Gripla - 01.01.1993, Blaðsíða 125

ÁRNI BJÖRNSSON
LAURENTIUS SAGA BISKUPS í ÍB 62 FOL.
Þegar Laurentius saga var búin til prentunar fyrir Handritastofnun ís-
lands, var ekki vitað um handritið IB 62 fol. af sögunni.1 Til þess var sú
ástæða, að um þetta handrit segir einungis í skrá um handritasöfn
Landsbókasafns: ‘Sögubók, skr. ca. 1770 (Knýtlinga saga o.fl.), er ekki
unnt að lýsa nánara, með því að hdr. er í láni utanlands.’2
Laurentius sögu er því ekki getið við þetta handritsnúmer í orðalykl-
urn skrárinnar. Fyrir nokkrum árum rakst Einar G. Pétursson cand.
mag. á söguna í þessu handriti og gerði undirrituðum viðvart. Skal nú
gerð nokkur grein fyrir því.
Bók þessi er bundin í tréspjöld með skinni utan um, og á kilinum
stendur áþrykkt: ‘Krambod Bog for Flatöe Handel 1799.’
Handritið er 657 tölusettar síður, en sumar tölurnar eru máðar eða
hafa skorist ofan af blöðunum, líklega þegar bókin var bundin. Bls. 261
og 489-90 eru auðar. Ábúðarmikið titilblað er framan við lítið eitt
skert, og á því stendur:
Þessi Sagna Bök skirir fra. 1°. Dana Kongufmj fyrstum Haralldi
Gorms(syn)i sidustum Kn(uti) Valdifmarssyni] 11°. Norv(egs)
Köngum Olafi H(elga) fyrstum Magnusi Erlings(syn)i seinustum
111°. Hemingi Aslakss(yni) IV°. Halfi K(on)gi og Reckum hanns
V°. Eyreke hinum Rauda VI° Laurentio Hóla B(isku)pe VII°
Hungur Vaka.
Fleira er þó aftast í handritinu eða eins og segir á innlögðum bláum
mjóum seðli með hendi Jóns Sigurðssonar:
7. Jóns Egilss(onar) B(isku)pa ann(álar) (Húngrvaka) með við-
bœti (Gísli - Oddr - Gísli - Brynjólfr)
8. Æfiflokkr Sira Einars í Heydölum
1 Laurentius saga biskups, Árni Björnsson bjó til prentunar (Rit Handritastofnunar
íslands III), Rv. 1969.
Páll Eggert Olason, Skrá um handritasöfn Landsbókasafnsins II, Rv. 1927, 729.