Frjáls verslun - 01.11.2014, Page 18

18 FRJÁLS VERSLUN 11 tbl. 2014
Fyrst íslenskra
fyrirtækja á Techstars
TexTi: erla GunnarSdóTTir
MYndir: Geir ólafSSon oG úr einkaSafni
Tæknifyrirtækið reKode:
Valdís Fjölnisdóttir fjárfestir er núna gengin til liðs
við Rakel Sölvadóttur, stofnanda Skemu, og orðin
meðeigandi að tæknifyrirtækinu reKode. Fyrirtækið er
fyrst íslenskra fyrirtækja á Techstars. Valdís var einn
af stofnendum fasteignafélagsins Þórsgarðs en seldi
sinn hlut og sneri sér að reKode en fyrirtækið kennir
börnum forritun og er hinn alþjóðlegi angi af Skemu.
V
aldís Fjölnisdóttir fjárfestir er gengin til liðs við
Rakel Sölvadóttur, stofnanda Skemu, og standa þær
núna að tæknifyrirtækinu reKode og vinna hörðum
höndum að því að festa þetta frumkvöðlafyrirtæki
í sessi á alþjóðlegum mörkuðum. Það er fyrst
íslenskra fyrirtækja á Techstars. Það var fyrr á
þessu ári sem Rakel kom að máli við Valdísi til að taka þátt í útrás
fyrirtækisins.
„Núna er ég í raun hinum megin við borðið, á stað sem ég hef ekki
verið á áður, þ.e. að koma frumkvöðlafyrirtæki á alþjóðamarkað. Það
er ekki síður skemmtilegt og miðað við viðtökurnar sem við fáum í
Bandaríkjunum gæti ræst úr þessu,“ segir Valdís.
Valdís er með BS í viðskiptafræði frá Háskóla Íslands og master í
markaðs­ og alþjóðaviðskiptum frá sama skóla. Hún fór í skiptinám í
grunnnáminu til Frakklands og í meistaranáminu dvaldi hún einn vetur
í Danmörku við Copenhagen Business School (CBS).