Frjáls verslun - 01.11.2014, Blaðsíða 132

132 FRJÁLS VERSLUN 11 tbl. 2014
Hvað segja þau?
1. Telur þú að fjármagns­
höft in verði loksins afnumin
á árinu 2015?
– Ég tel ólíklegt að fjármagns -
höftin verði að fullu af numin
árið 2015 en það er nú þegar
verið að stíga mikilvæg skref
í átt að afnámi hafta með því
að veita gamla Landsbankan-
um undanþágu til að greiða
forgangskröfur upp á um 400
milljarða. Það er gríðarlega
mikilvægt að markvisst afnám
hefjist sem fyrst og við förum
að sjá hvernig eigi að vinna
sig út úr vandanum. Þannig
geti fyrirtæki farið að gera
markvissari plön til framtíðar.
2. Hugmyndir eru uppi
um að setja á svonefndan
útgönguskatt í tengslum við
afnám hafta – hvernig líst
þér á þá leið?
– Mér líst í sjálfu sér ekki illa á
útgönguskatt. Þetta var gert í
Malasíu með ágætum árangri
og flýtti fyrir afnámi hafta
þar. Ef þessi leið yrði farin
þarf að gera það með skýrum
hætti þ.e. að þetta yrði skattur
eingöngu á aflandskrónur,
hversu hár yrði skatturinn,
hvernig kæmi hann til með
að lækka. Með öðrum orðum
leikreglurnar þurfa að vera
mjög skýrar strax í upphafi.
3. Hvað heppnaðist best á
árinu 2014 og hverjar eru
horfurnar á árinu 2015?
– Sá stöðugleiki sem okkur
hefur tekist að ná í efnahags -
lífinu er sannarlega eftirtektar-
verður. Hér höfum við náð
niður verðbólgunni, við höf-
um náð niður atvinnuleysinu,
vöruskiptajöfnuður við útlönd
er jákvæður og kaupmáttur
landsmanna hefur aukist. Það
er óskandi að okkur takist að
halda áfram á þessari braut
öllum til heilla. Horfurnar fyrir
Ísland eru góðar og vona ég
svo sannarlega að okkur takist
að halda stöðugleikanum.
Því miður hef ég áhyggjur af
því að kjarasamningar geti
orðið okkur erfiðir á næsta ári
og við siglum í gamla farið á
nýjan leik. Bara það að halda
niðri verðbólgunni er mun
meiri kjarabót en nokkurra
prósentustiga hækkun launa.
4. Hvaða mistök voru gerð
í efnahagsstjórninni á árinu
2014?
– Mér finnst stjórn efnahags-
mála hafa gengið vel á árinu
og greinilegt að það er verið
að vinna af krafti að því að
leysa flókin úrlausnarefni
okkar. Ég hef mikla trú á að
sú vinna eigi eftir að skila sér
í lífskjarabata fyrir þjóðina.
Þetta er þolinmæðisvinna og
langhlaup og við sem þjóð
verðum að hafa úthald til að
klára verkefnið, sem er ærið.
5. Hvað er þér minnisstæð­
ast frá árinu sem er að líða?
– Mér er minnisstæður sá
mikli fjöldi ferðamanna sem
sótti okkur heim á árinu. Það
er merkilegt að ferðamanna -
geirinn er orðinn stærsti
gjaldeyrisskapandi geiri
lands ins. Hver hefði trúað
því fyrir nokkrum áratugum?
Eldgosið í Holuhrauni er mér
einnig minnisstætt. Ég held
að við séum að lifa mjög
sögulega tíma í jarðsög-
unni. Fyrir mig persónulega
er minni sstætt að hafa verið
kjörin formaður Samtaka iðn -
aðarins á árinu. Það er stórt
og skemmtilegt verkefni.
Guðrún Hafsteinsdóttir.
„Horfurnar fyrir Ísland
eru góðar og vona ég
svo sannarlega að
okkur takist að halda
stöðugleikanum.“
Guðrún Hafsteinsdóttir, formaður
Samtaka iðnaðarins:
Höfum náð stöðugleika
Bætt þjónusta
og skilvirkari rekstur
með rafrænum skilríkjum
Á annað hundrað fyrirtækja og opinberra stofnana
bjóða nú upp á notkun rafrænna skilríkja. Rafræn skilríki
auðvelda fólki og fyrirtækjum að eiga í samskiptum
því þau er bæði hægt að nota til auðkenningar og til
að skrifa undir samninga og skjöl. Þannig verður öll
þjónusta þægilegri auk þess sem reksturinn verður
miklu skilvirkari og hagkvæmari.
Kynntu þér málið á audkenni.is