Frjáls verslun - 01.11.2014, Qupperneq 74

74 FRJÁLS VERSLUN 11 tbl. 2014
maður ársins
Þegar ég horfi til baka þá var
hallarbyltingin í SH sennilega
óþarfi, hefðu menn bara hlustað
og unnið öðruvísi úr málunum
og tekið öðruvísi á hlutunum. En
þetta var nokkuð sem varð að
gerast til að breyta félaginu.
á að reyna fyrir okkur eitt ár í Siglufirði og
hún segir stundum að það hafi orðið lengsta
ár í lífi sínu því þau urðu æði mörg.“
Róbert varð framleiðslustjóri hjá litlu
fisk vinnslufyrirtæki í Siglufirði áður en
hann varð framleiðslustjóri hjá Þormóði
ramma í eitt og hálft ár en hann varð fram ­
kvæmda stjóri fyrirtækisins 28 ára gamall.
„Ég var allt í einu orðinn
framkvæmdastjóri langstærsta fyrirtækis
byggðarlagsins með á þriðja hundrað
starfs menn – fyrirtækis sem var þá í eigu
ríkis og bæjar, sem allir áttu og allir vildu
ráða og allir höfðu skoðun á. Þetta voru
ekki alltaf auðveld spor og ég ekki vinsæl ­
asti maðurinn í þorpinu. Ég hef stund ­
um lýst því að þegar ég þurfti að taka á
einhverjum hlutum í fyrirtækinu gat það
komið fram í því að konurnar í pláss inu
hættu að tala við mömmu. Þannig lýsir
þetta sér stundum í þessum litlu sam fé ­
lögum. Þessi návígisstjórnun hefur svo
miklu meiri áhrif á svona fyrirtæki en
menn gera sér grein fyrir. Ákvarðanataka
í svona fyrirtæki mótast oft mjög mikið
af ná lægðinni. Ég man að fyrir mörgum
árum þurftum við einhverju sinni að skipta
um skipstjóra og það var mikið mál hjá
okkur hvernig við ættum að fá þennan frá ­
bæra einstakling til að koma bara í land.
Við ræddum þetta í stjórninni og þá var í
stjórninni vinur minn Brynjólfur Bjarna­
son, forstjóri Granda. Hann skildi ekkert í
þessu hvað þetta væri mikið vandræðamál.
Ég sagði þá við hann að það væri ekkert
skrítið að hann skildi þetta ekki. Hann
færi og skipti um skipstjóra hjá Granda og
hann sæi hann aldrei aftur. Við hins vegar
skiptum um skipstjóra hjá okkur og færum
svo í næstu verslun þar sem við horfðum
í andlitið á konu hans, eða ég færi svo út
að skemmta mér með sonum hans eða
dætrum. Það er þess vegna oft erfitt að
skilja þessa návígisstjórnun en hún leiðir
oft til þess að menn eru miklu mýkri í
stjórn un sem aftur leiðir til þess að fyrir ­
tækin eru rekin með meiri tilkostnaði.“
tók þátt í
hallaR bylt ingunni í sh
Þremur árum eftir að hann varð fram ­
kvæmdastjóri Þormóðs ramma var hann
skyndilega orðinn einn af eigendum fyrir ­
tækisins eftir umdeilda einkavæðingu
þess. Hins vegar má segja að Róbert
hafi ekki verið í framvarðarsveit íslensks
sjávar út vegs fyrr en honum var svipt inn
á stóra sviðið með hallarbyltingunni í SH,
Sölu miðstöð hraðfrystihúsanna, stærsta
fyrirtæki landsins á þeim tíma.
„Þegar þetta gerðist var ég búinn að
starfa innan sjávarútvegsins í 15 ár. En að
sjálfsögðu taldist ég ekkert til þessara stór ­
skyttna í greininni, var bara að pjakka hér
norður í Siglufirði ásamt mínum fél ög um og
þurfti að ganga í gegnum súrt og sætt eins
og aðrir. Við höfðum þó verið að kaupa
töluvert stóran hlut í SH og höfðum tölu ­
vert sterkar skoðanir á því hvernig slíkt
fyrir tæki ætti að þróast inn í framtíðina. Ég
sem stjórnarmaður í SH reyndi að koma
skoðunum mínum á framfæri en þar var
mjög erfitt að breyta til og ég náði ekki að
koma fram þeim breytingum sem ég vildi
sjá. SH var þó þarna að breytast úr því að
vera samlag í að verða hlutafélag sem átti
að hafa aðra framtíðarsýn en samlagið.
Þessi breyting hins vegar gekk of hægt að
mínum dómi því að umhverfið var allt að
þróast, tölvuvæðingin á fullu og allt öðru ­
vísi fólk að koma inn í greinina, annars
konar stjórnendur en við höfðum séð áður.
Miklu meiri hraði en þekktist áður og þess
vegna taldi ég að það væri svo margt sem
þyrfti að breyta.
Því miður náði ég ekki stuðningi til að
fara í þessar breytingar. Ég fór þess vegna
í að freista þess að ná meirihluta í Sölu ­
miðstöðinni sem gerðist svo yfir nótt. Við
fórum síðan í þessar breytingar. Þegar
ég horfi til baka þá var þetta sennilega
óþarfi, hefðu menn bara hlustað og unnið
öðruvísi úr málunum og tekið öðruvísi á
hlutunum, en þetta var nokkuð sem varð
að gerast til að breyta félaginu. Þetta hefði
þó ekki þurft að gerast með þessum hætti
sem varð og ég myndi aldrei vinna þannig
í dag. En svona var þetta á þeim tíma. Ég
var stjórnarformaður SH í fimm ár og þetta
voru að mörgu leyti lærdómsrík ár. Eftir
fjögur ár neyddumst við í Þormóði ramma
til að selja hlutinn í SH til Landsbankans til
að verjast óvinveittri yfirtökutilraun. En hafi
við ekki verið bestu eigendurnir með okkar
stóra hlut í félaginu þá varð ástandið hálfu
verra með tilkomu Landsbankans.“
R
óbert Guðfinnsson
segir að á árinu 2005
hafi verið komið að
ákveðnum kaflaskilum
í lífi hans. Á þessum
tíma hafi þau hjón tekið
ákvörðun um að pakka niður og flytja til
Banda ríkjanna.
„Ég var enda hættur að skilja hlutina
hér. Mér líður aldrei vel í umhverfi sem
ég skil ekki og alls ekki með fjárfestingar
sem ég veit ekki hvert eru að fara. Ég hef
þann eiginleika að ég reyni að kafa ofan
í allt sem ég er að fást við. Ég reyni ekki
að stjórna því í smáatriðum en ég vil taka
upplýstar ákvarðanir. En þarna 2005 þá
voru allt í einu allir að græða peninga og
allir orðnir ríkir. Ég taldi mig kunna það
sem snýr að frumframleiðslu – veiðum,
vinnslu og markaðssetningu og annað
varðandi sjávarfang – og var farið að líða
illa í þessu umhverfi sem hér ríkti. Mér leið
eins og nátttrölli enda hefur áhugi minn á
verðbréfum og hlutabréfum aldrei verið
sérstaklega mikill. Þannig að ég flutti til
Bandaríkjanna og sneri mér ásamt félaga
mínum að rekstri fyrirtækis í Mexíkó sem
Þormóður rammi og Grandi höfðu stofnað
í upphafi en fóru svo út úr. Við komum í
staðinn, ég og ungur félagi minn sem heitir
Vilhelm Mar Guðmundsson, Siglfirðingur
og menntaður hagfræðingur héðan úr
háskólanum. Ég hafði ráðið hann 23 ára
sem kokk á togara sem við vorum að senda
niður til Mexíkó vegna þess að hann talaði
spænsku eftir að hafa verið eitt ár í námi
flutti út til
bandaríkjanna 2005
Róbert flutti út til Bandaríkjanna árið 2005 og nýr, ævintýralegur
kafli hófst í lífi hans.
Því tíminn flýgur
ÍS
L
E
N
S
K
A
S
IA
.I
S
I
C
E
5
2
3
0
4
1
1
/1
0
GLEÐILEGT NÝTT ÁR
Jörðin snýst í kringum sólina á 365,2564 dögum
með 29 km hraða á sek. Þess vegna erum við alltaf
í kapphlaupi við tímann. Á hverjum einasta degi fljúgum
við hjá Icelandair Cargo með vörur til og frá Íslandi.
VIÐ ÞÖKKUM SAMSTARFIÐ Á LIÐNUM ÁRUM,
STARFSFÓLK ICELANDAIR CARGO