Frjáls verslun - 01.11.2014, Page 115

FRJÁLS VERSLUN 11 tbl. 014 115
unina var á jákvæðum nótum
og tókst vel. Nú er búið að búa
til breiðari grunn í tengslum við
sjávarútveginn og þá möguleika
og tækifæri sem felast í honum.“
Kolbeinn segir að markmiðið
með Samtökum fyrirtækja
í sjávar útvegi sé að efla ís ­
lensk an sjávarútveg svo sem í
tengslum við ábyrga stjórn un
á auðlindinni, skýra stefnu
í um hverfismálum, skerpa á
mark miðum þegar kemur að
markaðssetningu á íslensk um
sjávarafurðum og greina þarfir
sjávarútvegsins í mennta mál ­
um. „Við höfum því reynt að
búa til vinnuplan sem miðar að
því að við getum búið til skýra
stefnu á næsta ári sem leiðir
okkur inn í framtíðina með það
að markmiði að auka verðmæti
sjávarfangsins eins og kostur er
fyrir íslenskt samfélag.“
MENNTA­ OG
MARKAðS MÁL
„Ef við horfum t.d. á mennta ­
mál in þá erum við að fara
af stað með vinnuhóp sem
er ætlað að skila heildstæðri
stefnu í mennta­ og kynningar ­
mál um fyrir næsta vor. Við
ætlum að vera þar með opið
ferli þar sem við gefum öllum
sem hafa áhuga kost á að hitta
okkur og fara í gegnum þetta á
opnum fundum.“
Kolbeinn segir að hvað
mark aðs setningu varðar hafi
verið uppi raddir um að það
vanti skýrara vörumerki fyrir
íslenskar sjávarafurðir þannig
að sú ferska, heilnæma og góða
vara sem héðan komi njóti
sérstöðu á mörkuðum.
SAMFéLAGSLEG
ÁBYRGð MIKIL
Sjávarútvegurinn er undir stöðu ­
atvinnugrein í íslensku samfélagi
og skilar beint um 11% af vergri
þjóðar fram leiðslu en um 28% ef
með eru taldar tengdar greinar
svo sem veiðarfæra framleiðsla
og flutn ingar. Kolbeinn segir
að samfélagsleg ábyrgð sé mjög
ofarlega í huga þeirra sem
starfa við íslenskan sjávarútveg.
„Við þurfum í fyrsta lagi að
gera þá kröfu til okkar að reka
þessa grein á arðbæran og
hagkvæman hátt þannig að hún
skili sem allra mestu til íslensks
samfélags hvort sem það er í
formi skatta eða starfa.
Það er óhjákvæmileg afleiðing
þess að reka sjávarútveginn
á eins hagkvæman hátt og
hugsast getur að það verði hag ­
ræð ing í greininni sem kann
að koma niður á ákveðnum
byggðar lögum; það kann
að fækka í greininni og við
þurfum að vera tilbúin til að
ræða það. Á móti kemur að
með þessari hagræðingu hafa
sprottið kraftmikil nýsköpunar­
og tæknifyrirtæki og þau
eru oft og tíðum staðsett á
landsbyggðinni.
Í þeim er unnið að sölu
lækn ingavara, snyrtivara og
hug búnaðar og ótal öðrum
þátt um sem fáir hefðu tengt
við sjávarútveg fyrir skömmu.
Hluti af þró uninni er því þann ­
ig að til verða önnur störf og
oft betur launuð en þau sem
hverfa. Samfélagslega ábyrgðin
er sem sé gagnvart þjóðfélaginu
öllu.“ Hvað umhverfisstefnu
SFS varðar segir Kolbeinn að
um hverfismál hafi lengi verið
í öndvegi í íslenskum sjávar út­
vegi því atvinnugreinin byggist
á sjálfbærri nýtingu auð lind­
arinnar og langtíma hugsun.
„Það þarf þó að huga að fleiri
málum, súrnun sjávar er ógn
sem þarf að gefa gaum og vinna
þarf að því að draga úr notkun
á óendurnýjanlegu eldsneyti
svo sem með því að endurnýja
skipaflotann. Umhverfisstefnan
er því einn af hornsteinum
stefnu nýrra samtaka.“
HORNSTEINN
Segja má að Kolbeinn sé karl ­
inn í brúnni á hinu nýja fleyi.
Hver er persónuleg sýn hans og
draumur hvað varðar Samtök
fyrirtækja í sjávarútvegi?
„Ég held að sýnin hafi verið
og sé sú að við getum kannski
lagt til hliðar eða vonandi
klárað þessi deilumál sem
hafa verið uppi í sjávarútvegi.
Þetta snýst um svo margt
fleira en hver veiðir hvað.
Við þurfum kannski að slíðra
sverðin og skoða tækifærin
og þá vaxtarmöguleika sem
sjávarútvegurinn býður upp
á. Ég held að við getum aukið
þetta verðmæti gríðarlega
mikið á næstu árum en til þess
þurfum við að geta haft lang ­
tímasýn og markmið.
Sýnin er líka sú að við séum
að tryggja það að þetta sam ­
félag geti búið við og byggt á
sjávarútvegi um ókomna tíð
þannig að umhverfisstefna
skiptir miklu máli. Sjávarút ­
vegurinn ætti að verða áfram
sá hornsteinn sem hann hefur
verið hingað til í íslensku
samfélagi og standa undir
auk inni velferð og velmegun í
íslensku samfélagi.“
„Sjávarútvegurinn
ætti að verða áfram sá
hornsteinn sem hann
hefur verið hingað til í
íslensku samfélagi og
standa undir aukinni
velferð og velmegun í
íslensku samfélagi.“
Á stofnfundi nýrra samtaka hlau vísindamaðurinn Hrönn Egils-
dóttur Hvatningarverðlaun Samtaka fyrirtækja í sjávarútvegi fyrir
rannsóknir sínar á súrnun sjávar við Ísland.
Öndvegissetrið Oceana um sjálfbæra nýtingu og vernd hafsins var
stofnað í nóvember en Samtök fyrirtækja í sjávarútvegi var einn
stofnaðilanna.
SAMTöK FYRIRTæKJA Í SJÁVARÚTVEGI
Fjöldi starfsmanna: 13.
Forstjóri: Kolbeinn Árnason.
Stefnan: Að búa sjávarútveginum þau skilyrði að hann geti
haldið áfram að vera undirstöðuatvinnuvegur, þróast og
skapað aukin verðmæti til hagsældar fyrir íslenskt samfélag til
framtíðar með sjálfbærni að leiðarljósi.