Gerðir kirkjuþings - 01.01.2000, Side 90

Helgihald, messusiðir, músik. skrúði, starfandi listamenn, handverksmenn,
staðarsmiðir.
Skólahald.
Biskupsstólar og klaustur, biskupar sem yfirmenn klaustra, samvinna biskupsstóla og
klaustra í bókagerð.
Bókakostur á biskupsstólunum og bókaútgáfa á seinni öldum.
Þáttur biskupsstólanna (kirkjunnar) í framfærslu félausra og sjúkra, lærðra manna
spítalar á miðöldum, holdsveikraspítalar.
Heimilishald á stöðunum.
Utanferðir biskupa, hafskipaeign biskupsstóla, verslun og önnur samskipti við útlönd.
erlendir straumar í Skálholti og á Hólum.
Tengsl biskupa við andleg og veraldleg yfirvöld utanlands.
Biskupsmaddaman, hennar hlutur í heimilisstjóm á biskupsstóli.
Veldi einstakra biskupaætta.
Fjármögnun
Nefndinni var loks ætlað að "gera grein fyrir kostnaði og benda á leiðir til að
fjármagna verkið”. Eðli málsins samkvæmt var nefndinni hér mikill vandi á höndum.
Nefndin telur að Saga biskupsstólanna eigi ekki að vera íburðarmikil útgáfa, t.d. skuli
myndum stillt mjög í hóf og miðast við myndir sem ekki hafi birst áður. Sem fyiT
segir átti hún fund með fjármálastjóra Alþingis um þetta efni og fékk þar góðar
ráðleggingar. Nefndin lítur svo á að meginfjármögnun verksins komi úr sjóðum
kirkjunnar, jöfnunarsjóði og kristnisjóði. Sjóðir sem styrkja verkefni af þessu tagi á
sviði sögu og íslenskrar menningar koma einnig til greina og loks sjóðir á vegum
einstakra fyrirtækja eða samtaka. Athugandi er hvort hinn nýji sjóður sem Alþingi
stofnsetti á kristnihátíð á Þingvöllum kemur til greina.
Sé stefnt að því að verkið komi út árið 2006 er um að ræða fimm ára tímabil sem
fjármögnun dreifist á. Nefndin telur að 6 milljóna króna framlag á ári í fimm ár muni
nægja til að fjármagna ritun verksins ef mið er tekið af hinni veglegu kristnisögu sem
Alþingi gaf nýlega út.
Reiknað er með að þúsund blaðsíðna ritverks taki 125 mannmánuði með 200 þús. kr.
launakostnaði á mánuði (dósentskostnaður í 4. þrepi), samtals kr. 25.000.000, til
viðbótar koma laun ritstjómar og óviss annar kostnaður.
Ritstjóm skal leita samninga um útgáfu verksins.
Ályktun
um sögu biskupsstólanna
Kirkjuþing samþykkir að fela undirbúningsnefnd, sem skipuð var á kirkjuþingi 1999,
um ritun sögu biskupsstólanna að leita til útgáfufélags með framkomnar hugmyndir
bæði hvað varðar útgáfu og fjármögnun. Leitað verði til kristnihátíðarsjóðs og annarra
aðila um kostun. Undirbúningsnefndin skili til kirkjuráðs niðurstöðu og tillögum.
Jafnframt leggur kirkjuþing til við kirkjuráð að það styrki verkið úr sjóðum kirkjunnar
um allt að 10% af kostnaði.
86