Gripla - 01.01.1993, Blaðsíða 29

3
6
9
12
15
18
21
24
27
30
33
36
UM EGLUTEXTA MÖÐRUVALLABÓKAR í 17DU ALDAR EFTIRRITUM 29
enn nyþa myrkur var ute. tok Eigill þegar a raas af bænum. geingu
menn ut vr stofunne ok sau at þeir voru fallner baþer Aulver oc Bard-
ur, ok hugþu menn fyrst at huor þeirra munde hafa veiged annann.
Enn af þui at dymt var liet kongur bera til liös, ok sa þa huad tidt var
vm Aulver at hann la þar j spyiu sinne j ovite, enn Bardur daudur oc
flæt j blode hanz allt gölf. þa spurde kongur huar sa hinn mikli madur
var er mest hafþe drukkit vm kvelldit? Menn sogþu at hann gieck
framm fyrer Aulver. Leited at honum ok lated hann koma til mi'n. Siþ-
an var hanz leitad vm bæenn oc fanst hann hvorgi. Enn er þeir komu j
elldhus þat er þeir Aulver hofþu matast vm kvelldit þa lau þar marger
fórunautar Aulvers. enn sumer lau ut under husveggium. kongs menn
spurþu huort Eigill hefþi þar komit? þeim var sagt hann hefþi hlaupit
þar inn ok teket ofann vopn sín, ok geingit vt siþan. þeir föru inn j
stofu oc sogþu kongi allt þetta. kongur bad menn sina fara sem huatazt
oc taka skip aull er voru j eynne. eN a morgun sem liost er skal ransaka
eýna.
XLV. Capitule
Eigill för vm nottina ok leitaþi þar til er skipinn voru. Enn huar sem
hann kom til strandar þa voru þar allstadar menn fyrer. For hann svo
nott þa alla at hann fiekk ecke skip. En er dagade ok lysa tok þa var
hann staddur a nese nockru. hann sa þa eý aþra, oc var þar sund i mille
furþuliga langt. Þat var raad hanz at taka hialmÍN ok sverdit. kesiuna
bræt hann af skapti ok skaut skaptinu a siö vt, enn vopninn batt hann i
bagga j ýferhófn sinne, ok batt suo mille herþa sier. siþan gieck hann a
sund, ok syndti til eyarinnar. er þat ekce mikit lannd, enn gras ok viþa
skogar runnar. Fienadur var þar stormikill ok margur af nautum oc
saudumm sem kongur hafþe til bvs síns j Atley. Enn er Eigill kom j
eyna þa vatt hann siö vr fótum sínum oc biost vmm. Þa var dagur orþ-
inn allliös ok sölinn farÍN. Eirikur kongur liet þegar ransaka eýna er
lysa tok, oc vard þat seint at eyenn yrdi aull kónnud, þuiat Atley er
míkit land, oc fannst Eigill ei. Þa liet kongur fara til annara eýa, ok liet
leita hanz. var þat siþast vm kvólldit ad xij. menn fara til Saudeyar a
skiitu ok skylldu þar leita Eigils. ok attu at hafa þaþan slaatr fie mi'kit.
Eigill sa skipfórina til eýarinnar, lagdest hann niþur j hrýsed ok faldist
aþur skipit kom at lannde. En er þeir geingu upp, þa lietu þeir epter
þria menn, at giæta skips, enn niu geingu upp, ok skiptu þeir lei'tinne,