Dagblaðið Vísir - DV - 17.09.2010, Blaðsíða 42

42 úttekt 17. september 2010 föstudagur
F yrsti umboðssamningur Michael Jeffrey við Jimi Hendrix og The Exper-ience var undirritaður 1. desember árið 1966.
Í honum stóð að umboðsmaðurinn
ætti tilkall til 40% af tekjum hljóm-
sveitarinnar. Ekki leið á löngu þar til
ryþmaparið Mitch Mitchell og Noel
Redding tóku að kvarta sáran undan
launakjörum sínum enda þeir bara
á föstum 30 punda vikulaunum. Þar
mátti einu gilda þótt stakir tónleik-
ar höluðu inn allt að 400 pundum
og sveitinni jafnvel þjösnað áfram
við tónleikahald öll kvöld vikunn-
ar. Hvað varðaði Jimi sjálfan þá mun
hann aldrei hafa fengið að sjá téðan
umboðssamning og ekki voru held-
ur borguð regluleg laun en þess í stað
útdeilt fjármunum til meistarans eftir
þörfum, til dæmis til að kaupa eitur-
lyf, íbúðir eða nýjar bifreiðar. Á snörp-
um ferli Jimi Hendrix fóru gríðarlegar
upphæðir í gegnum hendur Michael
Jeffrey og telja margir að rokkútgerðin
hafi einungis verið lögleg framhlið á
áhættusömum viðskiptum við eitur-
lyfjasala og aðra glæpamenn úr und-
irheimum sem svifust einskis til að fá
greiddar sínar skuldir. Einnig fara sög-
ur af því að mikill hluti ágóðans hafi
horfið inn á falda bankareikninga í
skattaparadísum.
Persónuleg vinátta á milli Jimi
Hendrix og Michael Jeffrey var ávallt
mjög takmörkuð og einkenndist sam-
starfið í raun af einni allsherjar tog-
streitu. Greinilegt var að meistarinn
varð þess snemma áskynja að heilag-
ur tilgangur umboðsmannsins snerist
eingöngu um að hámarka sinn eigin
gróða með öllum mögulegum ráð-
um. Eina ráðið hjá Jimi var að snúa
vörn í sókn og losna við manninn
með því einfaldlega að knésetja hann
með löglegum hætti. Eitt af því var að
leysa upp hljómsveitina The Exper-
ience, í því skyni að ógilda samning-
inn við Jeffrey og þannig mundi hann
missa þessa nytsömu mjólkurbelju
úr höndunum á sér. Umboðsmaður-
inn hafði ekki staðið við skuldbind-
ingar sínar gagnvart lánardrottnum
úr röðum vafasamra glæpahringa.
Skilaboðin frá þeim voru einföld: að
mjólka kúna þangað til hún drepst.
Sagt er að rétt fyrir Woodstock-hátíð-
ina hafi Michael Jeffrey verið heim-
sóttur af vopnuðum handrukkara frá
Englandi og þorði hann ekki öðru en
að borga til að halda lífi. Eftir þetta
þjáðist Jeffrey af mikilli ofsóknar-
kennd og lét aldrei sjá sig eftir þetta
nema í fylgd vopnaðra lífvarða.
Rokkstjörnu rænt af
glæpahyski
Síðasta árið í lífi sínu var Jimi Hendrix
orðinn langt leiddur af kostnaðar-
samri kókaínneyslu sem olli því að
skuldirnar hlóðust upp. Að auki stóð
hann í fokdýrum framkvæmdum
við að fullklára íburðarmikið einka-
hljóðver, Electric Lady, í New York.
Eina ráðið til að standa straum af
öllu saman var að blása til tónleika
sem stundum fóru fram á vafasöm-
um glæpamannabúllum. Einir slíkir
voru haldnir á Salvation Club í Green-
wich Village í New York 10. september
1969. Þar voru slæmir straumar í saln-
um sem var uppfullur af misindis-
mönnum. Jimi var varla með sjálf-
um sér sökum lyfjaneyslu og mikið
rifrildi í gangi hjá meðspilurum milli
laga. Um nóttina fékk hann að gista
hjá alræmdum kókaínsala, sem sjálf-
ur fannst myrtur daginn eftir.
Þann dag hófst líka lygilegasta frá-
sögnin af Jimi Hendrix. Þá var hann
hremmdur af glæpahyski úti á götu
og honum stungið upp í aftursæti
bifreiðar með bundið fyrir augun. Í
henni var brunað á ógnarhraða upp
að yfirgefinni byggingu og rokkstjarn-
an teymd þangað inn og reynt að
hræða hana til samstarfs við glæpa-
mennina. Áður en yfir lauk kom
Michael Jeffrey á staðinn og greiddi
úr málum þannig að sökudólgarnir
gáfust upp. Leiddar hafa verið líkur að
því að þessi dularfulla uppákoma hafi
einfaldlega verið sett á svið af Jeffrey
sjálfum, sem þannig vildi tryggja al-
gert vald sitt yfir Jimi og gera úr hon-
um viljalaust verkfæri.
„Sjanghæjaður“ til Hawaii
Ein undarlegasta sagan af samskipt-
um Jeffreys og Hendrix átti sér stað
um mánaðamótin júlí–ágúst 1970. Þá
var einu sinni sem oftar borið í meist-
arann mikið magn af eiturlyfjum og
þegar áhrifin voru farin að segja til sín
var hann einfaldlega „sjanghæjaður“,
eins og sjómenn til forna, og hent upp
í flugvél sem hélt rakleitt til borgar-
innar Honolulu á eyjunni Hawaii. Þar
hófst makalaus atburðarás þar sem
Jimi var hreinlega neyddur af Michael
Jeffrey til þátttöku í leiknu tónlistar-
myndinni Rainbow Bridge sem fram-
leidd var með stuðningi Warner-kvik-
myndafyrirtækisins. Á tökustað ríkti
slæmt andrúmsloft og allt gekk á aft-
urfótunum enda skítakuldi og að-
stæður til athafna ekki boðlegar. Há-
punktur myndarinnar átti að vera
heljarmiklir tónleikar Jimis uppi á háu
eldfjalli á eyjunni Maui en afrakstur-
inn varð gersamlega misheppnaður.
Fljótlega spurðist út til Warner að ekki
væri allt með felldu við vinnslu kvik-
myndarinnar og í beinu framhaldi
birtust á tökustað nokkrir jakkafata-
Jimi
Hendrix
og ofbeldisfulli
umboðsmaðurinn
Laugardaginn 18. september verða heil 40 ár
liðin frá sviplegu andláti hins goðsagnakennda
gítarsnillings Jimi Hendrix sem var aðeins 27
ára gamall þegar hann kvaddi þessa jörð. af því
tilefni rifjar Kristinn Pálsson hér upp ýmsan
forvitnilegan sannleik, staðreyndir, munnmæli og
kjaftasögur úr lokahlutanum á ferli meistarans.
Þá var hann hremmdur af
glæpahyski úti á götu
og honum stungið upp í
aftursæti bifreiðar með
bundið fyrir augun.
Var umboðsmaðurinn Michael Jeffrey seinþreyttur á að mata
hann á alls kyns ólyfjan og gera hann
þannig enn háðari sér.
AðgAngSHARðuR umboðSmAðuR Michael Jeffrey þrælaði Jimi Hendrix út og
hirti sjálfur mestan ágóðann. Sagt er að hann hafi staðið fyrir árás á hendur Jimi til að ná
algjöru valdi yfir honum. Því hefur einnig verið haldið fram að hann hafi myrt hann.