Ritið : tímarit Hugvísindastofnunar - 01.10.2013, Síða 6

5
VALd oG VALdALEySi
boðnum ávexti. Guðríður varð samkvæmt dagnýju að blæti sem nýttist við
að bægja frá óttanum við útlendinga.
Á síðustu áratugum hefur kenning franska heimspekingsins Michels
Foucault um lífvaldið haft mikil áhrif innan hugvísinda sem og víðar. Um
hana fjallar Nanna Hlín Halldórsdóttir í þriðju frumsömdu þemagrein
þessa heftis, „Getur leikurinn verið jafn? Um jafnrétti út frá valdagrein-
ingu Foucaults“. Nanna leggur þar áherslu á hugmyndir Foucaults um
vald sem tengsl og færir rök fyrir því að jafnrétti þurfi að skoða út frá þess-
um valdatengslum. Jafnrétti felist þá í að ná sem mestu jafnvægi í þessum
tengslum.
Heftið hefur að geyma þrjár ritrýndar greinar utan þema. Í „„Það er
gífur leg áskorun að þurfa að vera jafnvígur á að skrifa fræðigreinar á tveim-
ur tungumálum““ segja þær Birna Arnbjörnsdóttir og Hafdís ingvarsdóttir
frá viðtalsrannsókn sinni á viðhorfum íslenskra fræðimanna til þess að
skrifa og birta greinar á ensku. Grein Bergljótar Kristjánsdóttur, „„að segja
frá […] ævintýrum““, hefur að geyma greiningu á sögu Jóhanns Magnúsar
Bjarnasonar, „Ungfrú Harrington og ég“, út frá hugarkenningu hugrænna
fræða og sagan er þar túlkuð sem leynilögreglusaga. Þorsteinn Helgason
rekur svo hvernig Tyrkjaránið þróaðist sem minning í hugum landsmanna
í grein sinni „Tyrkjaránið sem minning“ en hún kallast nokkuð á við grein
dagnýjar.
Tvær þýðingar birtast hér og falla báðar undir valdsþemað. Sú
fyrri, „Kúgun: rasísk og önnur“ eftir bandaríska heimspekinginn Sally
Haslanger, er greining á kúgun út frá misskiptingu valds. Seinni þýðingin
er „Samkynhneigð og nauðgun karla í norrænum lögum og bókmenntum
miðalda“ eftir hina norsku Kari Ellen Gade.
Endahnútinn á þetta hefti Ritsins bindur Ármann Jakobsson í umræðu-
greininni „Judy Garland er löngu dauð“ með tilgátu um hvers vegna „hin-
seginhátíðin“ sé í vanda.
Eyja Margrét Brynjarsdóttir og Þröstur Helgason