eiginkonu Jóns. Þar á Jón að hafa boðið Þór-
halli 200 milljónir króna fyrir að hætta á RÚV
og taka til starfa hjá Stöð 2. Þórhallur afþakkaði
tilboðið samkvæmt heimildum blaðsins.
„Ég játa hvorki né neita. Það er rétt að við
áttum tveggja manna tal og ekkert meira er um
það að segja.“
spjallþáttur í vetur
Þórhallur viðurkennir að taugar hans til RÚV
hafi líka spilað inn í að hann tók ekki að sér
fréttastjórastöðuna nú í vor. Enda leið ekki á
löngu þar til Þórhallur snéri aftur í Kastljósið
en þá sem spyrill í föstudagsumræðu þáttarins.
„Það var alls ekkert skrítið að snúa aftur
enda hafði ég lofað bæði Páli og Sigmari að ég
yrði til taks. Einhverju starfsfólki hefur eflaust
fundist skrítið að sjá gamla yfirmanninn þarna
aftur en það áttaði sig fljótt á því að ég var ekki
kominn þarna til þess að skipta mér af einu eða
neinu.“
Þórhallur mun einnig sjást meira á skjánum
þórhallur gunnarsson, fyrrverandi dagskrárstjóri
hjá RÚV og ritstjóri Kastljóss, segir vinnuálagið
hafa verið farið að bitna á fjölskyldu sinni. Hann
hafi verið farinn að einangrast og verið með símann
eða tölvuna við höndina öllum stundum. Þórhallur
segist bera ábyrgð á því að Spaugastofan sé ekki
lengur hjá RÚV. ásgeir jónsson ræddi við Þórhall
um ástæður þess að hann hætti, fréttastjórastöðuna
sem hann afþakkaði á Stöð 2 og fjölskylduna sem
hann hyggst sinna betur.
Var farinn að einangrast
Ég neita því ekki að það var ekki góð líðan að
vinna náið með fólki sem ég
var búinn að ákveða að þyrfti
að segja upp.
þórhallur
gunnarsson Vill
meiri tíma fyrir sig
og fjölskylduna
en hann verður afi
í nóvember. mynd
rÓBert reynisson